ରାଜନଗର,୨୬।୭ : ସ୍କୁଟିକୁ ଧକ୍କା ଦେଲା ବସ୍। ଏଥିରେ ଶାଳକ ଓ ଭିଣୋଇଙ୍କ ମୃତ୍ୟୁ ଘଟିଛି। ମୃତକମାନେ ହେଲେ ବ୍ୟବସାୟୀ କାବୁଲି ଧଳ ଓ ତାଙ୍କ ଶାଳକ ହଡି। ପଟ୍ଟାମୁଣ୍ଡାରୁ –ରାଜନଗର ରାସ୍ତାରେ ଏଭଳି ଦୁର୍ଘଟଣା ଘଟିଛି। ଘଟଣା ପରେ ସ୍ଥାନୀୟ ଲୋକ ରାସ୍ତାରୋକ କରିଛନ୍ତି।
କାବୁଲି ଓ ତାଙ୍କ ଶାଳକ ହଡି ଏକ ସ୍କୁଟିରେ ତାଙ୍କ ଚୂଡା ମିଲରୁ ଘରକୁ ଖାଇବାକୁ ଯାଉଥିଲେ। ଏହି ସମୟରେ ପଟ୍ଟାମୁଣ୍ଡାଇରୁ ରାଜନଗର ଯାଉଥିବା ଜଗନ୍ନାଥ ବସଟି ତାଙ୍କ ଉପରେ ଚଢି ଯାଇ ଥିଲା। କାବୁଲିଙ୍କର ଘଟଣାସ୍ଥଳରେ ମୃତ୍ୟୁ ଘଟିଥିଲା। ଶାଳକ ହଡି ଗୁରୁତର ହୋଇଥିଲେ। ଗୁରୁତର ଅବସ୍ଥାରେ ହଡିଙ୍କୁ ରାଜନଗର ମେଡିକାଲ ନିଆଯାଇଥିଲା। ସେଠାରେ ତାଙ୍କର ମୃତ୍ୟୁ ଘଟିଛି। ଏହି ଘଟଣା ପରେ ସ୍ଥାନୀୟ ଲୋକେ ରାସ୍ତାରୋକ କରିଛନ୍ତି। ପୁଲିସ ପହଞ୍ଚି ଲୋକମାନଙ୍କୁ ବୁଝାସୁଝା କରୁଛି।
