ଭୁବନେଶ୍ଵର, ୦୬/୦୩ : ସୁରକ୍ଷାବାହିନୀକୁ ବଡ଼ ସଫଳତା। କମ୍ବିଂ ଅପରେସନ ବେଳେ ଦୁଇ ହାର୍ଡକୋର୍ ମାଓବାଦୀ ଗିରଫ। ମହାରାଷ୍ଟ୍ର ଗଡ଼ଚିରୋଲି ଜିଲ୍ଲା ପୋଲିସର ସି-୬୦ ବାହିନୀ ଏବଂ ସିଆରପିଏଫ୍ ଯବାନଙ୍କ ମିଳିତ କମ୍ବିଂ ଅପରେସନ ବେଳେ ଏହି ଦୁଇ ମାଓବାଦୀ ଗିରଫ ହୋଇଛନ୍ତି।
ସୂଚନାନୁଯାୟୀ, ଗିରଫ ହୋଇଥିବା ଦୁଇ ମାଓବାଦୀ ହେଲେ କେଲୁପାଣ୍ଡୁ ମାଡ଼କାମ ଓ ରାମେଡୋହି କୋର୍ଚେ। ଏମାନେ ଟେନୁର ମାଓ ସଙ୍ଗଠନରେ କମାଣ୍ଡର ପଦବୀରେ ନିଯୁକ୍ତ ଥିଲେ। ପୂର୍ବରୁ ଏମାନଙ୍କ ମୁଣ୍ଡ ଉପରେ ମହାରାଷ୍ଟ୍ର ସରକାର ୮ ଲକ୍ଷ ଟଙ୍କାର ପୁରସ୍କାର ରାଶି ଘୋଷଣା କରିଥିଲେ। ଏମାନେ ଦୀର୍ଘ ବର୍ଷ ଧରି ମାଓ ସଙ୍ଗଠନରେ କାର୍ଯ୍ୟ କରିବା ସହ ଅନେକ ହିଂସାକାଣ୍ଡ ଘଟାଇଛନ୍ତି। ବିଶେଷକରି ଗତ ଫେବୃଆରୀ ୨୫ ତାରିଖରେ ଜଣେ ପୂର୍ବତନ ସରପଞ୍ଚଙ୍କୁ ହତ୍ୟା କରିଥିବା ବେଳେ ସି-୬୦ ବାହିନୀର ଯବାନଙ୍କ ଉପରେ ଗୁଳି ମାଡ଼ କରିଥିଲେ। ଏହା ସହ ବିଭିନ୍ନ ସମୟରେ ପ୍ରଜାକୋର୍ଟ କରି ସରକାରଙ୍କ ବିଭିନ୍ନ ଉନ୍ନୟନମୂଳକ କାର୍ଯ୍ୟକୁ ବିରୋଧ କରୁଥିଲେ। ଗିରଫ ଦୁଇ ମାଓ ନେତାଙ୍କୁ ଆଜି କୋର୍ଟ ଚାଲାଣ କରାଯାଇଛି। ଗଡଚିରୋଲି ଏସପି ଏନେଇ ସୂଚନା ଦେଇଛନ୍ତି।
ଏହି ଖବରଟିକୁ ପଢନ୍ତୁ-ସୁପ୍ରିମକୋର୍ଟଙ୍କ ବଡ଼ ରାୟ : ଲିଭ୍-ଇନ୍-ରିଲେସନ୍ରେ ରହି କରିପାରିବେନି ଦୁଷ୍କର୍ମ ଅଭିଯୋଗ
