ଗୋପାଳପୁର ୬/୫:  ଜଣେ ଯୁବକକୁ ପଥର ଛେଚି ଆକ୍ରମଣ କରିଥିବା ମାମଲାରେ ଗୋପାଳପୁର ପୁଲିସ ୪ ଜଣକୁ ଗିରଫ କରି କୋର୍ଟ ଚାଲାଣ କରିଛି l ଅଭିଯୁକ୍ତମାନେ ହେଲେ ଖୋଡାସିଙ୍ଗ ଅଂଚଳର ବିରୁ ଦାସ, ଡ଼ମ୍ବୁରୁ ଦାସ, ପୂର୍ଣ୍ଣ ଚନ୍ଦ୍ର ନାୟକ, ଗନ୍ତାୟତ ଦାସ l 

ଶନିବାର ରାତି ପ୍ରାୟ ୧୧ଟା ସମୟରେ ଖୋଡାସିଙ୍ଗ ନିକଟରେ ଥୂବା ବ୍ଲାକ ସି ବାର ନିକଟରେ କୌଣସି କାରଣକୁ ନେଇ ସମିର ଓ ସାଙ୍ଗ ଆଶିଷ ଚୌଧୁରୀ ସହିତ ଅଭିଯୁକ୍ତମାନଙ୍କର ବଚସା ହୋଇଥିଲା। ଅଭିଯୁକ୍ତମାନେ  ସମିରର ମୁଣ୍ଡକୁ ଇଟା ଏବଂ ପଥରରେ ଆକ୍ରମଣ କରିଥିଲେ l ଆକ୍ରମଣରେ ମୁଣ୍ଡ ଫାଟି ଯାଇ ସମୀର ଅଚେତ ହୋଇଯାଇଥିଲେ। ସମୀର ମରିଗଲା ଭାବି ନିକଟରେ ଥିବା ଏକ ଗୋଡି ଗଦାରେ ଶୁଆଇ ସୁନା ଚେନ ଓ ସୁନା ଲକେଟ ନେଇ ଅଭିଯୁକ୍ତମାନେ  ଚମ୍ପଟ ମାରିଥିଲେ l ପରେ ସେଠାରେ  ଥିବା ସମୀରଙ୍କ ସାଙ୍ଗମାନେ ତାଙ୍କୁ  ଚିକିତ୍ସା ପାଇଁ ବ୍ରହ୍ମପୁର ମେଡିକାଲ ନେଇଥିଲେ l

 ସୁସ୍ଥ ଅନୁଭବ ପରେ ସମୀର ଗୋପାଳପୁର ଥାନାରେ ଲିଖିତ ଅଭିଯୋଗ କରିଥିଲେ l ଅଭିଯୋଗ ପ୍ରକାରେ ପୁଲିସ ଏକ ମାମଲା ରୁଜୁ କରିଥିଲା। ଏଥିରେ   ସମ୍ପୃକ୍ତ ଥିବା ଡ଼ମ୍ବୁରୁ ଓ ବିରୁକୁ ଅଟକ ରଖି ପଚରା ଉଚରା କରିଥିଲେ।  ପରେ ସମ୍ପୃକ୍ତ ଥିବା ଅନ୍ୟ ୨ ଅଭିଯୁକ୍ତ ପୂର୍ଣ୍ଣ ଓ ଗନ୍ତାୟତଙ୍କୁ ଖୋଡାସିଙ୍ଗ ଅଂଚଳରୁ କାବୁ କରି ଥାନାକୁ ଆଣି ପଚରା ଉଚରା କରିଥିଲେ।  ସେମାନଙ୍କ ଠାରୁ ସୁନା ଚେନ,ଏକ ସ୍କୁଟି,ଦୁଇଟି ମୋବାଇଲ ଜବତ କରିଥିଲେ।  ଅଭିଯୁକ୍ତ ୪ ଜଣକୁ କୋର୍ଟ ଚାଲାଣ କରାଯାଇଥିବା ଥାନା ଅଧିକାରୀ ପ୍ରଶାନ୍ତ କୁମାର ମଲ୍ଲିକ ସୂଚନା ଦେଇଛନ୍ତି l