ଲମତାପୁଟ,୨୨/୧୧: ପାଡୁଆ ପୋଲିସର ସଫଳତା । ୬୦ କେଜି ଗଞ୍ଜେଇ ଜବତ କରିବା ସହିତ ଜଣଙ୍କୁ ଗିରଫ କରିଛି ପୋଲିସ । ଗିରଫ ଯୁବକ ଜଣକ ପାଡୁଆ ଥାନା ଅଧୀନ ମୂଲଡ଼ା ଗ୍ରାମର ବୋଲି ଜଣାପଡ଼ିଛି । ଜବତ ହୋଇଥିବା ଗଞ୍ଜେଇର ମୂଲ୍ୟ ୬ ଲକ୍ଷ ଟଙ୍କା ହେବ ବୋଲି ସୂଚନା ମିଳିଛି । କୋରାପୁଟ ଜିଲ୍ଲା ଲମତାପୁଟ ଅଞ୍ଚଳରେ ଏଭଳି ଘଟଣା ଘଟିଛି ।
ସୂଚନା ମୁତାବକ, ପାଡୁଆ ପୋଲିସ ଗୁରୁବାର ରାତିରେ ପାଟ୍ରୋଲିଂ କରୁଥିବା ବେଳେ ଜଣେ ଯୁବକ ଠିଆ ହୋଇ ଥିବାର ଦେଖିଥିଲେ । ଏହା ଦେଖି ତାଙ୍କର ସନ୍ଦେହ ହୋଇଥିଲା । ସନ୍ଦେହ ହେବାରୁ ଯୁବକଙ୍କ ନିକଟରେ ପହଞ୍ଚି ଥିଲା ପୋଲିସ । ପୋଲିସ ଆସିବାର ଦେଖି ଯୁବକ ଜଣକ ଦୌଡ଼ିବାରେ ଲାଗିଥିଲା । ଉକ୍ତ ଯୁବକକୁ ପୋଲିସ ଗୋଡ଼ାଇବାରୁ ଯୁବକ ଜଣକ ଏକ ନିଛାଟିଆ ସ୍ଥାନରେ ରହିଥିଲା । ଏହା ଦେଖି ପୋଲିସ ସେହି ସ୍ଥାନକୁ ଯାଞ୍ଚ କରିବାରୁ ତିନିଟି ଜରି ବସ୍ତାରେ ଗଚ୍ଛିତ ଥିବା ଗଞ୍ଜେଇ ଥିଲା । ଉକ୍ତ ଗଞ୍ଜେଇକୁ ଜବତ କରି ଓଜନ କରିବାରୁ ୬୦ କେଜି ଗଞ୍ଜେଇ ଥିବାର ଜଣାପଡ଼ିଛି । ଯାହାର ମୂଲ୍ୟ ୬ ଲକ୍ଷ ଟଙ୍କା ହେବ ବୋଲି ପୋଲିସ ସୂଚନା ଦେଇଛି । ଏହି ଘଟଣାରେ ସମ୍ପୃକ୍ତ ଥିବା ବ୍ୟକ୍ତିଙ୍କୁ ଗିରଫ କରିଛି ପୋଲିସ । ତେବେ ଏହି ଗଞ୍ଜେଇ ଓଡ଼ିଶା ଏବଂ ଆନ୍ଧ୍ର ସୀମାନ୍ତ ମୂଚିମପୁଟ ଅଞ୍ଚଳରୁ କିଛି ଅଚିହ୍ନା ବ୍ୟକ୍ତିଙ୍କ ଠାରୁ କିଣି ଟ୍ରେନ ଯୋଗେ ବିଶାଖାପାଟଣାକୁ ଚୋରା ଚାଲାଣ ପାଇଁ ତିଆରି କରୁଥିବା ଉକ୍ତ ଯୁବକ ଜଣକ କହିଛି ।
