ମୁମ୍ବାଇ,୧୯/୦୩: କୁଖ୍ୟାତ ଆତଙ୍କବାଦୀ ଓସାମା ବିନ ଲାଡେନ୍ । ଯିଏ ଦୁନିଆକୁ ଥରାଇ ରଖୁଥିଲା । ଜାଣିଛନ୍ତି କି ବଲିଉଡରେ ପ୍ରସିଦ୍ଧ ଗାୟିକା ଅଲକା ୟାଗନିକଙ୍କର ଜବରଦସ୍ତ ଫ୍ୟାନ ଥିଲା ଓସାମା । ଅଲକାଙ୍କ ଗୀତ ଶୁଣିବାକୁ ବହୁତ ପସନ୍ଦ କରୁଥିଲା ଲାଡେନ୍ । ଆତଙ୍କୀ ଓସାମାର ସାମ୍ରାଜ୍ୟ ଯେବେ ମାଟିରେ ମିଶିଲା ସେବେ ଏହି ସତ ବାହାରକୁ ଆସିଥିଲା । ଯେବେ ଅଲକାଙ୍କୁ ଏହା ଜଣାପଡିଲା ଜାଣନ୍ତୁ ସେ କଣ କହିଲେ ?
କୁହାଯାଉଛି କି, ଦୁନିଆର କୁଖ୍ୟାତ ଆତଙ୍କବାଦୀ ଓସାମା ବିନ୍ ଲାଡେନ୍ ବଲିଉଡ ଗାୟିକା ଅଲକା ୟାଗନିକଙ୍କ ବଡ ଫ୍ୟାନ ଥିଲା । ସେ ଅଲକାଙ୍କ ଗୀତ ଶୁଣିବାକୁ ପସନ୍ଦ କରୁଥିଲା । ସିଆଇଏ ଯେବେ ଓସାମା ବିନ୍ ଲାଡେନର ଠିକଣାରେ ଚଢାଉ କରିଥିଲା ସେବେ ତାର କମ୍ପ୍ୟୁଟର ଜବତ କରିଥିଲା । ସେଥିରୁ ଉଦିତ୍ ନାରାୟଣ, କୁମାର ସାନୁ ଏବଂ ଅଲକା ୟାଗନିକଙ୍କ ପରି ଅନେକ ବଲିଉଡ ଗାୟକଙ୍କ ଚାର୍ଟବଷ୍ଟର ମିଳିଥିଲା । ବଲିଉଡରେ ଜଣେ ଜଣାଶୁଣା ସିଙ୍ଗର ହେଉଛନ୍ତି ଅଲକା । 'ରୁଖି-ସୁଖୀ ରୋଟି', 'ମୁଝସେ ମହୋବତ୍', 'ଏ ବନ୍ଧନ ତୋ' ପରି ଗୀତରେ ତାଙ୍କ ସ୍ବରର ଯାଦୁ ଦେଖିବାକୁ ମିଳିଛି ।
କଣ କହିଲେ ଅଲକା ? ଓସାମା ଅଲକାଙ୍କ ନମ୍ବର ୱାନ ଫ୍ୟାନ ହୋଇଥିବା ନେଇ ଏସ ସାକ୍ଷତକାରରେ ତାଙ୍କୁ ପ୍ରଶ୍ନ ପଚରା ଯାଇଥିଲା । ଅଲକା ଏହାର ଉତ୍ତରରେ କହିଥିଲେ, '' କଣ ଏହା ମୋର ଭୁଲ କି ? ଓସାମା ବିନ୍ ଲାଡେନ୍ ଯେମିତି ବି ହୁଅନ୍ତୁ ନା କାହିଁକି ତାଙ୍କ ଭିତରେ ହୁଏତ ଏକ ଛୋଟ କଳାକାରଟିଏ ଥିବ । ସେଥିପାଇଁ ତ ସେ ସଙ୍ଗୀତ ଶୁଣଥିଲେ । ତାଙ୍କୁ ଯଦି ମୋ ଗୀତ ପସନ୍ଦ ତେବେ ତାହା ତ ଭଲ କଥା ।''
