ଅଟାୱା,୩୧/୧୦: କାନାଡାରେ ଜଣେ ଭାରତୀୟ ବଂଶୋଦ୍ଭବ ବ୍ୟବସାୟୀ ଆରବି ସିଂ ସଗ୍ଓ(୫୫)ଙ୍କୁ ପିଟିପିଟି ହତ୍ୟା କରାଯାଇଛି । ପୁଲିସ ତାଙ୍କୁ ଅଚେତ ଅବସ୍ଥାରେ ଉଦ୍ଧାର କରି ଡାକ୍ତରଖାନାରେ ଭର୍ତ୍ତି କରିଥିଲା । ୫ ଦିନ ଧରି ଚିକିତ୍ସିତ ହେବା ପରେ ହସ୍ପିଟାଲରେ ତାଙ୍କର ମୃତ୍ୟୁ ଘଟିଛି।
ସଗ୍ଓ ତାଙ୍କ ପ୍ରେମିକାଙ୍କ ସହ ରାତିରେ ଖାଇବା ସାରି ନିଜ ଗାଡ଼ି ପାଖକୁ ଫେରୁଥିଲେ । ସେହି ସମୟରେ ଜଣେ ବ୍ୟକ୍ତି ତାଙ୍କ କାର୍ ଉପରେ ପରିସ୍ରା କରୁଥିବା ଦେଖିବାକୁ ପାଇଥିଲେ । ସଗ୍ଓ ତାଙ୍କୁ ଅଟକାଇବାରୁ ବ୍ୟକ୍ତି ଜଣକ ତାଙ୍କ ଉପରେ ଆକ୍ରମଣ କରିଥିଲେ । ଗଭୀର ଆଘାତ ଲାଗିବା ପରେ ସଗ୍ଓ ତଳେ ପଡ଼ି ଅଚେତ ହୋଇଯାଇଥିଲେ । ଏହି ଘଟଣାରେ ଅଭିଯୁକ୍ତ ୪୦ ବର୍ଷୀୟ କାଇଲ ପାପିନଙ୍କୁ ଗିରଫ କରାଯାଇଛି।
