ଜାକାର୍ତା: ଇଣ୍ଡୋନେସିଆର ପୂର୍ବ ଜାଭା ପ୍ରଦେଶର ସିଡୋଆର୍ଜୋ ଜିଲ୍ଲାରେ ଅବସ୍ଥିତ ଆଲ୍ ଖୋଜିନୀ ଇସଲାମିକ୍ ବୋର୍ଡିଂ ସ୍କୁଲର ଏକ ଭବନ ଧସିଯିବାରୁ ଘଟଣାରେ ମୃତ୍ୟୁସଂଖ୍ୟା ୬୦କୁ ପହଞ୍ଚିଛି। ସୋମବାର ସନ୍ଧ୍ୟା ୬ଟା ୧୫ ପର୍ଯ୍ୟନ୍ତ ରକ୍ଷା ଓ ଉଦ୍ଧାରକାରୀ ଦଳ ଅଧିକ ୧୧ଟି ମୃତଦେହ ଉଦ୍ଧାର କରିଛନ୍ତି। ଏହା ଇଣ୍ଡୋସିଆର ଜାତୀୟ ବିପଦ ପରିଚାଳନା ଏଜେନ୍ସି (ବିଏନପିବି) ଦ୍ୱାରା ଘୋଷଣା କରାଯାଇଛି।
ବିଏନପିବିର ମୁଖପାତ୍ର ବୋଲଟା ଅବ୍ଦୁଲ ମୁହାରୀଙ୍କ ପ୍ରେସ୍ ବିଜ୍ଞପ୍ତିରେ କହିଛନ୍ତି ଯେ, ରବିବାର ରାତିରୁ ମଧ୍ୟରାତ୍ରିରୁ ମଧ୍ୟରେ ଧସିଯାଇଥିବା ସ୍କୁଲ ଘଟଣାରେ ସୋମବାର ସନ୍ଧ୍ୟା ୬ଟା ୧୫ ମଧ୍ୟରେ ମୋଟ୍ 60ଟି ମୃତଦେହ ଉଦ୍ଧାର କରାଗଲାଣି। ସ୍କୁଲର ହାଜିରା ତାଲିକା ଅନୁସାରେ, ପ୍ରାରମ୍ଭିକ ହିସାବରେ ଏଯାଏ ୩ ଜଣ ନିଖୋଜ ରହିଛନ୍ତି। ଏହା ବ୍ୟତୀତ, ଉଦ୍ଧାରକାରୀ ଦଳ ୫ଟି ମୃତଦେହର ଅଂଶ ମଧ୍ୟ ଖୋଜିପାରିଛନ୍ତି। ସମସ୍ତ ମୃତଦେହକୁ ଚିହ୍ନଟ କରିବା ପାଇଁ ସୁରାବାୟାର ଭୟଙ୍କରା ହସ୍ପିଟାଲକୁ ନିଆଯାଇଛି।
ମିଳିଥିବା ସୂଚନା ମୁତାବକ, ଏହି ଦୁର୍ଘଟମାରେ ଆହତ ହୋଇ ଚିକିତ୍ସିତ ହେଉଥିବା ରୋଗୀଙ୍କ ସଂଖ୍ୟା ବର୍ତ୍ତମାମ ୧୦୪ରେ ପହଞ୍ଚିଛି। ଏହା ମଧ୍ୟରୁ ୪ ଜଣଙ୍କୁ ଡିସଚାର୍ଜ୍ କରାଯାଇଥିବା ବେଳେ, ୯୯ ଜଣ ଏପର୍ଯ୍ୟନ୍ତ ହସ୍ପିଟାଲରେ ଚିକିତ୍ସିତ ହେଉଛନ୍ତି ଏବଂ ଅନ୍ୟ ଜଣଙ୍କୁ ଆଗକୁ ଆଉ ଚିକିତ୍ସାର ଆବଶ୍ୟକତା ନଥିବାରୁ ଜଲଦି ହସ୍ପିଟାଲରୁ ଡିସଚାର୍ଜ କରାଜିବ। ଅନ୍ୟପଟେ ଦୁର୍ଘଟଣା ଘଟିଥିବା ଏ-୧ ଓ ଏ-୨ ସେକ୍ଟରରେ ସର୍ଚ୍ଚ ଅପରେସନ ଚାଲୁ ରହିଛି। ଯେଉଁଠାରେ ଧସିଯାଇଥିବା ଘର ଗୁଡିକକୁ ସତର୍କତାର ସହିତ ସଫା କରାଯାଉଛି।
ଏନେଇ ଅଧିକାରୀମାନେ କହିଛନ୍ତି ଯେ, ନିକଟବର୍ତ୍ତୀ ଘରଗୁଡିକୁ ଅତିରିକ୍ତ କ୍ଷତି ରୋକିବା ପାଇଁ ସମସ୍ତ କାମ ସତର୍କତାର ସହିତ କରାଯାଉଛି। ଏହି ଦୁର୍ଘଟଣା ଗତ ୨୯ ସେପ୍ଟେମ୍ବରରେ ଘଟିଥିଲା, ସେତେବେଳେ ଏହି ଘଟଣା ଯୋଗୁଁ ଶହଶହ ଛାତ୍ରଛାତ୍ରୀ ଏହି ଭବନରେ ଫସି ରହିଥିଲେ। ଏହାପରେ ଉଦ୍ଧାରକାରୀ ଦଳ ଘଟଣାସ୍ଥଳରେ ପହଞ୍ଚି ଉଦ୍ଧାରକାର୍ଯ୍ୟ ଆରମ୍ଭ କରିଥିଲା। ତେବେ ଏହି ଦୁର୍ଘଟଣା ପଛର କାରଣ ସମ୍ପର୍କରେ ଯାଞ୍ଚ ଚାଲୁ ରହିଛି। ପ୍ରାରମ୍ଭିକ ନିର୍ଣ୍ଣୟ ଅନୁସାରେ, ନିର୍ମାଣ ପ୍ରଣାଳୀରେ ଦୁର୍ବଳତା ଏକ ସମ୍ଭାବ୍ୟ କାରଣ ହିସାବରେ ଚିହ୍ନିତ ହୋଇଛି।
ସିଡୋଆର୍ଜୋର ଜିଲ୍ଲା ପ୍ରମୁଖ ସୁବାନ୍ଦୀ ପୂର୍ବରୁ ପୋଲିସ ଘୋଷଣାକୁ ନିଶ୍ଚିତ କରି କହିଛନ୍ତି ଯେ, ସ୍କୁଲ ପରିଚାଳନା ବିଭାଗ ପ୍ରୋଜେକ୍ଟ ଆରମ୍ଭ କରିବା ପୂର୍ବରୁ ଆବଶ୍ୟକ ନିର୍ମାଣ ଅନୁମତି ନେଇପାରିନଥିଲେ। ଇଣ୍ଡୋନେସିଆର ୨୦୦୨ ବିଲ୍ଡିଂ କନଷ୍ଟ୍ରକ୍ସନ୍ କୋଡ୍ ଅନୁସାରେ, କୌଣସି ନିର୍ମାଣ କାର୍ଯ୍ୟ ଆରମ୍ଭ କରିବା ପୂର୍ବରୁ ସମ୍ବନ୍ଧିତ ଅଧିକାରୀଙ୍କଠାରୁ ଅନୁମତି ନେବା ଆବଶ୍ୟକ। ଅନୁପାଳନ ନ କରିଲେ ଦଣ୍ଡ ବା କାରାଦଣ୍ଡ ହୋଇପାରେ। ଯଦି ଏହା ମୃତ୍ୟୁ ଘଟଣାରେ ପରିଣତ ହୁଏ, ତେବେ ୧୫ ବର୍ଷ କାରାଦଣ୍ଡ ସହ ୮ ବିଲିୟନ୍ ରୁପିୟା (ପ୍ରାୟତ ୫୦୦,୦୦୦ ଯୁଆନ୍) ଜୋରିମାନା ହୋଇପାରେ।
