ନୂଆଦିଲ୍ଲୀ,୨୦/୧୦: ବଲିଉଡ ଅଭିନେତ୍ରୀ ପରିଣିତି ଚୋପ୍ରା ମା’ ହୋଇଛନ୍ତି । ଶୁକ୍ରବାର ସେ ଏକ ଶିଶୁପୁତ୍ରକୁ ଜନ୍ମ ଦେଇଛନ୍ତି । ପରିଣିତିଙ୍କ ସ୍ୱାମୀ ତଥା ରାଜ୍ୟସଭା ସାଂସଦ ରାଘବ ଚଢ଼ା ସୋସିଆଲ ମିଡିଆରେ ଏହି ଖୁସିଖବର ଦେଇଛନ୍ତି ।
ରାଘବ ଇନ୍ଷ୍ଟାଗ୍ରାମରେ ଏକ ଫଟୋ ସେୟାର କରି ଲେଖିଛନ୍ତି, ‘ଶେଷରେ ସେ ଆସିଗଲା! ଆମ ପୁଅ ଏବଂ ସତରେ ଆମକୁ ଆଉ ପୂର୍ବର ଜୀବନ କଥା ମନେ ନାହିଁ! ହାତ, ହୃଦୟ ସମ୍ପୂର୍ଣ୍ଣ । ପୂର୍ବରୁ ଆମେ ଉଭୟେ କେବଳ ଉଭୟଙ୍କ ପାଇଁ ଥିଲୁ । ଏବେ ଆମ ପାଖରେ ସବୁକିଛି ଅଛି ।’ ପରିଣିତି ଦିଲ୍ଲୀରେ ହସ୍ପିଟାଲରେ ଭର୍ତ୍ତି ହୋଇଥିଲେ ।
ସେହିପରି ପରିଣିତିଙ୍କ ମା’ ପୋଷ୍ଟ କରିଛନ୍ତି, ଏହାଠାରୁ ବଡ଼ ଖୁସି ଏବଂ ଆଶୀର୍ବାଦ ଆଉ କିଛି ହୋଇପାରିବନି । ଉଭୟଙ୍କୁ ବହୁତ ସାରା ଭଲପାଇବା । ଭଗବାନ ତୁମମାନଙ୍କ ଉପରେ ସର୍ବଦା ଆଶୀର୍ବାଦ ବନାଇ ରଖନ୍ତୁ । ରାଘବ ଏବଂ ପରିଣିତି ୨୦୨୩ ସେପ୍ଟେମ୍ବରରେ ବିବାହ କରିଥିଲେ । ୨୦୨୫ ଅଗଷ୍ଟରେ ସେମାନେ ବାପା-ମା’ ହେବାକୁ ଯାଉଥିବା ଘୋଷଣା କରିଥିଲେ ।
