ନୂଆଦିଲ୍ଲୀ ୦୬/୦୬: ଉତ୍ତର-ପଶ୍ଚିମ ଚୀନ୍ରେ ୧୨ କୋଟି ବର୍ଷ ତଳର ଏକ ଅସାଧାରଣ ଜୀବାଶ୍ମ ଠାବ ହୋଇଛି । ମାଇକ୍ରୋରାପ୍ଟର ନାମରେ ପରିଚିତ ଅସାଧାରଣ ଶିକାରୀ ଡାଇନୋସର ସମୂହ ବିଷୟରେ ବୈଜ୍ଞାନିକଙ୍କ ଧାରଣାକୁ ଏହା ବଦଳାଇଛି । ଜୀବାଶ୍ମ ଯେଉଁ ସ୍ଥାନରେ ଠାବ ହୋଇଛି, ତାହା ସିକଲ୍ ଭଳି ପଞ୍ଝାଯୁକ୍ତ ଭେଲୋସିରାପ୍ଟର୍ର ଛୋଟ ଓ ପବନରେ ବିଚରଣ କରୁଥିବା ସମୂହର ଭୌଗୋଳିକ ସୀମାକୁ ଆହୁରି ବିସ୍ତାର କରିଛି । ଏହାର ହାଡ଼ ଜୀବାଶ୍ମ ରେକର୍ଡରେ ବର୍ତ୍ତମାନର ମାଇକ୍ରୋରାପ୍ଟର୍ ନମୁନାକୁ ପ୍ରତିନିଧିତ୍ୱ କରୁଛି ଏବଂ ଡେଣାଯୁକ୍ତ ଏହି ଡାଇନୋସର କେତେ ସମୟ ବଞ୍ଚିଥିଲେ, ତା’ର ସମୟସୀମାକୁ ବିସ୍ତାର କରିଛି ।
ତା’ର ଅକ୍ଷତ କାନ୍ଧ ଓ ଆଗ ହାତ ହାଡ଼ର ନୂଆ ବିଶ୍ଳେଷଣ ବିଷୟରେ ୨୦୧୦ ମସିହାର ଏକ ଅଧ୍ୟୟନରେ ଉଲ୍ଲେଖ କରାଯାଇଥିଲା । ଜୀବାଶ୍ମଟି ପୂର୍ବରୁ ଅଜଣା ମାଇକ୍ରୋରାପ୍ଟର ପ୍ରଜାତିର ବୋଲି ତାହା ଦର୍ଶାଇଥିଲା । ଅଧ୍ୟୟନକର୍ତ୍ତା ଡାଇନୋସର ନାଁ ଦେଇଛନ୍ତି ଜିଆନ ଚାଙ୍ଗମେନସିସ୍ । ଆନାଲ ଅଫ୍ କାର୍ନିଜ ମ୍ୟୁଜିୟମ୍ ପତ୍ରିକାରେ ଅଧ୍ୟୟନ ପ୍ରକାଶ ପାଇଛି । ଚୀନ୍ ପୁରାଣରେ ଜିଆନ୍ ଏକ-ପଙ୍ଖଯୁକ୍ତ ପକ୍ଷୀକୁ ଦର୍ଶାଏ । ଏଥିରେ ଡାଇନୋସର୍ର ପକ୍ଷୀଭଳି ବିଶେଷତ୍ୱଗୁଡ଼ିକୁ ଧ୍ୟାନରେ ରଖାଯାଇଛି । ଗାନ୍ସୁ ପ୍ରଦେଶର ଚାଙ୍ଗମା ନଦୀ ଅବବାହିକାରେ ଜୀବାଶ୍ମ ଚିହ୍ନଟ ହୋଇଥିବାରୁ ତା’ର ଏଭଳି ନାମକରଣ ହୋଇଛି ।
ଆହୁରି ପଢ଼ନ୍ତୁ...Sahara Desert Tragedy: ସାହାରା ମରୁଭୂମିରେ ଟ୍ରକ୍ ଅଚଳ, ଶୋଷରେ ଚାଲିଗଲା ୫୦ ଜୀବନ
