ବାରିପଦା, ୨।୭: ଷଣ୍ଢ ଏବଂ ଗୋରୁ ନେଇ ଯାଉଥିବା ପିକଅପ୍ ସହ ବରଯାତ୍ରୀ ବୋଲେରୋ ମୁହାଁମୁହିଁ ଧକ୍କା । ରାଞ୍ଚି ବିଜୟୱାଡ଼ା ୨୨୦ ନମ୍ବର ଜାତୀୟ ରାଜପଥ ବାଦାମପାହାଡ଼ ଥାନା ପଡ଼ିଆ ନିକଟରେ ଏହି ଦୁର୍ଘଟଣା ଘଟିଛି । ନିୟନ୍ତ୍ରଣ ହରାଇ ପିକଅପଟି ଓଲଟି ପଡ଼ିବାରୁ ଦୁଇଟି ବଳଦ ପ୍ରାଣ ହରାଇଛନ୍ତି । ସେପଟେ ବୋଲେରୋରେ ବସିଥିବା ବରଯାତ୍ରୀ ମଧ୍ୟରୁ ଡ୍ରାଇଭର ସମେତ ୬ ଜଣ ଗୁରୁତର ଆହତ ହୋଇଛନ୍ତି । ସମସ୍ତ ଆହତଙ୍କୁ ହୋଇ ଚିକିତ୍ସିତ ହେଉଛନ୍ତି ।
ସୂଚନାନୁସାରେ, ପିକ୍ଅପ୍ଟି ଯଶିପୁର ଥାନା ଅଞ୍ଚଳରୁ ରାଇରଙ୍ଗପୁର ଥାନା ଅଭିମୁଖେ ଯାଉଥିଲା । ବିପରୀତ ଦିଗରୁ ଅର୍ଥାତ୍ ରାଇରଙ୍ଗପୁର ଗ୍ରାମାଞ୍ଚଳ ଥାନା ବଡ଼ାମ କୁରାଡ଼ି ଗାଁରୁ ଯଶିପୁର ଥାନା ଅନ୍ତର୍ଗତ ବାଉଁଶ ନାଳି ଗ୍ରାମକୁ ବରଯାତ୍ରୀ ନେଇ ବୋଲେରୋ ଫେରୁଥିଲା । ଉଭୟ ଗାଡ଼ି ବାଦାମପାହାଡ଼ ଥାନା ପଡ଼ିଆ ନିକଟରେ ମୁହାଁମୁହିଁ ଧକ୍କା ହୋଇଥିଲେ । ଦୁର୍ଘଟଣାରେ ଆହତମାନେ ହେଲେ ଯଶିପୁର ଥାନା ଅଂଚଳର ଟାଙ୍ଗର ବଳଦା ଗ୍ରାମର ସୁମନ୍ତ ମହାନ୍ତ, କଜଳା ଗ୍ରାମର ଶୈଲେନ୍ଦର ମହାନ୍ତ, ବନ୍ଦରିଆ ପୋଷି ଗ୍ରାମର ଛତିଶ ତିରିଆ ଓ ବିକାଶ ମହାନ୍ତ ଡ୍ରାଇଭର,ବାଲି ଯୋଡ଼ି ଗ୍ରାମର କାଳୀ ଚରଣ ମହାନ୍ତ ଓ ମଣଦା ଗ୍ରାମର ସୁଗୁନ ପାତ୍ର । ଅନ୍ୟପଟେ ପିକଅପ୍ ଡ୍ରାଇଭର ଘଟଣାସ୍ଥଳରୁ ଫେରାର୍ ହୋଇଯାଇଛି । ପୁଲିସ ପିକଅପ ସହ ବଳଦ ଓ ଷଣ୍ଢକୁ ଜବଦ କରିଛି ।
