ଭୁବନେଶ୍ୱର ୧୪/୦୧: ବ୍ରହ୍ମାଣ୍ଡକୁ ଶକ୍ତି ଏବଂ ଆଲୋକ ପ୍ରଦାନ କରୁଥିବା ସୂର୍ଯ୍ୟ ଦେବ ତାଙ୍କର ଦିଗ ପରିବର୍ତ୍ତନ କରି ୬ ମାସ ପାଇଁ ଉତ୍ତରାୟଣ ହୋଇଛନ୍ତି। ସେ ଧନୁ ରାଶି ଛାଡି ଜାନୁଆରୀ ୧୪ ରେ ଅର୍ଥାତ୍ ଆଜି ମକର ରାଶିରେ ପ୍ରବେଶ କରିଛନ୍ତି। ଏହା ଦ୍ୱାରା ଦିନ ଅଧିକ ଲମ୍ବା ଏବଂ ରାତି ଛୋଟ ହେବ। ଏଥିସହିତ ଥଣ୍ଡାରୁ ମଧ୍ୟ ଟିକିଏ ଆରାମ ମିଳିବ। ୧୨ ବର୍ଷ ପରେ, ମକର ସଂକ୍ରାନ୍ତିରେ ସୂର୍ଯ୍ୟ ଏବଂ ବୃହସ୍ପତିଙ୍କ ଏକ ଦୁର୍ଲଭ ନବପଞ୍ଚମ ଯୋଗ ଗଠନ ହେଉଛି । ଜ୍ୟୋତିଷ ଶାସ୍ତ୍ର ଅନୁଯାୟୀ, ଏହି ଯୋଗ ହେତୁ ସମସ୍ତ ରାଶି ପାଇଁ କୌଣସି ପ୍ରକାରେ ଫାଇଦା ହେବାକୁ ଯାଉଛି। କିନ୍ତୁ ୩ ଟି ରାଶି ପାଇଁ ଅଧିକ ଲାଭ ହେବାର ସମ୍ଭାବନା ରହିଛି। ଆସନ୍ତୁ ଜାଣିବା ସେହି ତିନୋଟି ଭାଗ୍ୟଶାଳୀ ରାଶି ବିଷୟରେ...
ମକର ରାଶି :
ଜ୍ୟୋତିଷ ଶାସ୍ତ୍ର ଅନୁଯାୟୀ, ମାକର ସଂକ୍ରାନ୍ତିରେ ନବପଞ୍ଚମ ଯୋଗ ଗଠନ ଆପଣଙ୍କ ପାଇଁ ଅତ୍ୟନ୍ତ ଲାଭଦାୟକ ହୋଇପାରେ। ଏହି ଯୋଗର ଗଠନ ହେତୁ ଆପଣଙ୍କ ସାହସ ଏବଂ ପରାକ୍ରମ ବୃଦ୍ଧି ପାଇବ । ଯେଉଁଥିପାଇଁ ଆପଣ ଆତ୍ମବିଶ୍ୱାସରେ ପରିପୂର୍ଣ୍ଣ ରହିବେ।ସୂର୍ଯ୍ୟ ଦେବଙ୍କ କୃପାରୁ, ଆପଣଙ୍କ ଚାକିରି ଏବଂ ବ୍ୟବସାୟରେ ଆଶା ଠାରୁ ଅଧିକ ଉନ୍ନତି ପାଇବେ। ଆର୍ଥିକ ପକ୍ଷ ମଜଭୁତ ହେତୁ ଆପଣଙ୍କ ମନ ଖୁସିରେ ପରିପୂର୍ଣ୍ଣ ରହିବ। କୌଣସି ଶୁଭ କାର୍ଯ୍ୟରେ ଅଂଶଗ୍ରହଣ କରିପାରିବେ।
ଧନୁ ରାଶି :
ନବପଞ୍ଚମ ଯୋଗ ଗଠନ ହେତୁ, ଭାଗ୍ୟର ପୂର୍ଣ୍ଣ ସମର୍ଥନ ରହିବ। ଆପଣଙ୍କ ଧନ ବୃଦ୍ଧି ହେବାର ସଂଯୋଗ ରହିଛି। ଆୟର ବୃଦ୍ଧି ସହିତ ଆପଣ ଘରେ ବିଳାସପୂର୍ଣ୍ଣ ଜିନିଷ କିଣିବାକୁ ସକ୍ଷମ ହେବେ । ବେରୋଜଗାର ଲୋକଙ୍କୁ ଚାକିରି ମିଳିପାରେ। ଯଦି ଚାକିରି ବଦଳାଇବାକୁ ଚିନ୍ତା କରୁଥିବେ ତେବେ ଏକ ଭଲ ପ୍ୟାକେଜ୍ ସହିତ ଅଫର୍ ମିଳିପାରେ। ସୂର୍ଯ୍ୟଦେବଙ୍କ ଆଶୀର୍ବାଦ ଆପଣଙ୍କ ଉପରେ ରହିବ। ଯେଉଁ କାରଣରୁ ଅବିବାହିତ ବ୍ୟକ୍ତିଙ୍କୁ ବିବାହ ପ୍ରସ୍ତାବ ମିଳିପାରେ।
ବିଛା ରାଶି :
ଜ୍ୟୋତିଷ ଶାସ୍ତ୍ର ଅନୁଯାୟୀ, ଆପଣ ଉପରେ ଉଭୟ ସୂର୍ଯ୍ୟ ଏବଂ ବୃହସ୍ପତିଙ୍କ ଆଶୀର୍ବାଦ ପ୍ରାପ୍ତ ହେବ। ଯାହା ଦ୍ୱାରା ଆପଣଙ୍କ କ୍ୟାରିଅରରେ ଉନ୍ନତି ହେବ। କାର୍ଯ୍ୟକ୍ଷେତ୍ରରେ ଆପଣଙ୍କ କଠିନ ପରିଶ୍ରମକୁ ପ୍ରଶଂସା ମିଳିବ ଏବଂ ନୂତନ ଦାୟିତ୍ୱ ଆପଣଙ୍କୁ ମିଳିପାରେ। ନିକଟ ଭବିଷ୍ୟତରେ ଆପଣଙ୍କୁ ପ୍ରମୋସନ୍ ମଧ୍ୟ ମିଳିପାରେ। ବ୍ୟବସାୟରେ ନୂତନ ଡିଲ୍ ମିଳିପାରେ। କୌଣସି ନୂତନ ପ୍ରୋଜେକ୍ଟ ଉପରେ କାମ ଆରମ୍ଭ କରିପାରନ୍ତି।
