ଭୁବନେଶ୍ୱର, ୨୫/୦୪: ଅଧୁରା ରହିଗଲା ଜଗା ଦର୍ଶନ । ମହାପ୍ରଭୁଙ୍କ ଦର୍ଶନ ପାଇଁ ଯାଇଥିବା ବେଳେ ନାବାଳକ ଉପରେ ଚଢିଗଲା ବୋଲେରୋ । ଚାଲିଗଲା ୮ ବର୍ଷର ନାବାଳକର ଜୀବନ । ମୃତ ନାବାଳକ ବେଗୁନିଆ ଅଞ୍ଚଳର ଆଶୁ ଦାସ ବୋଲି ଜଣାପଡ଼ିଛି । ପୁରୀ ଆରଟିଓ ଅଫିସ ସମ୍ମୁଖରେ ଘଟିଛି ଏଭଳି ଅଭାବନୀୟ ଘଟଣା।
ସୂଚନା ମୁତାବକ, ବେଗୁନିଆ ଅଞ୍ଚଳର ଆଶୁ ଦାସ ତାଙ୍କ ପରିବାର ସହ ପୁରୀ ବୁଲିବାକୁ ଯାଇଥିଲେ । ଜଗା ଦର୍ଶନ ପାଇଁ ଯାଉଥିବା ବେଳେ ପୁରୀ ଆରଟିଓ ଅଫିସ ସମ୍ମୁଖରେ ଏକ ବୋଲେରୋ ଦ୍ରୁତ ଗତିରେ ଆସି ନାବାଳକଙ୍କ ଉପରେ ଚଢିଯାଇଥିଲା । ଫଳରେ ଗୁରୁତର ଅବସ୍ଥାରେ ରାସ୍ତା ଉପରେ ପଡ଼ି ଯନ୍ତ୍ରଣାରେ ଚିତ୍କାର କରିଥିଲା ଆଶୁ । ପାଟି ଶୁଣି ପରିବାର ଲୋକେ ଦୌଡ଼ି ଆସି ତୁରନ୍ତ ତାଙ୍କୁ ଉଦ୍ଧାର କରି ସଦର ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଥିଲେ । ହେଲେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।
