କୋକସରା,୨୨/୦୭ : କଳାହାଣ୍ଡି ଜିଲ୍ଲା ଧର୍ମଗଡ ବ୍ଲକ ଖଇର ପଦର ଅଞ୍ଚଳର ଜଣେ ୟୁଟ୍ୟୁବର ପଶ୍ଚିମ ଓଡିଶାର ଲୋକପ୍ରିୟ କଳାକାର ରୁକୁ ସୁନାଙ୍କ ନାମରେ ଜାତିଆଣ ଆକ୍ଷେପ କରିଥିବା ଅଭିଯୋଗ ହୋଇଛି। ସେହିପରି ଅନୁସୂଚିତ ଜାତି ଓ ଜନଜାତିଙ୍କ ନାମରେ ଅଶାଳୀନ ମନ୍ତବ୍ୟ ଓ ସାମ୍ବିଧାନିକ ଅଧିକାର ଉପରେ କୁଠାରଘାତ କରିଥିବା ନେଇ ଥାନାରେ କୋକସରା ବ୍ଲକ ଅଲ ଓଡିଶା ସିଡ୍ୟୁଲ କାଷ୍ଟ ଫେଡେରେସନ ଅଭିଯୋଗ କରିଛି। ଶୀଘ୍ର ଦୋଷୀ ବିରୋଧରେ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ଦାବି କରାଯାଇଛି।
କୋକସରା ବ୍ଲକ ଅଲ ଓଡିଶା ସିଡ୍ୟୁଲ କାଷ୍ଟ ଫେଡେରେସନ ପକ୍ଷରୁ ବ୍ଲକ ସଭାପତି କୌଶିକ ଦୁରିଆ,ସାଧାରଣ ସମ୍ପାଦକ ଖଗେଶ୍ୱର ପାଣିଗ୍ରାହୀ, କୋଷାଧ୍ୟକ୍ଷ ରମେଶ ଚନ୍ଦ୍ର ଦୁର୍ଗା, ସାମାଜିକ ମୁଖ୍ୟ ଧବଳେଶ୍ବର ନାଗ,ଉପ ସଭାପତି ଅଜୟ କୁମାର ଦୀପ, ପରମେଶ୍ବର ପାଣିଗ୍ରାହୀ,ଧ୍ଵଜ ମହାନନ୍ଦ, ଆଇନଜୀବୀ ଉଗ୍ରେସନ ବାଗ,ସଦନ ନାଏକ,ଦେବିଶ୍ୱର ପାଣିଗ୍ରାହୀ,ସଭାପତି ଗଣ୍ଡ ସମାଜ କୋକସରା ବ୍ଲକ କ୍ଷୀରସିନ୍ଧୁ ମାଝୀ, ନିରଞ୍ଜନ ମାଝୀ, ଭୁବନେ ମାଝୀ ଓ ଅନ୍ୟ ମାନେ ଉପସ୍ଥିତ ଥିଲେ। କୋକସରା ଥାନା ଅଧିକାରୀଙ୍କ ଅନୁପସ୍ଥିତି କାରଣରୁ ଏସଆଇ ମମତା ଶବରଙ୍କ ଜରିଆରେ ଦାବିପତ୍ର ପ୍ରଦାନ କରିଥିଲେ।
