ମୁମ୍ବାଇ,୦୪/୦୩: ସେଲିବ୍ରିଟି, ବିବାହ ଓ ବିଚ୍ଛେଦ ଏକ ସାଧାରଣ କଥା ହୋଇଗଲାଣି । ଦିନକୁ ଦିନ ଏହି ତାଲିକା ବଢିବାରେ ଲାଗିଛି ।ଅନେକ ସମୟରେ ବଲିଉଡ ଇଣ୍ଡଷ୍ଟ୍ରୀରେ ଦମ୍ପତ୍ତି ଅଲଗା ହେବା ଖବର ଆସେ । ପ୍ରାୟତଃ ପରକୀୟା ପ୍ରୀତି କିମ୍ବା ପାରସ୍ପରିକ ବୁଝାମଣା ଅଭାବରୁ ଛାଡପତ୍ର ଭଳି ସ୍ଥିତି ଦେଖିବାକୁ ମିଳିଥାଏ । ଆମେ ଆଜି ଏମିତି ଏକ ବିବାହ ବିଚ୍ଛେଦ କଥା କହିବୁ ଯାହା ଆପଣଙ୍କୁ ଆଶ୍ଚର୍ଯ୍ୟ କରି ଦେବ । କୁକୁର ପାଇଁ ଏକ ବୈବାହିକ ସମ୍ପର୍କ ତୁଟିଛି । ବଲିଉଡର ଜଣେ ଅଭିନେତା କୁକୁର ପାଇଁ ତାଙ୍କ ପତ୍ନୀଙ୍କୁ ଛାଡପତ୍ର ଦେଇଛନ୍ତି । ବିବାହର ତିନି ବର୍ଷ ପରେ ପତ୍ନୀଙ୍କଠୁ ଅଲଗା ହୋଇଛନ୍ତି ଅଭିନେତା ଜଣକ ।
ବଲିଉଡ ଅଭିନେତା ତଥା ମଧ୍ୟପ୍ରଦେଶ ପୂର୍ବତନ ମୁଖ୍ୟମନ୍ତ୍ରୀଙ୍କ ନାତି ଅରୁଣୋଦୟ ସିଂହ । ତାଙ୍କ ବିବାହ ବିଚ୍ଛେଦକୁ ନେଇ ଯେତିକି ଚର୍ଚ୍ଚା ନାହିଁ କାରଣକୁ ନେଇ ତାଠୁ ଅଧିକ ଚର୍ଚ୍ଚା । କୁକୁର ପାଇଁ ସେ ତାଙ୍କର ୩ ବର୍ଷର ବୈବାହିକ ସମ୍ପର୍କକୁ ଶେଷ କରିଛନ୍ତି । ଅରୁଣୋଦୟ ସିଂହ ୨୦୧୬ ଡିସେମ୍ବର ୧୩ ତାରିଖରେ କାନାଡାର ଲି ଏଲଟନଙ୍କୁ ବିବାହ କରିଥିଲେ । ବେଶ୍ ରାଜକୀୟ ଢଙ୍ଗରେ ହୋଇଥିଲା ବାହାଘର । ହେଲେ ଅଧିକ ଦିନି ତିଷ୍ଠି ପାରିନଥିଲା । ବିବାହର ୩ ବର୍ଷ ପରେ ସମ୍ପର୍କରେ ଫାଟ ଆସିଥିଲା । ଦୁହେଁ ପରସ୍ପରଠୁ ଅଲଗା ହେବାକୁ ନିଷ୍ପତ୍ତି ନେଇଥିଲେ ।
ଅରୁଣୋଦୟଙ୍କ ମୁହଁରୁ ଛାଡପତ୍ରର କାରଣ ଶୁଣିବା ପରେ ସମସ୍ତେ ଚକିତ ହୋଇଥିଲେ । ସେ ଭାରି ପଶୁ ପ୍ରେମୀ । ତେଣୁ କୁକୁର ରଖିବାକୁ ପସନ୍ଦ କରୁଥିଲେ । ଘରେ କୁକୁର ରଖିଥିଲେ । ପାଳିତ କୁକୁରଙ୍କ ସହ ଇନଷ୍ଟାରେ ଫଟୋ ମଧ୍ୟ ପୋଷ୍ଟ କରନ୍ତି । ଅନେକ ସମୟରେ କୁକୁରମାନେ ପରସ୍ପର ସହିତ ଲଢେଇ କରୁଥିଲେ ଭୋକୁଥିଲେ । ଏହି ଶଦ୍ଦକୁ ନେଇ ଅରୁଣୋଦୟଙ୍କ ପତ୍ନୀ ଲି ଏଲଟନ ବିରକ୍ତ ହୋଇଯାଉଥିଲେ । ଏହାକୁ ନେଇ ଦୁହିଁଙ୍କ ମଧ୍ୟରେ ଯୁକ୍ତିତର୍କ ହେଉଥିଲା । ଧୀରେ ଧୀରେ ଏହା ବଢିବାକୁ ଲାଗିଲା । ଛାଡପତ୍ର ଯାଏ କଥା ପହଞ୍ଚିଗଲା ।
ଅଧିକ ପଢନ୍ତୁ...ଛାଡ଼ପତ୍ରର ଗୁଜବ ମଧ୍ୟରେ ସୁନୀତାଙ୍କ ଭିଡ଼ିଓ ଭାଇରାଲ , କହିଲେ –
ଭୋପାଳର ଏକ ପାରିବାରିକ ଅଦାଲତରେ ଛାଡପତ୍ର ପାଇଁ ଆବେଦନ କରିଥିଲେ । ୨୦୧୯ରେ ଅଭିନେତା ଅରୁଣୋଦୟଙ୍କର ଛାଡପତ୍ର ହେବା ସହ ୩ ବର୍ଷର ବୈବାହିକ ସମ୍ପର୍କରେ ପୂର୍ଣ୍ଣଚ୍ଛେଦ ପଡିଥିଲା । ଇତିମଧ୍ୟରେ ଛାଡପତ୍ରକୁ ୬ ବର୍ଷ ବିତିଯାଇଛି । ଅରୁଣୋଦୟ ପତ୍ନୀଙ୍କୁ ଛାଡିଦେଲେ ପଛେ ତାଙ୍କ ପୋଷା କୁକୁରକୁ ଛାଡିଲେ ନାହିଁ । କୁକୁରକୁ ପରିବାରର ସଦସ୍ୟ ବୋଲି ମାନୁଥିଲେ । ୨୦୦୯ରେ ରିଲିଜ ହୋଇଥିବା ଫିଲ୍ମ ସିକନ୍ଦର'ରୁ କ୍ୟାରିୟର ଆରମ୍ଭ କରିଥିଲେ । ଏହାପରେ 'ଜିସ୍ମ-୨', 'ମୈଁ ତେରା ହିରୋ', 'ମିଷ୍ଟର ଏକ୍ସ', 'ବ୍ଲାକମେଲ', 'ମହେଞ୍ଜୋଦାରୋ'ରେ ନଜର ଆସିଥିଲେ ।
