ଫିରିଙ୍ଗିଆ, ୩/୬ : କନ୍ଧମାଳ ଜିଲ୍ଲା ଫିରିଙ୍ଗିଆ ବ୍ଲକ ଅଧୀନରେ ଥିବା ଦୁର୍ଗମ ଅଞ୍ଚଳ ଅଧୁଷିତ ଓ ଉପାନ୍ତ ଅଞ୍ଚଳ କୁହାଯାଉଥିବା କୁଇରୀମାଣ୍ଡୁ ପଞ୍ଚାୟତର ବିଭିନ୍ନ ଗାଁ ବୁଲି ଉନ୍ନୟନ କାମ ଗୁଡ଼ିକର ସ୍ଥିତି ଅନୁଧ୍ୟାନ କରିଛନ୍ତି ବ୍ଲକରେ କାର୍ଯ୍ୟରତ ସହକାରୀ ଯନ୍ତ୍ରୀ ଜୟପ୍ରକାଶ ଜେନାଙ୍କ ସହ ପଞ୍ଚାୟତ ଦାୟିତ୍ୱରେ ଥିବା କନିଷ୍ଠ ଯନ୍ତ୍ରୀ ଶିଶିର କାନ୍ତ ପାଟଶାଣୀ I ସୂଚନା ଅନୁସାରେ ଏହି ଅଞ୍ଚଳ ଗୁଡିକ ଅଧୁଷିତ ଅଞ୍ଚଳ ଭାବେ ଚିହ୍ନଟ କରାଯାଇଥିବାବେଳେ ଘଞ୍ଚ ବନ ପାହାଡ଼ ଘେରି ରହିଥିବାରୁ ସହଜରେ କୌଣସି ସରକାରୀ କର୍ମଚାରୀ କିମ୍ବା ପ୍ରଶାସନିକ ଅଧିକାରୀଙ୍କ ପାଦ ପଡ଼ିନଥିଲା I

ଯାହାପାଇଁ ଅଂଚଳରେ ଉନ୍ନୟନ କାର୍ଯ୍ୟ ସମ୍ପୂର୍ଣ୍ଣ ଠପ୍ ହୋଇଯାଇଥିଲା I ତେବେ ସାହସିକତାର ସହ ଏହି ଦୁଇ ଅଧିକାରୀ ପ୍ରଥମ ଥର ପାଇଁ ଏହି ଅଂଚଳକୁ ଯାଇ ସ୍ଥିତି ଅନୁଧ୍ୟାନ କରିବା ସହ ଅଞ୍ଚଳରେ ହେଉଥିବା ଛୋଟମୋଟ ଉନ୍ନୟନ କାର୍ଯ୍ୟର ସମୀକ୍ଷା କରିଛନ୍ତି I ଏହି ଦୁଇ ଯନ୍ତ୍ରୀଙ୍କ ସାହାସିକତାକୁ ଅଂଚଳର ଜନସାଧାରଣମାନେ ମଧ୍ୟ ସାବାସୀ ଦେଇଥିବାବେଳେ ଏହି ଯନ୍ତ୍ରୀମାନଙ୍କୁ ଦେଖିବା ପରେ ଅଂଚଳବାସୀମାନଙ୍କ ମଧ୍ୟରେ ଏକ ନୂତନ ଆଶା ସଂଚାର ହୋଇଛି I ଅଞ୍ଚଳ ବୁଲି ଦେଖିବା ସହ ଲୋକ ମାନଙ୍କ ସହ କଥା ବାର୍ତ୍ତା ମଧ୍ୟ ହୋଇଥିଲେ I ତେବେ ଆଗାମୀ ଦିନରେ ଏହି ଅଞ୍ଚଳମାନଙ୍କରେ ସମସ୍ତ ପ୍ରକାର ଉନ୍ନୟନ କାମକୁ ତ୍ୱରାନ୍ୱିତ କରାଯିବା ନେଇ ମଧ୍ୟ୍ୟ ଏହି ଦୁଇ ଯନ୍ତ୍ରୀ ସୂଚନା ଦେଇଛନ୍ତି I ତେବେ ଗୋଟିଏ ଦିନରେ ଏହି ଦୁଇ ଯନ୍ତ୍ରୀ କୁଇରିମାଣ୍ଡୁ ପଞ୍ଚାୟତର ଗ୍ଲଟ, ଡ଼ୁମେକେତା, ଗ୍ରଭାସି, ଶୁସୁ ରୁଡି ଗାଁ କୁଁ ରାସ୍ତା ନଥିବାରୁ ପ୍ରାୟ ୫ କିଲୋମିଟର ଚାଲିଚାଲି ଯାଇ  ଲୋକମାନଙ୍କ  ସମସ୍ୟା ବୁଝିଥିଲେ I ଅନ୍ୟପଟେ ଏହି ଯନ୍ତ୍ରୀ ମାନଙ୍କ ସହ ସମିତି ସଭ୍ୟ ପଞ୍ଚାନନ ଦିଗାଲ ଓ ଅଂଚଳର ଜଣାଶୁଣା ସମାଜସେବୀ ମୃତ୍ୟୁ ଞ୍ଜୟ ଦିଗାଳ ମଧ୍ୟ୍ୟ ଉପସ୍ଥିତ ଥିଲେ I