ନୂଆଦିଲ୍ଲୀ,୨୩।୭: ଏହି ଘର ହେଉଛି ସେହି ଘର ଯେଉଁଠାରେ ବିଶ୍ୱର ସବୁଠାରୁ କ୍ରୁର ଏବଂ ଏକଛତ୍ରବାଦୀ ଶାସକ ଆଡଲଫ ହିଟଲରଙ୍କ ଜନ୍ମ ହୋଇଥିଲା। ଆଜିଠାରୁ, ଏହି କୋଠାର ପରିଚୟ ସବୁଦିନ ପାଇଁ ବଦଳି ଯାଇଛି। ଅଷ୍ଟ୍ରିଆ ସରକାର ବୁଧବାର ଏହି ଘରେ ଆନୁଷ୍ଠାନିକ ଭାବରେ ଏକ ନୂତନ ପୋଲିସ ଷ୍ଟେସନ ଖୋଲିଛନ୍ତି। ଏହାର ଲକ୍ଷ୍ୟ ହେଉଛି ଆଜିର ବଢ଼ୁଥିବା ଦକ୍ଷିଣପନ୍ଥୀ ଉଗ୍ରବାଦୀଙ୍କୁ ନାଜି ଏକଛତ୍ରବାଦୀଙ୍କ ଜନ୍ମସ୍ଥାନ ପରିଦର୍ଶନ କରିବାରୁ ରୋକିବା। ଅଧିକାରୀମାନେ ଆଶା କରୁଛନ୍ତି ଯେ ଏହି ପରିବର୍ତ୍ତନ ଏହି ସ୍ଥାନର ଭବିଷ୍ୟତ ବିଷୟରେ ବର୍ଷ ବର୍ଷ ଧରି ଚାଲିଥିବା ସମ୍ବେଦନଶୀଳ ବିତର୍କର ମଧ୍ୟ ଅନ୍ତ କରିବ।
ଏହି ଘର ୨୦ ମିଲିୟନ ୟୁରୋ (ଭାରତୀୟ ମୁଦ୍ରାରେ ପ୍ରାୟ ୨୨୦ କୋଟି ଟଙ୍କା) ବ୍ୟୟରେ ନବୀକରଣ ହୋଇଛି ଏହି ଘର। ଯାହାକି ନିର୍ଦ୍ଧାରିତ ସମୟଠାରୁ ତିନି ବର୍ଷ ବିଳମ୍ବରେ ହୋଇଛି। ଏହି କୋଠାକୁ ଦେଖିଲେ, ଆପଣ କହିପାରିବେନି ଯେ ଇତିହାସର ସବୁଠାରୁ କ୍ରୁର ଶାସକଙ୍କ ଘର। ଏହି ଘରଟି ଅଷ୍ଟ୍ରିଆନ ସହର ବ୍ରାଉନାଉ-ଆମ-ଇନର ମଧ୍ୟ ଭାଗରେ ରହିଛି। ଥିବା ଏହି କୋଠାରେ ଜନ୍ମଗ୍ରହଣ କରିଥିଲେ। । ଏବେ ସେହି ଘରର ପ୍ରବେଶ ଦ୍ୱାରରେ ପୋଲିସ’ ସାଇନବୋର୍ଡ ରହିଛି।
ଜର୍ମାନ ସୀମା ନିକଟରେ ଥିବା ଏହି ୧୭ଶ ଶତାବ୍ଦୀର ଘରର କାନ୍ଥଗୁଡ଼ିକୁ ଏବେ ରୁକ୍ଷ ହଳଦିଆ ରଙ୍ଗରୁ ଅଷ୍ଟ୍ରିଆନ୍ ଆର୍କିଟେକଚର ଫାର୍ମ ‘ମାର୍ଟେ’ ଦ୍ୱାରା ଧଳା ରଙ୍ଗ କରି ଦିଆଯାଇଛି। ୧୮୮୯ ଏପ୍ରିଲ ୨୦ ତାରିଖରେ ଏହି ଘରେ ଜନ୍ମଗ୍ରହଣ କରିଥିଲେ ହିଟଲର। ଆଡଲଫ୍ ହିଟଲର ଅଷ୍ଟ୍ରିଆରେ ଜନ୍ମଗ୍ରହଣ କରିଥିଲେ କିନ୍ତୁ ପରେ ଜର୍ମାନୀର ଏକଛତ୍ରବାଦୀ ଶାସକ ହୋଇଥିଲେ। ସେ ଅଷ୍ଟ୍ରିଆକୁ ଜର୍ମାନୀରେ ମିଶ୍ରଣକୁ ସମର୍ଥନ କରିଥିଲେ ଏବଂ ୧୯୩୮ ରେ ଏହି ଲକ୍ଷ୍ୟ ହାସଲ କରିଥିଲେ। ଏବେ, ହିଟଲରଙ୍କ ଜନ୍ମସ୍ଥାନକୁ ଏକ ପୋଲିସ ଷ୍ଟେସନରେ ପରିଣତ କରି, ଅଷ୍ଟ୍ରିଆ ଏକ ସ୍ପଷ୍ଟ ବାର୍ତ୍ତା ଦେବାକୁ ଚେଷ୍ଟା କରିଛି ଯେ ଇତିହାସକୁ ଲିଭାଇ ଦିଆଯିବ ନାହିଁ, କିନ୍ତୁ ଏହାକୁ ଘୃଣାର ପ୍ରତୀକ ହେବାକୁ ମଧ୍ୟ ଦିଆଯିବ ନାହିଁ।
୨୦୧୧ ରୁ ହିଟଲରଙ୍କ ଜନ୍ମସ୍ଥାନ ଖାଲି ପଡ଼ିଥିଲା। ପରବର୍ତ୍ତୀ ସମୟରେ ସମ୍ପତ୍ତି ମାଲିକ ଏବଂ ଅଷ୍ଟ୍ରିଆନ ସରକାରଙ୍କ ମଧ୍ୟରେ ଏକ ବିବାଦ ଉପୁଜିଥିଲା। ଶେଷରେ, ସରକାର କୋଠାଟିକୁ ଅଧିଗ୍ରହଣ କରିଥିଲେ। କୋଠାର ଭବିଷ୍ୟତ ସମ୍ପର୍କରେ ସୁପାରିଶ ପ୍ରଦାନ କରିବା ପାଇଁ ବିଶେଷଜ୍ଞଙ୍କ ଏକ କମିଟି ଗଠନ କରାଯାଇଥିଲା। କମିଟି ବିଶ୍ୱାସ କରିଥିଲା ଯେ ସେଠାରେ ଏକ ସରକାରୀ କାର୍ଯ୍ୟାଳୟ କିମ୍ବା ଏକ ସାମାଜିକ କାର୍ଯ୍ୟ ସମ୍ପର୍କିତ ସଂସ୍ଥା ତିଆରି କରିବା ଦରକାର।
ବିଶେଷଜ୍ଞମାନେ ଏହା ମଧ୍ୟ କହିଛନ୍ତି ଯେ ଯଦି କୋଠାଟିକୁ ଏକ ସଂଗ୍ରହାଳୟରେ ପରିଣତ କରାଯାଏ, ତେବେ ଏହା ନିୟୋ-ନାଜି ଚିନ୍ତାଧାରାର ସମର୍ଥକଙ୍କ ପାଇଁ ଆକର୍ଷଣର କେନ୍ଦ୍ର ହୋଇପାରେ। ଏହାର ଅର୍ଥ ହେଉଛି ଯେ ସଂଗ୍ରହାଳୟର ଉଦ୍ଦେଶ୍ୟ ଇତିହାସ କହିବା, ତଥାପି ସେଠାରେ ମୌଳବାଦୀଙ୍କ ପହଞ୍ଚିବାର ଆଶଙ୍କା ରହିଥିଲା। କୋଠାଟିକୁ ସମ୍ପୂର୍ଣ୍ଣ ଭାଙ୍ଗିବାକୁ ମଧ୍ୟ ବିରୋଧ କରାଯାଇଥିଲା, କାରଣ ଏହା ସ୍ଥାୟୀ ଭାବରେ ଏକ ଗୁରୁତ୍ୱପୂର୍ଣ୍ଣ ଐତିହାସିକ ସ୍ଥାନକୁ ନଷ୍ଟ କରିଦେଇଥାନ୍ତା। ଯଦିଓ ବିଲ୍ଡିଂର ବାହାର ଅଂଶକୁ ପୁରା ନୂଆ ରୂପ ଦିଆଯାଇଛି, କିନ୍ତୁ ଏହାର ବାହାରେ ଲାଗିଥିବା ସ୍ମାରକୀ ପଥର ଆଜିବି ସେଠାରେ ରହିଛି , ଯେଉଁଥିରେ ଲେଖା ଅଛି ‘ଶାନ୍ତି, ସ୍ୱାଧୀନତା ଏବଂ ଗଣତନ୍ତ୍ର ପାଇଁ। ଆଉ କେବେ ଫାସିବାଦ ନୁହେଁ। ମୃତ୍ୟୁବରଣ କରିଥିବା ଲକ୍ଷ ଲକ୍ଷ ଲୋକଙ୍କ ପକ୍ଷରୁ ଏକ ଚେତାବନୀ। ଏହି ବାର୍ତ୍ତା ମନେପକାଉଛି ଯେ, ଫାଶୀବାଦ ଓ ଘୃଣାର ରାଜନୀତି ମାନବ ଇତିହାସକୁ କେତେ ବଡ଼ କ୍ଷତି ପହଁଞ୍ଚାଇଥିଲା।
ଆହୁରି ପଢନ୍ତୁ : U.S.-India trade agreement ; ୪ ମାସରେ ଭାରତ-ଆମେରିକା ବାଣିଜ୍ୟ ଚୁକ୍ତି ; ବଢ଼ିବ ଦ୍ୱିପାକ୍ଷିକ ବ୍ୟବସାୟ
