ନୂଆଦିଲ୍ଲୀ - ଭିସା ଓ ଚାକିରି ମାମଲାରେ ଆମେରିକା ଦ୍ୱାରା ବିଦେଶୀଙ୍କୁ ଝଟକା ଦେବା ପରେ, ଏବେ ସାଉଦୀ ଆରବ ମଧ୍ୟ ଏହାର ଭିଜନ୍ ୨୦୩୦ ଯୋଜନା ଅନୁସାରେ , ଚାକିରି ଏବଂ ୱାର୍କ ଭିସା ନିୟମରେ ଗୁରୁତ୍ତ୍ୱପୂର୍ଣ୍ଣ ପରିବର୍ତ୍ତନ ଆଣିଛି। ଏହି ପରିବର୍ତ୍ତନ ଗୁଡ଼ିକର ମୁଖ୍ୟ ଉଦ୍ଦେଶ୍ୟ ସ୍ଥାନୀୟ ନାଗରିକଙ୍କୁ ପ୍ରାଥମିକତା ଦେବା ଏବଂ କର୍ମଶକ୍ତିର ଗୁଣବତ୍ତା(କ୍ୱାଲିଟି) ବୃଦ୍ଧି କରିବା। ସାଉଦୀ ସରକାରଙ୍କ ନୂତନ କଠୋର ନିୟମ ମୁତାବିକ, ଚାରୋଟି ପ୍ରମୁଖ ପେଶାକୁ ଏବେ କେବଳ ସାଉଦୀ ନାଗରିକଙ୍କ ପାଇଁ ସଂରକ୍ଷିତ କରି ଦିଆ ଯାଇଛି। ସରକାରଙ୍କ ଶ୍ରମ ପୋର୍ଟାଲ୍ ‘କିୱା (QIWA)’ ଏହି ନିୟମ ଗୁଡ଼ିକୁ ଲାଗୁ କରି ଦିଆଯାଇଛି।
ଏହା ପରେ, ଏହି ପଦବୀରେ ପ୍ରବାସୀମାନଙ୍କୁ ନିଯୁକ୍ତି ଦେବା କିମ୍ବା ସେମାନଙ୍କର ପଦବୀ ପରିବର୍ତ୍ତନ କରିବା ଆଉ ସମ୍ଭବ ହେବ ନାହିଁ। ଏବେ ଜେନେରାଲ ମ୍ୟାନେଜର, ସେଲ୍ସ ପ୍ରତିନିଧି, ମାର୍କେଟିଂ ସ୍ପେଶାଲିଷ୍ଟ ଏବଂ ପ୍ରକ୍ୟୋରମେଣ୍ଟ ମ୍ୟାନେଜର ଭଳି ଗୁରୁତ୍ତ୍ୱପୂର୍ଣ୍ଣ ପଦ କେବଳ ସାଉଦୀ ନାଗରିକଙ୍କ ପାଇଁ ସଂରକ୍ଷିତ କରାଯାଇଛି। ଅର୍ଥାତ୍ ଏହି ଚାରୋଟି ପଦରେ ଏବେ ବିଦେଶୀ ପ୍ରବାସୀମାନଙ୍କ ଏଣ୍ଟ୍ରି ବନ୍ଦ ହୋଇ ଯାଇଛି। ନୂତନ ନିୟମ ଅନୁସାରେ, ଯେଉଁ ପ୍ରବାସୀ ପ୍ରଥମେ ଜେନେରାଲ ମ୍ୟାନେଜର ପଦରେ କାର୍ଯ୍ୟରତ ଥିଲେ , ସେମାନଙ୍କୁ କଡ଼ା ସର୍ତ୍ତାବଳୀ ସହ ସିଇଓ କିମ୍ଵା ଚେୟାରମ୍ୟାନ୍ ଭଳି ବିକଳ୍ପ ପଦବୀ ଗ୍ରହଣ କରିବାକୁ ପରାମର୍ଶ ଦିଆଯାଇଛି। ସେଲ୍ସ ପ୍ରତିନିଧ ପଦବୀ କ୍ଷେତ୍ରରେ, ଏହା କୁହାଯାଇଛି ଯେ ଏହି ପଦବୀଗୁଡ଼ିକ ସାଉଦୀ କର୍ମଚାରୀଙ୍କ ସଂଖ୍ୟା ବୃଦ୍ଧି କରିବା ଏବେ ବାଧ୍ୟତାମୂଳକ ହେବ। ଏହା ବ୍ୟତୀତ, ଅତି କମ୍ରେ ୬୦ ପ୍ରତିଶତ ମାର୍କେଟିଂ ସ୍ପେଶାଲିଷ୍ଟ ପଦବୀରେ ସାଉଦୀ ନାଗରିକମାନେ ନିଯୁକ୍ତି ପାଇ ପାଇବେ।
ପ୍ରବାସୀମାନଙ୍କ ଉପରେ କ’ଣ ପ୍ରଭାବ ପଡ଼ିବ?
ଏହି ପରିବର୍ତ୍ତନଗୁଡ଼ିକ ସିଧାସଳଖ ପ୍ରବାସୀ କର୍ମଚାରୀମାନଙ୍କୁ ପ୍ରଭାବିତ କରିବ। କିଛି ପଦବୀ ପାଇଁ ପ୍ରବାସୀମାନଙ୍କୁ ଆଉ ନୂତନ କାର୍ଯ୍ୟ ଭିସା ପ୍ରଦାନ କରାଯିବ ନାହିଁ । ଚାକିରି ପାଇବା ପରେ ମଧ୍ୟ, ପଦବୀ ପରିବର୍ତ୍ତନ କରିବା ଅସମ୍ଭବ ହେବ। ଏହା ବ୍ୟତୀତ, ନିର୍ଦ୍ଧାରିତ ସୀମା ପହଞ୍ଚିବା ପରେ, କୌଣସି କମ୍ପାନୀକୁ ଅଧିକ ପ୍ରବାସୀଙ୍କୁ ନିଯୁକ୍ତି ଦେବାକୁ ଅନୁମତି ଦିଆଯିବ ନାହିଁ।
