ନୂଆଦିଲ୍ଲୀ : ଟେସଲାର ସିଇଓ ଏଲନ୍‌ ମସ୍କ ପ୍ରାୟତଃ ତାଙ୍କର ରୋକଠୋକ୍‌ କଥା ନେଇ ଖୁବ୍‌ ଜଣାଶୁଣା। କିଛି ବର୍ଷ ପୂର୍ବେ ସେ ଟ୍ଵିଟରରେ ଏକ ପୋଷ୍ଟ ମାଧ୍ୟମରେ ଲୋକଙ୍କୁ ପଚାରି ଥିଲେ ଯେ, ସେ ଏହା କିଣିବା ଉଚିତ କି ? ଏହାପରେ ସେ ଟ୍ଵିଟରକୁ  କିଣି ମଧ୍ୟ ନେଇଥିଲେ। ପରେ ଏହାକ ନାମ ପରିବର୍ତ୍ତନ କରି ଏକ୍ସ( X) ରଖି ଥିଲେ। ଏବେ ମସ୍କ ପୁଣିଥରେ ଏମିତି ଏକ ସମାନ ପୋଷ୍ଟ ପାଇଁ ଚର୍ଚ୍ଚାରେ ।

ବାସ୍ତବ କଥା ହେଲା , ଏହି ପୂରା ମାମଲା କିଛି ଦିନ ପୂର୍ବେ ଆରମ୍ଭ ହୋଇଥିଲା ଯେତେବେଳେ ରୟାନ ଏୟାର ଏହାର ୬୦୦ ରୁ ଅଧ‌ିକ ବିମାନ ପାଇଁ ଷ୍ଟାରଲିଙ୍କ ଇଣ୍ଟରନେଟ୍ ସେବା ବ୍ୟବହାର କରିବାକୁ ମନା କରି ଦେଇଥିଲା । ପରେ ଯେତେବେଳେ ସୋସିଆଲ ମିଡିଆ ପ୍ଲାଟଫର୍ମ ଏକ୍ସ ଡାଉନ ହେବାର ଖବର ଆସିଲା, ତ ଏମିତି ହିଁ ଏକ ପୋଷ୍ଟରେ ଏୟାରଲାଇନ ଏଲନ ମସ୍କଙ୍କୁ ଟ୍ୟାଗ୍‌ କରି ପଚାରି ଥିଲା ଯେ, ଆପଣଙ୍କୁ କଣ ୱାଇଫାଇ ଦରକାର କି ?

ଏହାର ଜବାବ ଦେଇ ମସ୍କ ଲେଖିଥିଲେ- ମୋତେ କଣ  ରୟାନ ଏୟାର କିଣି ନେବା ଉଚିତ୍ କି ? କିମ୍ୱା କୌଣସି ଏମିତି ଜଣେ ବ୍ୟକ୍ତିଙ୍କୁ ଦାୟିତ୍ୱ ପ୍ରଦାନ କରିବା ଉଚିତ୍‌ କି ? ଯାହାର ପ୍ରକୃତ ନାଁ ରୟାନ ହୋଇଥିବ ?

ଏହି ଟିପ୍ପଣୀ ଦେଖୁ ଦେଖୁ ଭାଇରାଲ ହୋଇଥିଲା। ସୋସିଆଲ ମିଡିଆ ୟୁଜରମାନେ ଏହା ଉପରେ ମଜାଳିଆ ପ୍ରତିକ୍ରିୟା ଦେଇଥିଲେ, କିଛି ଏହି ବିଚାରର ସମର୍ଥନ କରିଥିବା ବେଳେ କିଛି  ବ୍ୟବ‌ହାରକାରୀ ଏୟାରଲାଇନ୍ସ କିଣିବାର ଆର୍ଥିକ ବିପଦକୁ ନେଇ ମଜା କରିଥିଲେ।

ଜଣେ ୟୁଜର ପରାମର୍ଶ ଦେଇ ଥିଲେ – ହଁ ଏହାକୁ କିଣି ନିଅ , ଅନ୍ୟ ଜଣେ ଲେଖି ଥିଲେ ଏହାକ କିଣିବା ବେଳେ ସାବଧାନ ରହିବା ଉଚିତ୍‌। ଏହା ଆପଣଙ୍କୁ ଏତେ କମ୍‌ ଦାମର ପ୍ରସ୍ତାବ ଦେବେ , ଯାହା ଅବିଶ୍ୱସନୀୟ ଲାଗିବ ଏବଂ ପରେ ଏହା ଆପଣଙ୍କ ଠାରୁ ବିଭିନ୍ନ ପ୍ରକାରର ଅତିରିକ୍ତ ଶୁଳ୍କ ଆଦାୟ କରିବେ।