ନୂଆଦିଲ୍ଲୀ ୦୮/୦୪: ତେଲୁଗୁ ସୁପରଷ୍ଟାର ଅଲୁ ଅର୍ଜୁନ ଆଜି ତାଙ୍କର ୪୪ତମ ଜନ୍ମଦିନ ପାଳନ କରୁଛନ୍ତି। ଏହି ସ୍ୱତନ୍ତ୍ର ଦିନରେ ପୁଷ୍ପା ଅଭିନେତା ତାଙ୍କ ପ୍ରଶଂସକମାନଙ୍କୁ ଏକ ସ୍ୱତନ୍ତ୍ର ଉପହାର ଦେଇଛନ୍ତି। ଅଲୁ ଅର୍ଜୁନଙ୍କ AA22 x A6 ର ପ୍ରଥମ ଲୁକ୍ ଟିଜର ପୋଷ୍ଟର ରିଲିଜ୍ ହୋଇଛି। ନିର୍ମାତାମାନେ ଫିଲ୍ମର ଟାଇଟଲ୍ ମଧ୍ୟ ପ୍ରକାଶ କରିଛନ୍ତି।ଆଟଲିଙ୍କ ନିର୍ଦ୍ଦେଶିତ ଏହି ପ୍ରୋଜେକ୍ଟକୁ ନେଇ ପ୍ରଶଂସକମାନେ ପୂର୍ବରୁ ବହୁତ ଉତ୍ସାହିତ ଅଛନ୍ତି। ପ୍ରଥମ ପୋଷ୍ଟର ରିଲିଜ୍ ହେବା ସେମାନଙ୍କୁ ଆହୁରି ଉତ୍ସାହିତ କରିଛି।
ଅଲୁ ଅର୍ଜୁନ ତାଙ୍କ ଆଗାମୀ ଫିଲ୍ମର ଟାଇଟଲ୍ ପୋଷ୍ଟର ରିଲିଜ୍ କରି ତାଙ୍କ ପ୍ରଶଂସକମାନଙ୍କୁ ଏକ ଉପହାର ଦେଇଛନ୍ତି। ପୋଷ୍ଟରରେ ଅଲୁ ଇଣ୍ଟେନ୍ସ ଲୁକରେ ନଜର ଆସିଛନ୍ତି। ତାଙ୍କ ମୁହଁ ଏକ ପଶୁର ପଞ୍ଝା ଥିବା ହାତରେ ଅଧା ଘୋଡ଼ାଇ ହୋଇଛି। ପୋଷ୍ଟରରେ ଅଲୁ ଅଧା ନଣ୍ଡା ହୋଇଥିବା ଦେଖାଯାଉଛି। ଅଭିନେତାଙ୍କ ଏହି ଅବତାର ପୂର୍ବରୁ କେବେ ଦେଖାଯାଇ ନାହିଁ। କ୍ୟାପସନରେ ଲେଖାଯାଇଛି, "AA22xA6 ଏବେ ‘ରାକା’, ଗୋଟେ ସୀମା ବାହାରକୁ ଏକ ଦୃଷ୍ଟିକୋଣ ପାଇଁ ନିଜକୁ ପ୍ରସ୍ତୁତ କରନ୍ତୁ।" ତେବେ ଏହି ଫିଲ୍ମଟି ସାତଟି ଭାଷାରେ ମୁକ୍ତିଲାଭ କରିବ: ହିନ୍ଦୀ, ତାମିଲ, ତେଲୁଗୁ, ମାଲାୟଲମ, କନ୍ନଡ, ଉର୍ଦ୍ଦୁ ଏବଂ ବଙ୍ଗଳା।
ପୂର୍ବରୁ, ସନ୍ ପିକ୍ଚର୍ସ ଏହାର X ହ୍ୟାଣ୍ଡେଲରେ ଏକ ପୋଷ୍ଟର ସେୟାର କରିଥିଲା, ଯେଉଁଥିରେ ପଞ୍ଝା ଥିବା ଏକ ପ୍ରାଣୀର ହାତ ଦେଖାଯାଇଥିଲା। କ୍ୟାପସନରେ ଲେଖାଥିଲା, "କାଲି ସକାଳ ୧୧ ଟାରେ ବ୍ଲାଷ୍ଟ ଟାଇଟଲ୍ ପୋଷ୍ଟର ପାଇଁ ପ୍ରସ୍ତୁତ ହୁଅ - ଅଲ୍ଲୁ ଅର୍ଜୁନ, ଆଟଲି, ଦୀପିକା ପାଦୁକୋନ।"
ଆହୁରି ପଢ଼ନ୍ତୁ...ହରର-କମେଡି ଫିଲ୍ମ 'ଭୂତ ବଙ୍ଗଲା' ଟ୍ରେଲର ଆଉଟ୍, ଏହି ଦିନ ରିଲିଜ ହେବ ଫିଲ୍ମ
