ପୁରୀ,୦୯/୧୦: କେଉଁ ଦିନ ଦେବେ ପୟା ଶ୍ରାଦ୍ଧ । ପାଞ୍ଜିରେ ପ୍ରକାଶିତ ତାରିଖ ନେଇ ଦେଖାଦେଇଛି ଦ୍ୱନ୍ଦ୍ୱ । ମୁକ୍ତିମଣ୍ଡପ ସ୍ୱୀକୃତ ପଞ୍ଜିକା ରାଧାରମଣ ପ୍ରେସ୍ ପଞ୍ଜିକାରେ ଅକ୍ଟୋବର ୨୦ରେ ପୟା ଶ୍ରାଦ୍ଧ ନେଇ ଉଲ୍ଲେଖ ଥିବା ବେଳେ ଅନ୍ୟ ପଞ୍ଜିକାରେ ୨୧ ତାରିଖରେ ପୟା ଶ୍ରାଦ୍ଧ ନେଇ ଉଲ୍ଲେଖ ରହିଛି ।
ଜ୍ୟୋତିର୍ବିଦ ହରିଶଙ୍କର ମିଶ୍ର କହିଛନ୍ତି, ୨୧ ତାରିଖ ପୟା ଶ୍ରାଦ୍ଧ ପାଇଁ ପାଳନୀୟ । ୨୦ ତାରିଖ ନୁହେଁ । ୨୦ ତାରିଖ ଅପରାହ୍ଣ ୩ଟା ୪୫ ପରଠାରୁ ୨୧ ତାରିଖ ଅପରାହ୍ଣ ୫ଟା ୫୪ ପର୍ଯ୍ୟନ୍ତ ଅମାବାସ୍ୟା ଓ ପୟା ଶ୍ରାଦ୍ଧ ରହିଛି । ୨୧ ତାରିଖ ଅପରାହ୍ଣ ୫ଟା ୧୮ରେ ସୂର୍ଯ୍ୟାସ୍ତ । ତେଣୁ ଏହି ଦିନ ପୟା ଶ୍ରାଦ୍ଧ କରଣୀୟ । ଯେଉଁମାନେ ମହାଳୟା ଅମାବାସ୍ୟାରେ ପିତୃପୁରୁଷଙ୍କ ଉଦ୍ଦେଶ୍ୟରେ ଶ୍ରାଦ୍ଧ ଦେଇପାରନ୍ତି ନାହାନ୍ତି, ସେମାନେ ଦିନରେ ମହାଳୟା ଶ୍ରାଦ୍ଧ ଦେବା ପରେ ରାତିରେ ଦୀପ ଦାନ କରିଥାନ୍ତି । ୨୦ ତାରିଖରେ ଦିନ ତମାମ ଚତୁର୍ଦ୍ଦଶୀ ରହୁଥିବାରୁ ସେଦିନ ପୟା ଶ୍ରାଦ୍ଧ କରିବା ଉଚିତ୍ ନୁହେଁ ବୋଲି କହିଛନ୍ତି ଶ୍ରୀ ମିଶ୍ର । ସେପଟେ ୨୧ ତାରିଖ ଶ୍ରୀମନ୍ଦିରରେ ଅମାବାସ୍ୟା ଓ ସାଗର ବିଜେ ନୀତି ରହିଛି ।
