ଆପଣ ନିଶ୍ଚୟ ଜାଣିଥିବା ସୁସ୍ଥ ଶରୀର ପାଇଁ ନିଦ୍ରା ଜରୁରୀ । ରାତିରେ ଭଲ ଭାବେ ଶୋଇବା ଦ୍ୱାରା ଶରୀର ଏବଂ ମନ ଉଭୟଙ୍କୁ ବିଶ୍ରାମ ମିଳିଥାଏ । କିନ୍ତୁ ଆଜିକାଲିର ଖରାପ ଜୀବନଶୈଳୀ ଯୋଗୁଁ ଆମର ନିଦ୍ରା ଉପରେ ଯଥେଷ୍ଟ ପ୍ରଭାବ ପଡୁଛି । ତେବେ ଆସନ୍ତୁ ଜାଣିବା ଅନିଦ୍ରା ପଛରେ କେଉଁ କାରଣ ରହିଥାଏ ।

ଅନିୟମିତ ଶୋଇବା ସମୟ:

ପ୍ରତିଦିନ ଅଲଗା ଅଲଗା ସମୟରେ ଶୋଇବା ଏବଂ ଉଠିବା ଦ୍ଵାରା ଆପଣଙ୍କ ଶରୀରର ଶୟନ ଚକ୍ର ବାଧାପ୍ରାପ୍ତ ହୁଏ । ଯାହା ନିଦ ଗୁଣବତ୍ତା ଉପରେ ପ୍ରଭାବ ପକାଇଥାଏ ।

ଚାପ ଏବଂ ଚିନ୍ତା:

ନିଦ ନ ହେବାର ଅନେକ କାରଣ ଅଛି। ଯଦି ଆପଣ ସବୁବେଳେ କିଛି ବିଷୟରେ ଭାବୁଛନ୍ତି, ତେବେ ଆପଣଙ୍କ ମନ ଶୋଇବାକୁ ମନା କରୁଛି।

ମୋବାଇଲ୍ ଫୋନ୍ ଅତ୍ୟଧିକ ବ୍ୟବହାର:

ଶୋଇବା ପୂର୍ବରୁ ମୋବାଇଲ୍ ଫୋନ୍, ଲାପଟପ୍ କିମ୍ବା ଟିଭି ଦେଖିବା ଦ୍ୱାରା ନିଦ ହରମୋନ୍ ମେଲାଟୋନିନର ଉତ୍ପାଦନ ବନ୍ଦ ହୋଇଯାଏ ।

ସ୍ବାସ୍ଥ୍ୟଗତ କାରଣ:

ଯଦି ଆପଣ ନିଦ୍ରାଗତ ବିଭିନ୍ନ ରୋଗ, ଡିପ୍ରେସନ, ଥାଇରଏଡ୍, ଯନ୍ତ୍ରଣା କିମ୍ବା ଅସ୍ଥିରତା ଭଳି ସମସ୍ୟାରେ ପୀଡିତ, ଏହା ଆପଣଙ୍କ ନିଦକୁ ପ୍ରଭାବିତ କରେ।

ତେଣୁ ଯଦି ଆପଣ ଭଲ ନିଦ୍ରା ପାଇବାକୁ ଚାହାଁନ୍ତି, ତେବେ ଶୋଇବା ପୂର୍ବରୁ ଗରମ ପାଣିରେ ଗାଧୋଇ ପାରନ୍ତୁ । ଏହା କରିଲେ ଆପଣଙ୍କୁ ଆରାମଦାୟକ ଅନୁଭବ ହେବ ଏବଂ ଶୋଇବା ସହଜ ହେବ । ସେହିପରି ୪୦ ବର୍ଷ ବୟସ ସୁଦ୍ଧା, ପୁରୁଷ ଏବଂ ମହିଳା ଉଭୟଙ୍କ ଉପରେ ପାରିବାରିକ ଦାୟିତ୍ୱର ବୋଝ ବହୁତ ବଢ଼ିଯାଏ । ଏହି ଚିନ୍ତା ରାତିରେ ନିଦ୍ରାକୁ ପ୍ରଭାବିତ କରିଥାଏ ଏବଂ ଅନିଦ୍ରା ଦେଖାଦିଏ । ଏହାକୁ ଏଡାଇବା ପାଇଁ ଆପଣଙ୍କୁ ରାତିରେ ଆପଣଙ୍କ ମନକୁ ଶାନ୍ତ ରଖିବାକୁ ହେବ । ଏପରି କରିବା ଦ୍ବାରା ଆପଣ ୮ ଘଣ୍ଟା ଆରାମରେ ଶୋଇପାରିବେ । ସେହିପରି ଚା' ଥକାପଣ ଦୂର କରିବା ଏବଂ ସତେଜ ଅନୁଭବ କରିବାର ଏକ ଉତ୍ତମ ଉପାୟ । କିନ୍ତୁ ଯଦି ଆପଣ ରାତିରେ ଚା ଏବଂ କଫି ପିଇବାକୁ ଅଭ୍ୟାସ କରନ୍ତି, ତେବେ ଆପଣଙ୍କୁ ଭଲ ନିଦ ହେବା କଷ୍ଟକର ହୋଇଯିବ।  ବିଛଣାରେ ମୋବାଇଲ୍, ଲାପଟପ୍ କିମ୍ବା ପୁସ୍ତକ ପଢିବା ଆଦି ଆପଣଙ୍କ ଶୋଇବା ସମୟ ହ୍ରାସ କରିପାରେ । ଏହି ସବୁକିଛି କରିବା ପାଇଁ ଏକ ଉପଯୁକ୍ତ ସମୟ ସ୍ଥିର କରନ୍ତୁ । ରାତିରେ ବିଛଣାରେ ଶୋଇବା ସମୟରେ ଆପଣଙ୍କ ଧ୍ୟାନ ମୋବାଇଲ୍ କିମ୍ବା ଲାପଟପ୍ ଉପରେ ନ ଦେଇ ସିଧା ଶୋଇବାକୁ ଚେଷ୍ଟା କରନ୍ତୁ ।