ନୂଆଦିଲ୍ଳୀ,୩୦।୧୨: ବିଜେପି ନେତା ତାପିର ଗାଓ ଅରୁଣାଚଳ ପ୍ରଦେଶକୁ ନେଇ ଚୀନ୍ର ଦାବିକୁ ଖଣ୍ଡନ କରିଛନ୍ତି। ସେ କହିଛନ୍ତି, ଏହା ଭାରତର ଅଭିନ୍ନ ଅଂଶ ଓ ସବୁବେଳେ ରହିବ। ଚୀନ୍ ବହୁବାର ଅରୁଣାଚଳକୁ ଦକ୍ଷିଣ ତିବ୍ଦତ କହିସାରିଛି। କିନ୍ତୁ ଭାରତ ପ୍ରତିଥର କହିସାରିଛି ଏହା ଭାରତର ଅଭିନ୍ନ ଅଂଶ। ଅରୁଣାଚଳ ପ୍ରଦେଶ କେବେ ବି ତିବ୍ଦତର ଅଂଶ ନଥିଲା। ଏହି କଥା ୧୪ ତମ ଦଲାଇ ଲାମା ମଧ୍ୟ କହିସାରିଛନ୍ତି। ତାଙ୍କର କହିବା ଅନୁସାରେ, ଦିନେ ନା ଦିନେ ତିବ୍ଦତକୁ ମୁକ୍ତ କରିବାକୁ ହେବ।
ଗାଓ କହିଛନ୍ତି, ବାଂଲାଦେଶକୁ ମଧ୍ୟ ନିଜର ମନ୍ଦ ଉଦେଶ୍ୟକୁ ଛାଡି ଦେବା ଦରକାର। ସେ ପୂର୍ବୋତ୍ତର ଭାରତ ପର୍ଯ୍ୟନ୍ତ ବିସ୍ତାର କରିବାକୁ ଚାହାଁନ୍ତି। କିନ୍ତୁ ଭାରତରେ ବର୍ତ୍ତମାନ ନରେନ୍ଦ୍ର ମୋଦି ସରକାର ଅଛନ୍ତି। ତାଙ୍କର ପୁରା ଧ୍ୟାନ ବାଂଲାଦେଶ ଓ ମିଆଁମାର ସହ ଆସୁଥିବା ଅନୁପ୍ରବେଶକାରୀଙ୍କ ସହ ରହିଛି। ସେ କହିଛନ୍ତି,ବାଂଲାଦେଶ ପୂର୍ବୋତ୍ତରରେ ଅନୁପ୍ରବେଶ କରିବାର ସ୍ବପ୍ନ ଦେଖୁଛନ୍ତି। ତାଙ୍କୁ ଭୁଲିବା ଉଚିତ ନୁହେଁ ଯେ, ଆମକୁ ଚିକେନ ନେକ୍ର ବିସ୍ତାର ୨୨ କିଲୋମିଟର କରିଦେଇଛି। ଏବେ ଏହା ଚଟଗାଓଁ ହିଲ୍ ପର୍ଯ୍ୟନ୍ତ ବ୍ୟାପି ଯାଇଛି। ଆଜିର ଭାରତ କିଛି ବି କରିପାରେ। ଆମକୁ ଭାରତରେ ପଶିଥିବା ବେଆଇନ୍ ବାଂଲାଦେଶ ଓ ରୋହିଙ୍ଗ୍ୟାଙ୍କୁ ଫେରାଇ ଦେବାର ଅଛି।
ପୂର୍ବତନ କୁଟନୀତିଜ୍ଞ କେପି ଫିବାୟନ କହିଛନ୍ତି, ଚୀନ୍ କୌଣସି ପ୍ରକାର ଭାବରେ ଅରୁଣାଚଳ ପ୍ରଦେଶ ପର୍ଯ୍ୟନ୍ତ କବଜା କରିବାକୁ ଚାହୁଛି। ଏଥିପାଇଁ ଏହାକୁ ଦକ୍ଷିଣ ତିବ୍ଦତ କୁହାଯାଉଛି। ପେଣ୍ଟାଗନ୍ ମଧ୍ୟ କହିଛି ଯେ, ଚୀନ୍ ଅରୁଣାଚଳକୁ ତିବ୍ଦର ଅଂଶ ବୋଲି ମାନୁଛି। ଚିୟାଙ୍ଗ କାଇ ଶେକ୍ଙ୍କ ସରକାର କଥା କହି ସେ କହିଛନ୍ତି, ଏଭଳି ଭାବନା ଆଜି ନୁହେଁ, ବଂର ବହୁତ ପୁରୁଣା। ଭାରତ ସବୁବେଳେ ଧ୍ୟାନରେ ରଖିବା ଦରକାର ଯେ, ଚୀନ୍ ବିସ୍ତାରବାଦୀ ଥିଲା ଓ ଏବେ ରହିଛି। ସେ ଭାରତର ସାର୍ବଭୌମତ୍ବର ସମ୍ମାନ କରେନି।
ଆହୁରି ପଢନ୍ତୁ :ଆମେରିକା ଡ୍ରୋନ୍, ଇସ୍ରାଏଲର ବମ୍, ପିନାକ୍ ଏବଂ ମିସାଇଲ…୭୯ ହଜାର କୋଟି ଟଙ୍କାର ସାମରିକ ଉପକରଣ କ୍ରୟକୁ ମଞ୍ଜୁରୀ
