ପାପଡାହାଣ୍ଡି, ୩୦/୦୮: ନବରଙ୍ଗପୁର ଜିଲ୍ଲା ପାପଡାହାଣ୍ଡି ଠାରେ ସାମ୍ୱାଦିକଙ୍କୁ ଛୁରାମାଡ଼ । ଛୁରା ମାଡ଼ରେ ସାମ୍ବାଦିକ ସୁମିତ କୁମାର ଘଣ୍ଟ ଗୁରୁତର ହୋଇଛନ୍ତି । ତାଙ୍କୁ ବିଶାଖାପାଟଣା ମେଡିକାଲ ସ୍ଥାନାନ୍ତର କରାଯାଇଛି ।
ସୂଚନା ମୁତାବକ, ପାପଡାହାଣ୍ଡି ଗାଁର ସାମ୍ୱାଦିକ ସୁମିତ କୁମାର ଘଣ୍ଟ ଶୁକ୍ରବାର ରାତ୍ରି ୧୧ ଟାରେ ଫେରୁଥିଲେ । ଏହି ସମୟରେ ବଙ୍କା ସାହି ନିକଟରେ ହରେକୃଷ୍ଣ ବେହେରା ନାମକ ଜଣେ ଯୁବକ ସାମ୍ବାଦିକ ସୁମିତ ଘଣ୍ଟକୁ କୌଣସି କାରଣରୁ ଛୁରୀ ଓ ଖଣ୍ଡାରେ ଆକ୍ରମଣ କରିଥିଲା । ଏଥିରେ ସୁମିତ ଗୁରୁତର ହୋଇଥିଲେ । ଗୁରୁତର ଅବସ୍ଥାରେ ତାଙ୍କୁ ଉଦ୍ଧାର କରି ପାପଡାହାଣ୍ଡି ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ ଗ୍ରାମବାସୀ । ପ୍ରାଥମିକ ଚିକିତ୍ସା ପରେ ସ୍ୱାସ୍ଥ୍ୟାବସ୍ଥା ଗୁରୁତର ରହିଥିବାରୁ ତାଙ୍କୁ ନବରଙ୍ଗପୁର ଜିଲ୍ଲା ମୁଖ୍ୟ ଚିକିତ୍ସାଳୟ ଓ ପରେ ବିଶାଖାପାଟଣା ମେଡିକାଲକୁ ସ୍ଥାନାନ୍ତର କରାଯାଇଛି ।
