ପୁରୀ ୧୨/୦୧: ଶ୍ରୀକ୍ଷେତ୍ରରେ ବାଗେଶ୍ୱର ଧାମ୍ ବାବା ଧୀରେନ୍ଦ୍ର କ୍ରୀଷ୍ଣ ଶାସ୍ତ୍ରୀ। ଶନିବାର ସନ୍ଧ୍ୟାରେ ବଡ଼ଦେଉଳରେ ମହାପ୍ରଭଙ୍କୁ ଦର୍ଶନ କରିଥିଲେ ବାବା ବାଗେଶ୍ୱର। ଜୟ ବିଜୟ ଦ୍ବାର ନିକଟରେ ରତ୍ନ ବେଦୀରେ ଚତୁର୍ଦ୍ଧାମୂର୍ତ୍ତିଙ୍କୁ ଦର୍ଶନ କରି ଆଶିଷ ଲାଭା କରିଥିଲେ। ପରେ ମା ବିମଳା, ମା ମହାଲକ୍ଷ୍ମୀ ଏବଂ ଅନ୍ୟ ପାର୍ଶ୍ବ ଦେବାବେଦୀଙ୍କୁ ଦର୍ଶନ କରିବା ସହ ବିଶେଷ ପୂଜାର୍ଚ୍ଚନା କରିଥିଲେ। ଫେରିବା ବେଳେ ସାକ୍ଷୀଗୋପାଳ ମନ୍ଦିରରେ ପ୍ରସାଦ ସେବନ କରିଥିଲେ।
ଏହି ସମୟରେ ସେ କହିଛନ୍ତି ଯେ, ହିନ୍ଦୁ ରାଷ୍ଟ୍ରକୁ ଶସକ୍ତ କରିବା ସହ ବିଶ୍ୱର ମଙ୍ଗଳ କାମନା ଲାଗି ମହାବାହୁଙ୍କ ନିକଟରେ ପ୍ରାର୍ଥନା କରିଥିଲେ। ଭାଗ୍ୟରେ ଥିଲେ ମିଳେ ମହାପ୍ରଭୁଙ୍କ ପ୍ରସାଦ ବୋଲି କହିଥିଲେ। ଏଥି ସହିତ ଗତ କିଛି ଦିନ ହେବ ଗୋମାତାଙ୍କ ହତ୍ୟା ବଢିବାରେ ଲାଗିଛି । ତେଣୁ ସେମାନଙ୍କ ସୁରକ୍ଷା ପାଇଁ ଆହ୍ୱାନ୍ ଦେଇଥିଲେ ବାବା ବାଗେଶ୍ୱର। ଏହି ସମୟରେ ଶ୍ରୀମନ୍ଦିରରେ ବାବାଙ୍କୁ ଦେଖିବାକୁ ପ୍ରବଳ ଭିଡ ଜମିଥିଲା ।
