ନୂଆଦିଲ୍ଲୀ,୦୪/୦୫:ଆଜିଠୁ ଖୋଲିଲା ବଦ୍ରିନାଥ ଧାମ। ବଦ୍ରିନାଥ ଧାମର ମୁଖ୍ୟ ଫାଟକ ଭକ୍ତଙ୍କ ପାଇଁ ଖୋଲା ଯାଇଛି। ପୁରା ମନ୍ଦିରକୁ ଫୁଲରେ ସଜାଯାଇଛି। ଆକର୍ଷଣୀୟ ଭାବେ ଫୁଲରେ ମନ୍ଦିରକୁ ସଜା ଯାଇଛି । ସବୁଥର ପରି,ଏଥର ମଧ୍ୟ ମନ୍ଦିରର ଦ୍ୱାର ଖୋଲିବା ପୂର୍ବରୁ, ଭଗବାନ ବିଷ୍ଣୁଙ୍କ ଦର୍ଶନ ପାଇଁ ଭକ୍ତଙ୍କ ଭିଡ଼ ଲାଗି ରହିଥିଲା। ବଦ୍ରିନାଥ ମନ୍ଦିର ଭଗବାନ ବିଷ୍ଣୁଙ୍କୁ ସମର୍ପିତ ଏବଂ ହିନ୍ଦୁମାନଙ୍କ ପାଇଁ ପବିତ୍ର ସ୍ଥାନ ମଧ୍ୟରୁ ଗୋଟିଏ ଭାବରେ ବିବେଚନା କରାଯାଏ। ଆପଣଙ୍କୁ କହି ରଖୁଛୁ ଯେ ଗଙ୍ଗୋତ୍ରୀ, ଯମୁନୋତ୍ରୀ ଏବଂ କେଦାରନାଥର ଦ୍ୱାର ଖୋଲାଯାଇଛି। ଚାରିଧାମ ଯାତ୍ରା ଆରମ୍ଭ ହୋଇଛି।
ବଦ୍ରିନାଥ ଧାମକୁ ଭଗବାନ ବିଷ୍ଣୁଙ୍କ ବାସସ୍ଥାନ ବୋଲି ବିବେଚନା କରାଯାଏ । ଏହାକୁ ପୃଥିବୀର 'ବୈକୁଣ୍ଠ' କୁହାଯାଏ। ଏହି ପବିତ୍ର ସ୍ଥାନଟି ଅଳକାନନ୍ଦା ନଦୀର ବାମ କୂଳରେ ନର ଏବଂ ନାରାୟଣ ପର୍ବତ ମଧ୍ୟରେ ଅବସ୍ଥିତ। ମନ୍ଦିରଟି କେବଳ ମେ ରୁ ନଭେମ୍ବର ପର୍ଯ୍ୟନ୍ତ ତୀର୍ଥଯାତ୍ରୀଙ୍କ ପାଇଁ ଖୋଲା ରହିଥାଏ। ଶୀତଦିନେ, ଯେତେବେଳେ ମନ୍ଦିର ଦ୍ୱାର ବନ୍ଦ ହୋଇଯାଏ, ପ୍ରଭୁ ବଦ୍ରିନାଥଙ୍କୁ ଯୋଶୀମଠର ନରସିଂହ ମନ୍ଦିରରେ ପୂଜା କରାଯାଏ। ମନ୍ଦିରର ଦ୍ୱାର ବନ୍ଦ ହେବା ପୂର୍ବରୁ ଜଳୁଥିବା ଦୀପ ଛଅ ମାସ ପର୍ଯ୍ୟନ୍ତ ଜଳିଥାଏ।ଭଗବାନ ବିଷ୍ଣୁଙ୍କୁ ବଦ୍ରିନାଥ ଧାମରେ ଶାଳିଗ୍ରାମରେ ନିର୍ମିତ ଚତୁର୍ଭୁଜ ପ୍ରତିମା ଭାବରେ ପୂଜା କରାଯାଏ। ଧାର୍ମିକ ବିଶ୍ୱାସ ଅନୁସାରେ, ଏହି ସ୍ଥାନଟି ଭଗବାନ ବିଷ୍ଣୁଙ୍କ ନର-ନାରାୟଣ ରୂପର ତପସ୍ୱୀ ସ୍ଥାନ ହୋଇଆସିଛି। ଏହି ବର୍ଷ, ଅକ୍ଷୟ ତୃତୀୟାର ପବିତ୍ର ଅବସରରେ ଗଙ୍ଗୋତ୍ରୀ ଏବଂ ଯମୁନୋତ୍ରୀ ଧାମର ଦ୍ୱାର ଖୋଲାଯାଇଥିଲା। ଏହା ପରେ, ମେ ୨ ତାରିଖରେ ବାବା କେଦାରନାଥ ଧାମର ଦ୍ୱାର ଖୋଲିଥିଲା ଏବଂ ଆଜି ବଦ୍ରିନାଥ ଧାମର ଦ୍ୱାର ଖୋଲିବା ସହିତ ଚାରିଧାମ ଯାତ୍ରା ସମ୍ପୂର୍ଣ୍ଣ ଭାବରେ ଆରମ୍ଭ ହୋଇଛି।
