ଚନ୍ଦ୍ରଶେଖରପୁର, ୨୪/୦୭: ହୋଟେଲ୍ରେ କାମ ଦେବାକୁ କହି ଜଣେ ଯୁବତୀଙ୍କୁ ସେକ୍ସ ରାକେଟରେ ଲଗାଇଥିଲେ । ଅନୈତିକ କାର୍ଯ୍ୟ ନ କଲେ ବୋମା ପକାଇ ଦେବାକୁ ଧମକ ଦେଉଥିଲେ । ଅନୈତିକ କାର୍ଯ୍ୟ ନକରିବାରୁ ମାଡମାରି ମୋବାଇଲ ଓ ଡ୍ରେସ୍ ଛଡ଼ାଇ ନେଇଥିଲେ ଆୟୁର୍ବେଦିକ ପାର୍ଲର ମାଲିକ । ନିର୍ଯାତନା ସହିନପାରି ମସାଜ ପାର୍ଲରରୁ ଖସି ଆସିଲେ ଯୁବତୀ । ଏଭଳି ଘଟଣା ଚନ୍ଦ୍ରଶେଖରପୁର ଥାନା ନୀଳାଦ୍ରି ବିହାର ବୁଦ୍ଧ ପାର୍କ ଅଞ୍ଚଳରେ ଘଟିଛି । ପାର୍ଲରରେ ସେକ୍ସ ରାକେଟ୍ ଚାଲିଥିବା ସେ ଥାନାରେ ଅଭିଯୋଗ କରିବା ପରେ ପୁଲିସ ଉକ୍ତ ପାର୍ଲରରେ ଚଢଉ କରି ଜଣେ ଗ୍ରାହକଙ୍କ ଦୁଇ ଯୁବତୀଙ୍କୁ ଉଦ୍ଧାର କରି ତନାଘନା ଆରମ୍ଭ କରିଛି ।
ଅଭିଯୋଗ ଅନୁଯାୟୀ କିଛି ଦିନ ପୂର୍ବରୁ ଯୁବତୀ ଜଣଙ୍କ କାମ ସନ୍ଧାନରେ ବୁଲୁଥିଲେ । ଉକ୍ତ ପାର୍ଲର ମାଲିକଙ୍କ ସହ ତାଙ୍କର ଭେଟ ହୋଇଥିଲେ । ଏକତାରକା ହୋଟେଲରେ କାମ ବୁଝିଦେବାର ପ୍ରତିଶ୍ରୁତି ଦେଇଥିଲେ । ଉକ୍ତ ପାର୍ଲରରେ ନେଇ ରଖିଥିଲେ । ହେଲେ ରହିବା ପରେ ବଢି ଯାଇଥିଲା ନିର୍ଯାତନା । ଅନୈତିକ କାମ କରିବାକୁ ଚାପ ପକାଉଥିଲେ । କାମ ନକଲେ ମାଡ଼ ମାରୁଥିଲେ । ନିର୍ଯାତନା ଅସହ୍ୟ ହେବାରୁ ସେଠାରୁ ଖସି ଆସିଥିଲେ ଯୁବତୀ । ଚନ୍ଦ୍ରଶେଖରପୁର ଥାନାରେ ପୁଲିସକୁ ସବୁ କାହାଣୀ ବଖାଣିଥିଲେ । ଯୁବତୀଙ୍କ ଅଭିଯୋଗ ଆଧାରରେ ପୁଲିସ ଚଢ଼ଉ କରିଥିଲା। ଏହି ସମୟରେ ଜଣେ ଗ୍ରାହକଙ୍କୁ କାବୁ କରାଯାଇଥିଲା । ଏହା ସହ କିଛି ଆପତ୍ତିଜନକ ସାମଗ୍ରୀ ମିଳିଥିଲା । ପାର୍ଲର ମାଲିକଙ୍କୁ ମଧ୍ୟ ପୁଲିସ ଉଠାଇନେଇଛି । ଆୟୁର୍ବେଦିକ ସେଣ୍ଟରରେ ପ୍ରକୃତରେ କ'ଣ ଚାଲୁଥିଲା । କେତେଦିନ ଧରି ଏହି କାର୍ଯ୍ୟ ଚାଲିଥିଲା । ଯୁବତୀଙ୍କ ଅଭିଯୋଗରେ କେତେ ସତ୍ୟତା ରହିଛି ସେ ନେଇ ପୁଲିସ ତଦନ୍ତ କରୁଛି । ଉଦ୍ଧାର ଯୁବତୀଙ୍କୁ ମଧ୍ୟ ପୁଲିସ ପଚରାଉଚରା କରିଛି ।
ଅଧିକ ପଢ଼ନ୍ତୁ :- Weather Forecast : ଆସନ୍ତା ୨୪ ଘଣ୍ଟାରେ ଘୂର୍ଣ୍ଣିବଳୟ ସମ୍ଭାବନା, ୨୮ ଯାଏଁ ବର୍ଷିବ, ଆଜି ପୁରୀରେ ପାଗ ଭଲ ରହିପାରେ
