ମହାରାଷ୍ଟ୍ର ରାଜନୀତିରେ ନୂଆ ମୋଡ...
କ୍ଷମତା ପାଇଁ ସାଇଡ୍ ହୋଇଥିଲା ଶିବସେନା...
ପୁଣି ବିଜେପି ମେଣ୍ଟରୁ ଓହରିଲେ ଏନସିପିର ୪ କାଉନସିଲର...
ନୂଆଦିଲ୍ଲୀ: ମହାରାଷ୍ଟ୍ରରେ ମହା ପଲିଟିକ୍ସ । ରାଜ୍ୟରେ ଅମ୍ବରନାଥ ପୌର ପରିଷଦ ନିର୍ବାଚନକୁ ନେଇ ଆରମ୍ଭ ହୋଇଥିବା ଝଡ ଏବେ ଏକ ବଡ଼ ରାଜନୈତିକ ଅସ୍ଥିରତା ଆଡକୁ ଯାଉଥିବା ଦେଖିବାକୁ ମିଳିଛି। ରାଜ୍ୟରେ ଶିବସେନା ସବୁଠାରୁ ବଡ଼ ଦଳ ହେବା ସତ୍ତ୍ୱେ ଏହାକୁ କ୍ଷମତାରୁ ଦୂରେଇ ରଖିବା ପାଇଁ ଗଠିତ ବିଜେପି ନେତୃତ୍ୱାଧୀନ ମେଣ୍ଟକୁ ଏକ ବଡ଼ ଝଟକା ଲାଗିଛି। ନ୍ୟାସନାଲିଷ୍ଟ କଂଗ୍ରେସ ପାର୍ଟି (ଅଜିତ ପାୱାର ଗୋଷ୍ଠୀ)ର ଚାରି ଜଣ କାଉନସିଲର ବିଜେପି ସମର୍ଥିତ ମେଣ୍ଟରୁ ସମର୍ଥନ ପ୍ରତ୍ୟାହାର କରିଛନ୍ତି। ଏହା ପରେ, ଶିବସେନା, ନ୍ୟାସନାଲିଷ୍ଟ କଂଗ୍ରେସ ପାର୍ଟି ଏବଂ ଜଣେ ସ୍ୱାଧୀନ କାଉନସିଲରଙ୍କ ସମର୍ଥନରେ ପୌର ପରିଷଦରେ ସ୍ପଷ୍ଟ ବହୁମତ ଥିବା ଦାବି କରୁଛି।
ଏନସିପି କାଉନସିଲର ମାନେ କଂଗ୍ରେସ ସହିତ କ୍ଷମତା ଭାଗବଣ୍ଟା ନେଇ ଅସନ୍ତୁଷ୍ଟତା ପ୍ରକାଶ କରିଛନ୍ତି। ସ୍ଥାନୀୟ ନେତାମାନେ କହିଛନ୍ତି ଯେ ସେମାନେ ୨୦୨୩ ମସିହାରୁ କଂଗ୍ରେସକୁ ବିରୋଧ କରିଆସୁଛନ୍ତି ଏବଂ ଏହା ସହିତ ମେଣ୍ଟ ଗ୍ରହଣୀୟ ନୁହେଁ। ସେମାନେ ଏହା ମଧ୍ୟ କହିଛନ୍ତି, ଯେ ନିର୍ବାଚନ ପରେ ଜନାଦେଶ କଂଗ୍ରେସ ସହିତ ମେଣ୍ଟ ନୁହେଁ, ମହାୟୁତି ସପକ୍ଷରେ ଥିଲା।
ତେବେ ଏହି ଏହି ଘଟଣା ଏବେ ବିଜେପି ରାଜ୍ୟ ସଭାପତି ରବି ଚହ୍ବାନଙ୍କ ପାଇଁ ଏକ ବଡ଼ ଝଟକା ଭାବରେ ବିବେଚନା କରାଯାଉଛି, ଯିଏ କଂଗ୍ରେସ ସହିତ ମେଣ୍ଟ ଆରମ୍ଭ କରିଥିଲେ ଏବଂ ପରେ ବହିଷ୍କୃତ କଂଗ୍ରେସ କାଉନସିଲର ମାନଙ୍କୁ ବିଜେପିରେ ସାମିଲ କରିଥିଲେ।
ଅମ୍ବରନାଥ ପୌର ପରିଷଦର ବର୍ତ୍ତମାନର ସ୍ଥିତି:
• ଶିବସେନା: ୨୭
• ସ୍ୱାଧୀନ ଭାବରେ ଶିବସେନାକୁ ସମର୍ଥନ କରୁଥିବା : ୧
• ରାଷ୍ଟ୍ରବାଦୀ କଂଗ୍ରେସ ଦଳ (ଅଜିତ ପାୱାର ଗୋଷ୍ଠୀ): ୪
• ଶିବସେନାର ମୋଟ ସମର୍ଥକଙ୍କ ସଂଖ୍ୟା: ୩୨
• ବିଜେପି: ୧୪
• କଂଗ୍ରେସ: ୧୨
