ନୂଆଦିଲ୍ଲୀ,୦୮/୧୧: ବିହାର ଭୋଟ୍ ସମୟରେ ଇଭିଏମର ଫଟୋ ଉଠାଇବା ପଡିଲା ମହଙ୍ଗା । ୪ ଜଣଙ୍କ ବିରୋଧରେ ମାମଲା ରୁଜୁ କରାଯାଇଛି। ଏନେଇ ଅଧିକାରୀଙ୍କ ପକ୍ଷରୁ ସୂଚନା ମିଳିଛି। ଅଧିକାରୀମାନେ କହିଛନ୍ତି ଯେ, ଆରା, ଗୋପାଳଗଞ୍ଜ ଏବଂ ସାରଣରେ ମାମଲା ରୁଜୁ କରାଯାଇଛି, ଯେଉଁଠାରେ ଗୁରୁବାର ପ୍ରଥମ ପର୍ଯ୍ୟାୟ ମତଦାନ ହୋଇଥିଲା। ଗୋପାଳଗଞ୍ଜରେ ଦୁଇଟି ମାମଲା ରୁଜୁ ହୋଇଥିବା ବେଳେ ଆରା ଏବଂ ସାରଣରେ ପ୍ରତ୍ୟେକ ବ୍ୟକ୍ତିଙ୍କ ବିରୁଦ୍ଧରେ ଗୋଟିଏ ମାମଲା ରୁଜୁ କରାଯାଇଛି।
ସମ୍ପୃକ୍ତ ଜିଲ୍ଲାର ପୁଲିସ ବିଭାଗ କହିଛି ଯେ, ଭୋଟ୍ ଦେବା ସମୟରେ ଇଭିଏମର ଫଟୋ ଉଠାଇବା ଏବଂ ସେଗୁଡ଼ିକୁ ସୋସିଆଲ ମିଡିଆରେ ସେୟାର କରିବା ଆଦର୍ଶ ଆଚରଣ ସଂହିତା ଏବଂ ଆଇନର ଅନ୍ୟାନ୍ୟ ବ୍ୟବସ୍ଥାର ଉଲ୍ଲଂଘନ କରେ। ପୁଲିସ ଆହୁରି କହିଛି ଯେ,ସେମାନେ ଏହା ମଧ୍ୟ ତଦନ୍ତ କରୁଛନ୍ତି ଯେ ଏହି ଲୋକମାନେ କିପରି ମତଦାନ କେନ୍ଦ୍ରକୁ ସେମାନଙ୍କର ମୋବାଇଲ୍ ଫୋନ୍ ନେଇପାରିଲେ। ତେବେ ନିର୍ବାଚନ କମିଶନ ପ୍ରଥମ ପର୍ଯ୍ୟାୟରେ ରେକର୍ଡ ହୋଇଥିବା ୬୫.୦୮% ଭୋଟରଙ୍କ ଲିଙ୍ଗ ଅନୁପାତ ଏପର୍ଯ୍ୟନ୍ତ ପ୍ରକାଶ କରିନାହାଁନ୍ତି। ବିହାର ବିଧାନସଭା ନିର୍ବାଚନର ପ୍ରଥମ ପର୍ଯ୍ୟାୟ୬ ନଭେମ୍ବରରେ ବିହାରର ୧୮ଟି ଜିଲ୍ଲାର ୧୨୧ଟି ବିଧାନସଭା ନିର୍ବାଚନ ମଣ୍ଡଳୀରେ ଅନୁଷ୍ଠିତ ହୋଇଥିଲା। ୨୦୨୦ବିହାର ବିଧାନସଭା ସାଧାରଣ ନିର୍ବାଚନରେ ରାଜ୍ୟର ହାରାହାରି ଭୋଟର ହାର ୫୭.୨୯ ପ୍ରତିଶତ ଏବଂ ୨୦୨୪ ଲୋକସଭା ସାଧାରଣ ନିର୍ବାଚନରେ ୫୬.୨୮ ପ୍ରତିଶତ ଥିଲା। ପ୍ରଥମ ପର୍ଯ୍ୟାୟ ମତଦାନରେ, ୨୩ଟି ଆସନରେ ବିଜେପି ଏବଂ ଆରଜେଡି ପ୍ରାର୍ଥୀଙ୍କ ମଧ୍ୟରେ ସିଧାସଳଖ ପ୍ରତିଦ୍ୱନ୍ଦ୍ୱିତା ହୋଇଥିଲା।
