ଭଦ୍ରକ, ୩୧/୦୭ : ବାଇକ୍ରେ ସାଙ୍ଗ ସହ ଘରୁ ବାହାରିଥିଲେ। ବିଲରୁ ମିଳିଲା ମୃତଦେହ। ଗୁରୁବାର ସକାଳେ ଭଦ୍ରକ ଜିଲ୍ଲା ଗ୍ରାମାଞ୍ଚଳ ଥାନା ଗେଲଟୁଆ ଅଞ୍ଚଳରେ ଏଭଳି ଘଟଣା ଘଟିଛି। ଯୁବକଙ୍କ ମୁହଁରେ କ୍ଷତ ଚିହ୍ନ ରହିଛି। ହତ୍ୟା ସନ୍ଦେହ କରାଯାଉଛି।
ସୂଚନାନୁଯାୟୀ, ଗେଲଟୁଆ ଗାଁରେ ସନ୍ତୋଷ ମଲ୍ଲିକ ସକାଳେ ଜନୈକ ବ୍ୟକ୍ତିଙ୍କ ସହ ବାଇକରେ ଘରୁ ବାହାରିଥିଲେ। କୁଷଗଡିଆ ଓ ବଗମରା ରାସ୍ତା କଡ଼ରେ ଥିବା ଏକ ବିଲରେ ତାଙ୍କର ମୃତଦେହ ପଡ଼ିଥିବା ସ୍ଥାନୀୟ ଲୋକେ ଦେଖିଥିଲେ। ଏନେଇ ପୁଲିସକୁ ଖବର ଦେଇଥିଲେ। ସନ୍ତୋଷଙ୍କ ମୁହଁରେ କ୍ଷତ ଚିହ୍ନ ରହିଛି। ପାରିପାର୍ଶ୍ଵିକ ସ୍ଥିତିରୁ ହତ୍ୟା ସନ୍ଦେହ କରାଯାଉଛି। ତେବେ ଏପର୍ଯ୍ୟନ୍ତ ଗ୍ରାମାଞ୍ଚଳ ଥାନାରେ ଲିଖିତ ଅଭିଯୋଗ ହୋଇନଥିବା ସୂଚନା ମିଳିଛି।
