ଟାଙ୍ଗୀ,୧୯।୧ : ଓଭରବ୍ରିଜରୁ ୩୦ ଫୁଟ ତଳକୁ ଖସିଲା କାର। ଏଥରେ କାର୍ ଚାଳକ ସମେତ ୪ ଯାତ୍ରୀ ଗୁରୁତର ହୋଇଛନ୍ତି। ଖୋର୍ଦ୍ଧା ଜିଲ୍ଲାର ଟାଙ୍ଗୀ ନିକଟସ୍ଥ ମା' ଉଗ୍ରତାରା ଦେବୀ ଛକ ଜାତୀୟ ରାଜପଥର ଓଭରବ୍ରିଜ ନିକଟରେ ଦୁର୍ଘଟଣା ଘଟିଛି।
ମା' ଉଗ୍ରତାରା ଦେବୀ ଛକ ଜାତୀୟ ରାଜପଥର ଓଭରବ୍ରିଜ ନିକଟରେ ଏକ କାରର ଚକା ହଠାତ ଫାଟି ଯାଇଥିଲା। କାରଟି ଭାରସାମ୍ୟ ହରାଇ ଓଭରବ୍ରିଜରୁ ୩୦ ଫୁଟ ତଳକୁ ଖସି ପଡିଥିଲା। ଏଥିରେ କାର୍ ଚାଳକ ସମେତ ୪ ଯାତ୍ରୀ ଗୁରୁତର ହୋଇଛନ୍ତି । ଗୁରୁତରମାନଙ୍କୁ ଉଦ୍ଧାର କରାଯାଇ ଚିକିତ୍ସା ପାଇଁ ଭୁବନେଶ୍ୱର ମେଡିକାଲରେ ଭର୍ତ୍ତି କରାଯାଇଛି। କାରଟି ବାଲୁଗାଁରୁ ଭୁବନେଶ୍ୱର ଅଭିମୁଖେ ଯାଉଥିବା ବେଳେ ଏଭଳି ଅଘଟଣ ଘଟିଛି ।
