ବେଜିଂ : ଚୀନ ରବିବାର ଏହି କଥା ସ୍ପଷ୍ଟ କରିଛି ଯେ, ୨୦୧୦ରେ ଡ୍ରଗ୍ସ ତସ୍କରୀ ଅଭିଯୋଗରେ ମୃତ୍ୟଦଣ୍ଡ ପାଇଥିବା ଜଣେ ଫ୍ରାନ୍ସର ନାଗରିକଙ୍କୁ ଫାଶୀ ଦିଆ ଯାଇଛି। ଚୀନ କହିଛି ଯେ, ସେ ଅଭିଯୁକ୍ତ ସହ ତାର ଜାତୀୟତା ଆଧାରରେ କୌଣସି ଭେଦଭାବ କରେ ନାହିଁ। ଏହି ବିବୃତ୍ତି ପ୍ୟାରିସ୍ ଦ୍ୱାରା ଏହି ମାମଲାରେ କୋର୍ଟର ନୀତିର ସମାଲୋଚନା କରାଯିବାର ଠିକ୍ ଗୋଟିଏ ଦିନ ପରେ ଆସିଛି।
ଫ୍ରାନ୍ସ ସ୍ଥିତ ଚାଇନା ଦୂତାବାସ ୬୨ ବର୍ଷିୟ ଚାନ ଥାଓ ଫୋମିଙ୍କୁ ଫାଶୀ ଦିଆ ଯିବା ସମ୍ୱନ୍ଧରେ ଏକ ସଂକ୍ଷିପ୍ତ ବୟାନ ଜାରି କରିଥିଲା। ଚାନ ଜେଲରେ ୨୦ ବର୍ଷ ବିତାଇ ଥିଲେ। ଶନିବାର ଫ୍ରାନ୍ସୀୟ ବୈଦେଶିକ ମନ୍ତ୍ରଣାଳୟ କହିଛି ଯେ, ତାକୁ ଏହି କଥାର ବିଶେଷ ଭାବେ ଦୁଃଖିତ ଯେ, ଚାନଙ୍କ ସୁରକ୍ଷା ପକ୍ଷକୁ କୋର୍ଟଙ୍କ ଅନ୍ତିମ ଶୁଣାଣିରେ ସାମିଲ ହେବାର ଅନୁମତି ଦିଆଯାଇ ନଥିଲା, ଯାହାକି ତାଙ୍କର ଅଧିକାରର ଉଲ୍ଲଙ୍ଘନ ଥିଲା।
ଚୀନ, ଯାହା ଦୁନିଆରେ ଡ୍ରଗ୍ସ ଜିନିଷର ତସ୍କରୀ ବିରୋଧରେ ଆଇନ ଗୁଡ଼ିକୁ ଦୃଢ ଭାବେ ଲାଗୁ କରୁଥିବା ଦେଶ ମଧ୍ୟରେ ଗୋଟିଏ, ସେ ଅନେକ ସମୟରେ ନିଜର ସୀମାଗୁଡ଼ିକର ବାହାରକୁ ବହୁ ପରିମାଣରେ ଡ୍ରଗ୍ସ ଜିନିଷର ତସ୍କରୀର ଦୋଷୀ କରାଯାଇ ଥିବା ବିଦେଶୀ ନାଗରିକଙ୍କୁ ମୃତ୍ୟୁର ଦଣ୍ଡ ଦିଆ ଯାଇଛି , କିନ୍ତୁ ସେ ଏହି ସବୁ ମୃତ୍ୟୁର ସଂଖ୍ୟା ଜାରି କରେ ନାହିଁ।
ଚାନ , ଯାହାଙ୍କର ଜନ୍ମ ଦକ୍ଷିଣୀ ସହର ଗୁଆଙ୍ଗଜୋରେ ହୋଇଥିଲା, କିନ୍ତୁ ପରେ ସେ ଫ୍ରାନ୍ସର ନାଗରିକତା ନେଇ ଥିଲେ, ସେହି ୮୯ ଜଣ ସନ୍ଦିଗ୍ଧଙ୍କ ମଧ୍ୟରେ ଜଣେ ଥିଲେ, ଯାହାଙ୍କୁ ୨୦୦୫ ମସିହାରେ ଡ୍ରଗ୍ସ ପଦାର୍ଥର ତସ୍କରୀ ଅଭିଯୋଗରେ ଗିରଫ କରାଯାଇ ଥିଲା ଏବଂ ପୁଣି ୨୦୦୭ରେ ଆଜୀବନ କାରାଦଣ୍ଡର ସଜା ଶୁଣା ଯାଇଥିଲା। ତାଙ୍କୁ ୨୦୧୦ରେ ତାଙ୍କର ହୋମ୍ ଟାଉନର ଏକ କୋର୍ଟ ମୃତ୍ୟୁଦଣ୍ଡ ଶୁଣାଇ ଥିଲେ। ଏହି ଦଣ୍ଡ ତାଙ୍କୁ ୧୦ କୋଟି ୟୁଆନ (୧.୫ କୋଟି ଡଲାର)ର ଏକ ଡ୍ରଗ୍ସ ପଦାର୍ଥ ରାକେଟରେ ତାଙ୍କର ଭୂମିକା ପାଇଁ ଦିଆ ଯାଇ ଥିଲା, ଯାହା ଅନୁସାରେ ଚୀନରେ ବହୁ ମାତ୍ରାରେ କ୍ରିଷ୍ଟଲ ମେଥାମଫେଟାମାଇନର ଉତ୍ପାଦନ , ପରିବହନ ଓ ବାଣିଜ୍ୟ କରାଯାଉ ଥିଲା।
ଚୀନରେ ମୃତ୍ୟଦଣ୍ଡ ପାଇଁ ନିର୍ଦ୍ଦିଷ୍ଟ ସୀମା ୫୦ ଗ୍ରାମ୍ (୧.୮ ଓନ୍ସ) ହେରୋଇନ କିମ୍ୱା ମେଥାମଫେଟାମାଇନ , କିନ୍ତୁ ସାଧାରଣତଃ ଏଥିରେ ଆହୁରି ଗୁରୁତର ତସ୍କରୀ କରିବାରେ ହିଁ ମୃତ୍ୟୁଦଣ୍ଡ ଦିଆଯାଏ।
ଆହୁରି ମଧ୍ୟ ପଢନ୍ତୁ : ଇରାନର ଦାବି ‘ଆମେ ନଷ୍ଟ କରିଛୁ ଆମେରିକାର ସି-୧୩୦ ଏୟାରକ୍ରାଫ୍ଟ’
