ବଲାଙ୍ଗିର, ୧୭/୦୬ : ବଲାଙ୍ଗିର ଜିଲ୍ଲା ଦେଇ ଯାଇଥିବା ୨୬ ନଂ ଜାତୀୟ ରାଜପଥର ସ୍ଥାନୀୟ ପେଲେସଲାଇନ୍ ଠାରେ ଦୁର୍ଘଟଣା। ଭାରସାମ୍ୟ ହରାଇ ରାସ୍ତା କଡ଼ ଦୋକାନ ଘରକୁ ପଶିଗଲା କଣ୍ଟେନର। ବଲାଙ୍ଗୀର ସହର ଜିଲ୍ଲାପରିଷଦ କାର୍ଯ୍ୟାଳୟ ସମ୍ମୁଖରେ ଏହି ଦୁର୍ଘଟଣା ଘଟିଛି।
ସୂଚନାନୁଯାୟୀ, ସୋମବାର ରାତିରେ ଟିଟଲାଗଡ଼ ପଟରୁ ଏକ କଣ୍ଟେନର ଆସୁଥିବା ବେଳେ ପ୍ରାୟ ୩ଟା ୪୫ରେ ଭାରସାମ୍ୟ ହରାଇ ବଲାଙ୍ଗୀର ସହର ଜିଲ୍ଲାପରିଷଦ କାର୍ଯ୍ୟାଳୟ ସମ୍ମୁଖରେ ଏକ ଦୋକାନ ଭିତରକୁ ପଶି ଯାଇଛି। ଟ୍ରକ୍ର ସମ୍ମୁଖ ଭାଗ ଗଛରେ ପିଟିହୋଇ ଦୋକାନରେ ପଶିଯାଇ ସମ୍ପୂର୍ଣ୍ଣ ଭାବରେ ଭାଙ୍ଗି ଚୁରମାର ହୋଇଯାଇଛି। ଏହି ଦୁର୍ଘଟଣାରେ କେହି ମୃତାହତ ହୋଇନାହାଁନ୍ତି। ଘଟଣାସ୍ଥଳରେ ଟାଉନ ଥାନା ପୁଲିସ ପହଞ୍ଚି ତଦନ୍ତ ଆରମ୍ଭ କରିଛି । ସିସିଟିଭି ଭିଡିଓରେ ଦୁର୍ଘଟଣା ବେଳର ଦୃଶ୍ୟ କଏଦ ହୋଇଛି। ଟ୍ରକର ସମ୍ମୁଖ ଭାଗର ଚକ ଫାଟିବା ଯୋଗୁଁ ଏଭଳି ଦୁର୍ଘଟଣା ଘଟିଥିବା ସନ୍ଦେହ କରାଯାଉଛି।
