ନୂଆଦିଲ୍ଲୀ,୨୯/୧୧:  କ୍ରିକେଟ ଖେଳୁ ଖେଳୁ ଚାଲିଗଲା ଜୀବନ । ପଡ଼ିଆରେ ଖେଳୁଥିବା ବେଳେ ଟଳିପଡିଲେ କ୍ରିକେଟର ।  ମହାରାଷ୍ଟ୍ର ପୁଣେର ୩୫   ବର୍ଷୀୟ ଇମ୍ରାନ ପଟେଲଙ୍କ ମୃତ୍ୟୁ ହୋଇଛି। ସେ ଓପନର୍ ଭାବେ ବ୍ୟାଟିଂ କରିବାକୁ ଆସିଥିବା ବେଳେ ମ୍ୟାଚ ଚାଲିଥିବା ସମୟରେ ତାଙ୍କର ମୃତ୍ୟୁ ହୋଇଛି । 

ସୂଚନା ମୁତାବକ, ଗତକାଲି  ପୁଣେର ଗରଓ୍ବାର ଷ୍ଟାଡିୟମରେ ମ୍ୟାଚ ଥିଲା  । ଏନେଇ ଇମ୍ରାନ ଓପନର୍ ଭାବେ ବ୍ୟାଟିଂ କରିବାକୁ ଆସିଥିବା ବେଳେ ସେ ପିଚରେ କିଛି ସମୟ ବ୍ୟାଟିଂ ମଧ୍ୟ କରିଥିଲେ । ହେଲେ ଖେଳିବାର କିଛି ସମୟ ପରେ ସେ ଛାତିରେ ଯନ୍ତ୍ରଣା ଅନୁଭବ କରିଥିଲେ । ଏନେଇ ସେ ଅମ୍ପାୟାରଙ୍କୁ ଜଣାଇବାରୁ ଅନ୍ୟ ଖେଳାଳିମାନେ ଏକତ୍ରିତ ହୋଇଥିଲେ। ଏହାପରେ ତାଙ୍କୁ ବିଶ୍ରାମ ନେବାକୁ ପାଭିଲିଅନ ଫେରିଯିବାକୁ କୁହାଯାଇଥିଲା। ହେଲେ ଫେରିବା ବାଟରେ ତାଙ୍କର ମୃତ୍ୟୁ ହୋଇଛି। ତେବେ ମ୍ୟାଚ୍ ଲାଇଭ୍ ଷ୍ଟ୍ରିମିଂ ଚାଲିଥିବାରୁ ପୁରା ଦୃଶ୍ୟ ସିସିଟିଭିରେ କଏଦ ହୋଇଛି। ଯାହା ବର୍ତ୍ତମାନ ସୋସିଆଲ ମିଡିଆରେ ବେଶ୍ ଭାଇରାଲ ହେବାରେ ଲାଗିଛି  ।