ଗୁଣପୁର,୧୮।୧୨(ଆପ୍ର)- ରାୟଗଡା ଜିଲା ଗୁଣପୁର ବ୍ଲକ ଟଲଣା ପଞ୍ଚାୟତର ରେଗେଇସିଂ ଗ୍ରାମ ନିକଟ ଟାଙ୍କୁମାର ପାହାଡରେ ଜନୈକ ବ୍ୟକ୍ତିଙ୍କ ମୃତ ଦେହ ଠାବ କରାଯାଇଛି । ମୃତ ବ୍ୟକ୍ତି ଜଣଙ୍କ ହେଲେ ରେଗେଇସିଂ ଗ୍ରାମର ଡାନିଏଲ ଶବର(୫୧) ।
ବୁଧବାର ଭୋର ୪ଟା ସମୟରେ ଡାନିଏଲ ଶବର ଲଙ୍କା ତୋଳିବା ପାଇଁ ଟାଙ୍କୁମାର ପାହାଡକୁ ଯାଇଥିଲେ । ଦୀର୍ଘ ସମୟ ଧରି ଡାନିଏଲ ନ ଆସିବା ପରେ ପରିବାର ଲୋକ ତାଙ୍କର ଖୋଜାଖୋଜି କରି ଟାଙ୍କୁମାର ପାହାଡରେ ପହଁଞ୍ଚିଥିଲେ । ସେଠାରେ ତାଙ୍କର ମୃତ ଦେହ ପଡି ରହିଥିବା ପରିବାର ଲୋକ ଦେଖିଥିଲେ । ଡାନିଏଲଙ୍କ ଶରୀରର ବିଭିନ୍ନ ସ୍ଥାନରେ ଆଘାତ ସହ ଲାଗି କ୍ଷତ ବିକ୍ଷତ ହୋଇଥିବା ଦେଖିଥିଲେ । ଏହାପରେ ତାଙ୍କ ପୁତ୍ର ଆଣ୍ଡ୍ରିଅ ଶବର ପୁଟାସିଁ ଥାନରେ ଲିଖିତ ଅଭିଯୋଗ କରିଥିଲେ । ଅଭିଯୋଗ ପାଇବା ପରେ ପୁଟାସିଂ ପୋଲିସର ଏକ ଟିମ ସେଠାରେ ପହଁଞ୍ଚି ଘଟଣାର ଅନୁସନ୍ଧାନ କରିଥିଲେ । ଗୁରୁବାର ସାଇଂଣ୍ଟିଫିକ ଟିମ୍ ଆସିବା ପରେ ମୃତ ଦେହ ଉଦ୍ଧାର କରାଯିବ ବୋଲି ପୁଟାସିଂ ଆଇଆଇସି ଭବାନୀ ମୁଦୁଲି କହିଛନ୍ତି।
