ଆଠଗଡ଼, ୬।୫ : ପୁଣି ବଡମ୍ବା ରେଞ୍ଜରେ ହାତୀର ଗଳିତ ମୃତ ଦେହ ଉଦ୍ଧାର । ବଡମ୍ବା ରେଞ୍ଜ ଅରଣ୍ଡା ବିଟ୍ ହଳଦିଆ ଶ୍ରେଣୀ ସଂରକ୍ଷିତ ଜଙ୍ଗଲର କମ୍ପାଟମେଣ୍ଟ ୪ ରେ ଗୋଟିଏ ମାଇ ହାତୀର ମୃତଦେହ ଉଦ୍ଧାର ହୋଇଛି । ମୃତ ମାଈ ହାତୀର ବୟସ ୫ରୁ ୭ ବର୍ଷ ହେବ । ହାତୀ ମୃତ୍ୟୁ କାରଣ ଅସ୍ପଷ୍ଟ ଥିବା ବେଳେ ବ୍ୟବଚ୍ଛେଦ ରିପୋର୍ଟ ଆସିବା ପରେ ମୃତ୍ୟୁର କାରଣ ସ୍ପଷ୍ଟ ହେବ ବୋଲି ବନ ବିଭାଗ ପକ୍ଷରୁ ସୂଚନା।
ସେହିପରି ଗତ ୪ ତାରିଖରେ ନୂଆଗଡ ସେକ୍ସନ ଚତରାପଦା ବିଟ୍ରେ ଏକ ହାତୀର ଗଳିତ ମୃତଦେହ ବନବିଭାଗ ଉଦ୍ଧାର କରିଥିଲା । ହାତୀଟିର ବୟସ ୪ରୁ ୫ ବର୍ଷ ହେବ । ସ୍ବାଭାବିକ ଭାବେ ମୃତ୍ୟୁ ଘଟିଥିବା ବନ ବିଭାଗ ସୂଚନା ଦେଇଥିଲେ। ହାତୀ ମୃତଦେହରୁ ୨ ଇଞ୍ଚର ଦାନ୍ତ ବନବିଭାଗ ଜବତ କରିଥିଲା।
