ଧର୍ମଶାଳା,୧୦/୦୬: ଯାଜପୁର ଜିଲ୍ଲା ଧର୍ମଶାଳା ଡାକ୍ତରଖାନାର ଶୌଚାଳୟରୁ ଦୁର୍ଘଟଣାରେ ଆହତ ଜଣେ ଟ୍ରକ୍ ଡ୍ରାଇଭରଙ୍କ ମୃତଦେହ ଉଦ୍ଧାର ହୋଇଛି। ଡ୍ରାଇଭର ଜଣଙ୍କ ଭଦ୍ରେଶ୍ୱର ଥାନା ଅନ୍ତର୍ଗତ ମାହାଙ୍ଗା ଅଞ୍ଚଳର ଅମିୟ କୁମାର ଜେନା ବୋଲି ଜଣାପଡ଼ିଛି ।
ସୂଚନା ଅନୁଯାୟୀ, ଏକ ତେଲ ଟ୍ୟାଙ୍କର କଟକରୁ ବାଲେଶ୍ଵର ଅଭିମୁଖେ ଯାଉଥିଲା । ହେଲେ ସୋମବାର ବିଳମ୍ବିତ ରାତିରେ ଯାଜପୁର ଜିଲ୍ଲା ଧର୍ମଶାଳା ଥାନା ଅନ୍ତର୍ଗତ ଜାରକା ବସଷ୍ଟାଣ୍ଡ ନିକଟରେ ଏକ ବସକୁ ପଛରୁ ଧକ୍କା ଦେଇଥିଲା । ଫଳରେ ଡ୍ରାଇଭର ଆହତ ହୋଇଥିଲେ। ଦୁର୍ଘଟଣା ସ୍ଥଳରେ ଧର୍ମଶାଳା ପୁଲିସ ପହଞ୍ଚି ତେଲ ଟ୍ୟାଙ୍କର ଡ୍ରାଇଭରକୁ ଧର୍ମଶାଳା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ। ଆହତଙ୍କ ଅବସ୍ଥା ସଂକଟାପନ୍ନ ଥିବାରୁ ତାଙ୍କୁ କଟକ ନେବା ପାଇଁ ଡାକ୍ତର ପୁଲିସକୁ ଜଣାଇଥିଲେ। ହେଲେ ପୁଲିସ ସଠିକ୍ ସମୟରେ ପହଞ୍ଚି ନଥିଲା। ଡ୍ରାଇଭର ଜଣଙ୍କ ମେଡିକାଲ ଶୌଚାଳୟକୁ ଶୌଚ ହେବା ଯାଇ ସେଠାରୁ ଆଉ ବାହାରି ନଥିଲେ। ମଙ୍ଗଳବାର ସକାଳେ କର୍ମଚାରୀମାନେ ମୃତଦେହ ଦେଖି ପୁଲିସକୁ ଦେଇଥିଲେ । ଖବର ପାଇ ପୁଲିସ ପହଞ୍ଚି ମୃତଦେହକୁ ଉଦ୍ଧାର କରି ତଦନ୍ତ କରୁଛି। ଏହି ଘଟଣା ସମ୍ପର୍କରେ ଧର୍ମଶାଳା ଗୋଷ୍ଠୀ ସ୍ୱାସ୍ଥ୍ୟ ଅଧିକାରୀ ସୁଧୀର କୁମାର ସାହୁଙ୍କୁ କହିଛନ୍ତି, ରୋଗୀଙ୍କ ସ୍ବାସ୍ଥ୍ୟାବସ୍ଥା ସଂକଟାପନ୍ନ ହେବାରୁ ତାଙ୍କୁ କଟକ ବଡ଼ ମେଡିକାଲ ପଠାଇବାକୁ ପୁଲିସକୁ ଦୁଇ ଥର ଜଣାଯାଇଥିଲା । ହେଲେ ସେମାନେ କୌଣସି ପଦକ୍ଷେପ ନେଇ ନଥିଲେ ।
