ମାଲକାନଗିରି, ୧୧/୬ (ଆ.ପ୍ର) ଜିଲ୍ଲାର ବିଭିନ୍ନ ସ୍ଥାନରେ ଥିବା ଜଗନ୍ନାଥ ମନ୍ଦିର ରେ ସ୍ନାନପୂର୍ଣ୍ଣିମା ଉତ୍ସବ ଆଡମ୍ବର ସହକାରେ ପାଳିତ ହୋଇଯାଇଛି । ମାଲକାନଗିରି ଜିଲ୍ଲା ସଦର ମହକୁମା ଶ୍ରୀଜଗନ୍ନାଥଙ୍କ ମନ୍ଦିର ରେ ସକାଳର ନିତିକାନ୍ତି ସରିବା ପରେ ରତ୍ନବେଦିରୁ ମନ୍ଦିରର ମୁଖ୍ୟପୂଜକ ବିନାୟକ ସତପଥି,ସନ୍ତୋଷ ନନ୍ଦ,ସେବାୟତ ବାଲାପଣ୍ଡା,ପ୍ରଫୁଲପଣ୍ଡା, ବାଲାପାଢି,ବ୍ରଜକିଶୋରପାଳ, ମଧୁପାଣିଗ୍ରାହ,ନିରଜଂନପଣ୍ଡା, ଦିବାକର ପାଳ,ସନ୍ତୋଷ ଦାଶ,.ସାଇ ପଟନାୟକ ଓ ଅନ୍ୟାନ ପୁଜକ, ସେବାୟତ, ଦଇତା ପତି ମାନେ ବଡ ଭାଇ ଶ୍ରୀବଳଭଦ୍ର,ଶ୍ରୀଜଗନ୍ନାଥ,ଭଉଣୀ ସୁଭଦ୍ରା ଓ ଶ୍ରୀସୁଦର୍ଶନଙ୍କୁ ପହଣ୍ଡି ବିଜେକରି ଶ୍ରୀମନ୍ଦିରରୁ ପାଛୋଟି ଆଣି ସ୍ନାନମଣ୍ଡପରେ ସ୍ଥାପନ କରିଥିଲେ ।
ଠାକୁରଙ୍କ ରିତିନିତି ଅନୁସାରେ ଶ୍ରୀବିଗ୍ରହ ଙ୍କୁ ୧୦୮ କଳସ ସୁବାଷିତ ଜଳରେ ସ୍ନାନକରାଯାଇ ଧୂପ, ଦୀପ, ଯଜ୍ଞ,ଆଳତୀ ପରେ ମଣ୍ଡପରେ ମିଷ୍ଟାନ ଓ ବାଲ୍ୟଭୋଗ ଲଗା ଯାଇଥିଲା । ସର୍ବ ସାଧରଣ ଦର୍ଶନପରେ ତିନିଠାକୁରଙ୍କୁ ଅଧରପଣା ଦିଆଯାଇଥିଲା ।ଏହି ଦେବସ୍ନାନ ଦର୍ଶନ ପାଇଁ ସ୍ନାନମଣ୍ଡପରେ ଭକ୍ତଙ୍କ ଭିଡଲାଗିଥିଲା। ତନିଠାକୁର ଙ୍କ ରତିନିତି ସରିଲାପରେ ମଧ୍ୟାହ୍ନରେ ପୂଜକ ଓ ଦଇତାପତି ମାନେ ଆଣସର ଘରକୁ ପହଣ୍ଡି ବିଜେ କରି ପାଛୋଟି ନେଇଯାଇ ସେଠାରେ ବିଧିବିଧାନ ଅନୁସାରେ ଚତୁର୍ଦ୍ଧାମୂର୍ତିଙ୍କୁ ସ୍ଥାପନ କରିଥିଲେ । ଦିନତମାମ ମନ୍ଦିର ପରିଷର ଓ ସ୍ନାନ ମଣ୍ଡପନିକଟରେ ଜୟବଜରଙ୍ଗ କିର୍ତ୍ତନ ଦଳ ଙ୍କ ପକ୍ଷରୁ ସଂକିର୍ତନ ଓ ଭଜନ ସମାରୋହ ର ଆୟୋଜନ କରାଯାଇଥିଲା । ଠିକ ସେହିପରି ମୋଟୁ,କାଲିମେଳା, ଏମଭି୭୯, ପଡିଆ,ମାଥିଲି, ଗୋବିନ୍ଦପାଲି, ବାଲିମେଳା,ଚିତ୍ରକୋଣ୍ଡା ଠାରେ ଥିବା ଶ୍ରୀ ଜଗନ୍ନାଥଙ୍କ ମନ୍ଦିରରେ ଦେବସ୍ନାନ ପୂର୍ଣ୍ଣିମା ପାଳିତ ହୋଇଯାଇଛି ।
