ନୂଆଦିଲ୍ଲୀ,୦୯/୧୨; ଲୋକସଭା ପରେ ଆଜି ରାଜ୍ୟସଭାରେ 'ବନ୍ଦେ ମାତରମ୍'ର ୧୫୦ ବର୍ଷ ପୂର୍ତ୍ତୀ ଅବସରରେ ମହାବିତର୍କ ହୋଇଛି । ଅଭିଭାଷଣ ରଖି 'ବନ୍ଦେ ମାତରମ୍' ମହାବିତର୍କରେ କଂଗ୍ରେସ ଉପରେ ବର୍ଷିଛନ୍ତି କେନ୍ଦ୍ର ଗୃହମନ୍ତ୍ରୀ ଅମିତ୍ ଶାହ । ସେ କହିଛନ୍ତି, ନେହେରୁ ବନ୍ଦେ ମାତରମ୍କୁ ଖଣ୍ଡ ଖଣ୍ଡ କରିଥିଲେ । ତୁଷ୍ଟିକରଣ ପାଇଁ ବନ୍ଦେ ମାତରମ୍ ବିରୋଧ କରିଥିଲେ । ସେ ନଥିଲେ ଦେଶ ବିଭାଜନ ହୋଇନଥାନ୍ତା । ଯେଉଁମାନେ 'ବନ୍ଦେ ମାତରମ୍' ଗାଇବାକୁ ଚାହୁଁଥିରେ ତାଙ୍କୁ ଜେଲ୍ରେ ଭର୍ତ୍ତି କରୁଥିଲେ ଇନ୍ଦିରା ଗାନ୍ଧୀ ।
ରାଜ୍ୟସଭାରେ ବିତର୍କରେ ଗୃହମନ୍ତ୍ରୀ ଅମିତ୍ ଶାହ କହିଛନ୍ତି,'' କଂଗ୍ରେସ ସାଂସଦମାନେ ବନ୍ଦେ ମାତରମ୍ ଉପରେ ଆଲୋଚନା କରିବାର ଆବଶ୍ୟକତା ଉପରେ ପ୍ରଶ୍ନ ଉଠାଇ ଏହାକୁ ଏକ ରାଜନୈତିକ ରଣନୀତି ଏବଂ ପ୍ରସଙ୍ଗଗୁଡ଼ିକରୁ ବିମୁଖ କରିବାର ଏକ ଉପାୟ ବୋଲି କହୁଛନ୍ତି । ପ୍ରସଙ୍ଗଗୁଡ଼ିକ ଉପରେ ଆଲୋଚନା କରିବାକୁ କେହି ଭୟ କରନ୍ତି ନାହିଁ । ଆମେ ସଂସଦ ବର୍ଜନ କରୁନାହୁଁ । ଯଦି ସେମାନେ ଆଲୋଚନା କରିବାକୁ ଚାହାଁନ୍ତି, ତେବେ ସେମାନଙ୍କୁ ବର୍ଜନ ବନ୍ଦ କରିବାକୁ ପଡିବ, ଏବଂ ସମସ୍ତ ଆଲୋଚନା ହେବ । ଆମେ କୌଣସି ବିଷୟକୁ ଭୟ କରୁନାହୁଁ କିମ୍ବା ଲୁଚାଇବାକୁ ଚେଷ୍ଟା କରୁନାହୁଁ । ଆମେ ଯେକୌଣସି ପ୍ରସଙ୍ଗରେ ବିତର୍କ ପାଇଁ ପ୍ରସ୍ତୁତ । ସେମାନଙ୍କୁ ଏହା ମଧ୍ୟ ଜାଣିବା ଆବଶ୍ୟକ ଯେ ବନ୍ଦେ ମାତରମ୍ ଉପରେ ଆଲୋଚନାକୁ ଏଡ଼ାଇବା ନୂଆ କଥା ନୁହେଁ । ଯେତେବେଳେ ବନ୍ଦେ ମାତରମ୍ ୫୦ ବର୍ଷ ପୂରଣ କରିଥିଲା ସେତେବେଳେ ଭାରତ ସ୍ୱାଧୀନ ନଥିଲା । ଯେତେବେଳେ ବନ୍ଦେ ମାତରମର ସୁବର୍ଣ୍ଣ ଜୟନ୍ତୀ ହେବାକୁ ଥିଲା, ଜବାହରଲାଲ ନେହେରୁ ଜାତୀୟ ଗୀତକୁ ଦୁଇ ଖଣ୍ଡ କରି ଦୁଇଟି ପଦରେ ସୀମିତ ରଖିଥିଲେ । "
#WATCH | Union Home Minister Amit Shah says, "... Congress MPs are questioning the need for having discussions on Vande Mataram and calling it a political strategy and a way of diverting from the issues. Nobody is scared of discussions on issues. We are not the ones boycotting… pic.twitter.com/iMYau9Gkes
— ANI (@ANI) December 9, 2025
ବିଜେପିକୁ ଟାର୍ଗେଟ କରି କଂଗ୍ରେସ ଅଧ୍ୟକ୍ଷ ତଥା ବିରୋଧୀ ଦଳ ନେତା ମଲ୍ଲିକାର୍ଜୁନ ଖଡ଼ଗେ କହିଛନ୍ତି, ସ୍ୱାଧୀନତା ସଂଗ୍ରାମ ସମୟରେ କଂଗ୍ରେସ ବନ୍ଦେ ମାତରମ୍କୁ ଏକ ସ୍ଲୋଗାନ କରିବାର କାମ କରିଥିଲା । ତୁମର ଇତିହାସ ହେଉଛି ଯେ, ତୁମେ ସବୁବେଳେ ସ୍ୱାଧୀନତା ସଂଗ୍ରାମ ଏବଂ ଦେଶପ୍ରେମ ଗୀତର ବିରୋଧୀ ଥିଲ। କଂଗ୍ରେସ କାର୍ଯ୍ୟକାରିଣୀ କମିଟିର ସଦସ୍ୟମାନେ, ଯେଉଁଥିରେ ନେହେରୁ ଜୀ, ମହାତ୍ମା ଗାନ୍ଧୀ, ମୌଆଲା ଆଜାଦ, ନେତାଜୀ ସୁଭାଷ ଚନ୍ଦ୍ର ଜୀ, ସର୍ଦ୍ଦାର ପଟେଲ ଜୀ, ଗୋବିନ୍ଦ ବଲ୍ଲଭ ପନ୍ତ ଜୀ ପ୍ରମୁଖ ଥିଲେ, ଏକ ପ୍ରସ୍ତାବ ପାସ୍ କରି ସୁପାରିଶ କରିଥିଲେ ଯେ ଜାତୀୟ ସମାବେଶରେ ଯେଉଁଠାରେ ବନ୍ଦେ ମାତରମ୍ ଗାନ କରାଯାଏ, କେବଳ ପ୍ରଥମ ଦୁଇଟି ପଦ ଗାନ କରାଯିବା ଉଚିତ । ନେହେରୁ ଜୀ କ’ଣ କଂଗ୍ରେସ କାର୍ଯ୍ୟକାରିଣୀରେ ଥିଲେ ? ଆପଣ ଅନ୍ୟ ସମସ୍ତ ବଡ଼ ନେତାଙ୍କୁ ଅପମାନ କରୁଛନ୍ତି ଯେଉଁମାନେ ଏକ ସାମୂହିକ ନିଷ୍ପତ୍ତି ନେଇଥିଲେ । ପ୍ରଧାନମନ୍ତ୍ରୀ ଏବଂ ଗୃହମନ୍ତ୍ରୀ କାହିଁକି ନେହେରୁ ଜୀଙ୍କୁ ଟାର୍ଗେଟ କରୁଛନ୍ତି ? ପ୍ରଧାନମନ୍ତ୍ରୀ ମୋଦି ଜବାହରଲାଲ ନେହେରୁଙ୍କୁ ଅପମାନିତ କରିବାର କୌଣସି ସୁଯୋଗ ଛାଡିବେ ନାହିଁ, ଏବଂ ଗୃହମନ୍ତ୍ରୀ ଅମିତ ଶାହ ମଧ୍ୟ ସେହି ପଥ ଅନୁସରଣ କରୁଛନ୍ତି । କ୍ଷମା ମାଗିବା କଥା ଆମକୁ ଦେଶଭକ୍ତିର ପାଠ ପଢାଉଛନ୍ତି । "
December 9, 2025— ANI (@ANI)Speaking in Rajya Sabha in debate on 'Vande Mataram', LoP Mallikarjun Kharge says,"...Congress Working Committee members, including Nehru ji, Mahatma Gandhi, Mauala Azad, Netaji Subhash Chandra ji, Sardar Patel ji, Govind Vallabh Pant ji passed a resolution recommending that… pic.twitter.com/hUx88PaltL
