ଫିରିଙ୍ଗିଆ,୨୪/୦୨: କନ୍ଧମାଳ ଜିଲ୍ଲା ଫିରିଙ୍ଗିଆ ବ୍ଲକ ତଳ ଦଣ୍ଡିକିଆଠାରେ ଚାଲିଥିବା ଜିଲ୍ଲାସ୍ତରୀୟ ବିନ୍ଦାସ କପ ଭଲିବଲ ପ୍ରତିଯୋଗିତା ଉଦଯାପିତ ହୋଇଯାଇଛି I ଜି.ଉଦୟଗିରି ସେନ ସିକ୍ସ ଓ ବାଲିଗୁଡା ଉପଖଣ୍ଡ ବରଖମାର ରେଡି ସିକ୍ସ ମଧ୍ୟରେ ଫାଇନାଲ ଖେଳ ଅନୁଷ୍ଠିତ ହୋଇଥିଲା। ସେନ ସିକ୍ସକୁ ପାଞ୍ଚ ସେଟରେ ହରାଇ ରେଡି ସିକ୍ସ ବରଖମା ଚାମ୍ପିୟନ ହୋଇଛି I

କରଣ୍ଡାଗଡ଼ରେ ଥିବା ବିରୁପାକ୍ଷ ଯୁବକ ସଂଘ ଓ ବିନ୍ଦାସ କ୍ଳବର ମିଳିତ ଆନୁକୂଲ୍ୟରେ ଏହି ପ୍ରତିଯୋଗିତା ଅନୁଷ୍ଠିତ ହୋଇଥିଲା। ଏଥିରେ କ୍ଳବର ସଭାପତି କାଳିଦାସ ମାଝୀ ଅଧକ୍ଷତା କରିଥିଲେ। ଫୁଲବାଣୀର ପୂର୍ବତନ ବିଧାୟକ ତଥା ଜିଲ୍ଲାର ଜଣାଶୁଣା କ୍ରୀଡା ସଂଗଠକ ଦେବେନ୍ଦ୍ର କହଁର ମୁଖ୍ୟ ଅତିଥି ଭାବରେ ଯୋଗଦେଇଥିଲେ। ଅନ୍ୟମାନଙ୍କ ମଧ୍ୟ୍ୟରେ ଫିରିଙ୍ଗିଆ ବ୍ଲକ ପୂର୍ବତନ ବ୍ଲକ ଅଧକ୍ଷା ଲାଲନନ୍ଦା ପ୍ରଧାନ, ଦଣ୍ଡିକିଆ ସରପଞ୍ଚ ଶଙ୍କର ପ୍ରଧାନ, ସମାଜସେବୀ ଚନ୍ଦ୍ରମୋହନ ନାଏକ ଉପସ୍ଥିତ ଥିଲେ I କ୍ଳବର ମ୍ୟାନେଜର ଡାନିଏଲ ଦିଗାଲଙ୍କ ପ୍ରତ୍ୟକ୍ଷ ତତ୍ୱାବଧାନରେ ପ୍ରତିଯୋଗିତା ଅନୁଷ୍ଠିତ ହୋଇଥିବା ବେଳେ ବରିଷ୍ଠ ଶିକ୍ଷକ ସିମାଞ୍ଚଳ ମୁଖି କାର୍ଯ୍ୟକ୍ରମକୁ ପରିଚାଳନା କରିଥିଲେ I ଏହାସହ ଆଠ ଦିନ ଧରି ଚାଲୁରହିଥିବା ଏହି ପ୍ରତିଯୋଗିତାରେ ଜିଲ୍ଲାର ଜଣାଶୁଣା ଭଳିବଳ ଖେଳ ପରିଚାଳକ ମନୋରଞ୍ଜନ ଡିଗାଲ ଖେଳ ପରିଚାଳନା କରିଥିଲେ I

ଏହି ପ୍ରତିଯୋଗିତା ଅବସରରେ ସେମ ସିକ୍ସ ଟିମ ର ଆଶିଷ କୁମାର ଙ୍କୁ ଶ୍ରେଷ୍ଠ ନେଟର ଭାବରେ ପୁରସ୍କୃତ କରାଯାଇଛି। ରେଡି ସିକ୍ସ ଟିମର ବିଟୁ ବାବୁଙ୍କୁ ଶ୍ରେଷ୍ଠ ହିଟର ଭାବରେ ପୁରସ୍କୃତ କରାଯାଇଥିବା ବେଳେ ରୁଦାଙ୍ଗିଆ ଭଳିବଲ ଟିମକୁ ଶ୍ରେଷ୍ଠ ଶୃଙ୍ଖଳିତ ଟିମ ଭାବେ ପୁରସ୍କୃତ କରାଯାଇଥିଲା।