ଭୁବନେଶ୍ବର, ୨୮।୮ : ଭୁବନେଶ୍ବର ବିଏମସି ଅଞ୍ଚଳରେ ହେବ କୁକୁର ଗଣନା । ସେପ୍ଟମ୍ବର ଦ୍ଵିତୀୟ କିମ୍ବା ତୃତୀୟ ସପ୍ତାହରୁ ଆରମ୍ଭ ହେବ କୁକୁର ଗଣନା। ୭ରୁ ୧୦ ଦିନ ମଧ୍ୟରେ ଭୁବନେଶ୍ୱରରେ ଏହି ଗଣନା ଶେଷ ହେବ ବୋଲି ବିଏମସି କମିଶନର ଚଞ୍ଚଳ ରାଣା କହିଛନ୍ତି।
ଭେଟେନାରୀ ଡାକ୍ତରଙ୍କ ପରାମର୍ଶ ନେଇ ପ୍ରତି ୱାର୍ଡରେ ଏକକାଳୀନ ଗଣନା ଆରମ୍ଭ ହେବ। ପ୍ରତି ୱାର୍ଡ ପାଇଁ ୩ ରୁ ୪ଜଣ ଅଧିକାରୀ ରହିବେ। ଏହି ଗଣନା ପରେ କେଉଁ ଅଞ୍ଚଳରେ କେତେ କୁକୁର ଅଛନ୍ତି ତାର ପ୍ରକୃତ ତଥ୍ୟ ଜଣାପଡିବ। ବହୁତ ଦିନ ଆଗରୁ ଏକ ସର୍ଭେ ହୋଇଥିଲା। ପର୍ଟିକୁଲାର ଡାଟା ବା ତଥ୍ୟ ଜାଣିବା ପାଇଁ ଏବେ ପୁଣି ବିଏମସି କୁକୁର ଗଣନା କରିବ। ଗଣମାଧ୍ୟମରେ ବିଭିନ୍ନ ତଥ୍ୟ ଆସୁଛି, କିନ୍ତୁ ଏକ ବିଏମସି ତରଫରୁ ପ୍ରକୃତ ତଥ୍ୟ ଦିଆଯିବ। ଗଣନା ଲାଗି ଟ୍ରେନିଂ ଦିଆଯିବ। ସାନିଟେସନରେ କାମ କରୁଥିବା ଲୋକେ ମଧ୍ୟ ଏଥିରେ ସାମିଲ ହେବେ ବୋଲି ବିଏମସି କମିଶନର କହିଛନ୍ତି।
