ୱାଶିଂଟନ – ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ୩ୟ ବିଶ୍ୱର ଦେଶରୁ ମାଇଗ୍ରେସନ (ପ୍ରବାସନ)ଉପରେ ରୋକ୍ ଲଗାଇବାକୁ ଘୋଷଣା କରିଛନ୍ତି। ଟ୍ରମ୍ପ କହିଛନ୍ତି ୩ୟ ବିଶ୍ୱର ଦେଶ ଗୁଡ଼ିକ ମଧ୍ୟରେ ଲୋକଙ୍କ ଆମେରିକା ଆସିବା ଉପରେ ରୋକ୍ ଲଗେଇ ଦିଆଯିବ। ଟ୍ରମ୍ପଙ୍କ ଏହି ଘୋଷଣା ସେହି ଘଟଣା ପରେ ହୋଇଛି , ଯେଉଁଥିରେ ଜଣେ ଆଫଗାନୀ ନାଗରିକ ୱାଶିଂଟନରେ ଦୁଇ ଜଣ ନ୍ୟାସନାଲ ଗାର୍ଡଙ୍କୁ ଗୁଳି କରିଛନ୍ତି। ଟ୍ରୁଥ୍ ସୋସିଆଲରେ ଲେଖିଥିବା ପୋଷ୍ଟରେ ଟ୍ରମ୍ପ କହିଛନ୍ତି ସବୁ ୩ୟ ବିଶ୍ୱର ଦେଶ ଗୁଡ଼ିକରୁ ମାଇଗ୍ରେସନ ଉପରେ ରୋକ୍ ଲଗେଇବା ଉଚିତ୍ , ଯାହାକି ଆମେରିକୀୟ ସିଷ୍ଟମ ସଂପୂର୍ଣ୍ଣ ରୂପେ ଠିକ୍ ହୋଇ ପାରିବ। ପ୍ରକୃତରେ କିଏ , ୩ୟ ବିଶ୍ୱର ଦେଶ ଓ ଏହି ତାଲିକାରେ କଣ ଭାରତ ମଧ୍ୟ ସାମିଲ ଅଛି ?
ପ୍ରଥମ ବିଶ୍ୱ, ଦ୍ୱିତୀୟ ବିଶ୍ୱ ଓ ୩ୟ ବିଶ୍ୱ, ଏହା କୋଲ୍ଡ ୱାର (ଶୀତଳ ଯୁଦ୍ଧ) ସମୟର ଉତ୍ପତ୍ତି। ଏହି ସମୟରେ ଆମେରିକୀୟ ନେତୃତ୍ୱାଧୀନ ପଶ୍ଚିମୀ ବ୍ଲକ ଥିଲା, ଯାହାକୁ ପ୍ରଥମ ବିଶ୍ୱ କୁହାଯାଉ ଥିଲା। ସାମ୍ୟବାଦୀ ପୂର୍ବୀୟ ବ୍ଲକ୍କୁ ସେକେଣ୍ଡ ବିଶ୍ୱ କୁହାଯାଉ ଥିଲା। ସେପଟେ, ଯେଉଁ ଦେଶ ଏଥିରୁ କୌଣସି ବ୍ଲକରେ ସାମିଲ ହୋଇ ନଥିଲେ , ସେମାନଙ୍କୁ ୩ୟ ବିଶ୍ୱ କୁହାଯାଉ ଥିଲା। ଏହା ସେହି ଦେଶ ଥିଲା ଯାହା ଅବିକଶିତ ଥିଲା ଏବଂ ଆଉଟଡେଟେଡ୍ ମନେକରାଯାଉ ଥିଲା।
ପ୍ରଥମ ବିଶ୍ୱରେ ଉତ୍ତର ଆମେରିକା, ପଶ୍ଚିମୀ ୟୁରୋପ, ଜାପାନ, ଦକ୍ଷିଣ କୋରିଆ ସହ ସ୍ପେନ୍ , ସ୍ୱିଜରଲ୍ୟାଣ୍ଡ ,ସ୍ୱଡେନ, ଅଷ୍ଟ୍ରେଲିଆ, ଆୟରଲ୍ୟାଣ୍ଡ ଓ ଫିନଲ୍ୟାଣ୍ଡ ସମେତ ଆଉ କିଛି ଦେଶ ଅନ୍ତର୍ଭୁକ୍ତ ଥିଲେ। ଦ୍ୱିତୀୟ ବିଶ୍ୱରେ ସୋଭିଏତ୍ ଗଣରାଜ୍ୟ , ପୂର୍ବୀୟ ୟୁରୋପ , ପୋଲାଣ୍ଡ , ପୂର୍ବୀୟ ଜର୍ମାନୀ , ଚେକୋସ୍ଲୋଭାକିଆ , ବାଲକନ୍ସ ସହ ଚୀନ ସହିତ ଜଡ଼ିତ ଏସୀୟ କମ୍ୟୁନିଷ୍ଟ ଦେଶ ଯେମିତି କି ମଙ୍ଗୋଲିଆ , ଉତ୍ତର କୋରିଆ , ଭିଏତନାମ ,ଲାଓସ ଓ କମ୍ୱୋଡିଆ ଆଦି ଅନ୍ତର୍ଭୁକ୍ତ ଥିଲେ। ୩ୟ ବିଶ୍ୱର ଦେଶ ସେମାନଙ୍କୁ କୁହାଗଲା ,ଯାହା ଆର୍ଥିକ ଓ କୃଷିରେ ପଛୁଆ ଓ ଅବିକଶିତ ଥିଲା। ଏଥିରେ ଆଫ୍ରିକା , ଏସିଆ ଓ ଲାଟିନ୍ ଆମେରିକାର ଏହି ଶ୍ରେଣୀର ଦେଶ ଅନ୍ତର୍ଭୁକ୍ତ ଥିଲା।
ଟ୍ରମ୍ପ ପ୍ରଶାସନ କହିଛି ଯେ, ପ୍ରତି ଚିନ୍ତାଜନକ ସ୍ଥିତି ଥିବା ଦେଶରୁ ଆସିଥିବା ପ୍ରବାସୀଙ୍କୁ ଜାରି ସବୁ ଗ୍ରୀନ କାର୍ଡର କଡ଼ାକଡ଼ି ଉପାୟରେ ପୁନଃ ସମୀକ୍ଷା କରିବ। ନୂଆ ନୀତି ତତ୍କାଳ ପ୍ରଭାବରେ ଲାଗୁ ହୋଇ ଯାଇଛି ଏବଂ ଏହା ୨୭ ନଭେମ୍ୱର ୨୦୨୫ କିମ୍ୱା ଏହାପରେ ଦାଖଲ କରାଯାଇଥିବା ଅଥବା ବିଚାରାଧୀନ ସବୁ ଅନୁରୋଧ ଉପରେ ଲାଗୁ ହେବ। ଆମେରିକୀୟ ନାଗରିକତା ଏବଂ ଆବ୍ରସନ ସେବା (ୟୁଏସସିଆଇଏସ)ର ନିର୍ଦ୍ଦେଶକ ଜୋସେଫ୍ ଆଡଲୋ ଏକ୍ସରେ ଏକ ପୋଷ୍ଟରେ କହିଛନ୍ତି ଯେ, ଏହି ଦେଶ ଓ ଆମେରିକୀୟ ଜନତାଙ୍କ ସୁରକ୍ଷା ସର୍ବୋପରି ଏବଂ ଆମେରିକୀୟ ଲୋକ ଗତ ସରକାରଙ୍କର ବେପରୁଆ ପ୍ରବାସନ ନୀତିର ମୂଲ୍ୟ ଭରିବେ ନାହିଁ।
