ନୂଆଦିଲ୍ଲୀ : ଆମେରିକାର ରାଷ୍ଟ୍ରପତି ନିର୍ବାଚନରେ ଐତିହାସିକ ବିଜୟ ହାସଲ କରିଥିବା ଡୋନାଲ୍ଡ ଟ୍ରମ୍ପ ୩ୟ କାର୍ଯ୍ୟକାଳ ପାଇଁ ମଧ୍ୟ ପ୍ରସ୍ତୁତ। ରାଷ୍ଟ୍ରପତି ନିର୍ବାଚନରେ ଡେମୋକ୍ରେଟ୍ ପ୍ରାର୍ଥୀ କମଳା ହ୍ୟାରିସଙ୍କୁ ଏକ ବଡ଼ ବ୍ୟବଧ୍ୟାନରେ ହରାଇ ଥିବା ଟ୍ରମ୍ପ ବୁଧବାର ନିଜର ସମର୍ଥକଙ୍କୁ ସମ୍ୱୋଧିତ କରି କହିଛନ୍ତି କି, ସେ ନିଜର ୩ୟ କାର୍ଯ୍ୟକାଳ ପାଇଁ ମଧ୍ୟ ପ୍ରସ୍ତୁତ ହୋଇ ପାରନ୍ତି।

ନ୍ୟୁଜ୍ ଏଜେନ୍ସି ଏଏଫପିର ରିପୋର୍ଟ ଅନୁସାରେ, ଟ୍ରମ୍ପ ନିଜର କାର୍ଯ୍ୟକାଳକୁ ସମ୍ୱୋଧିତ କରି କହିଛନ୍ତି ଯେ, ମୁଁ ୩ୟ କାର୍ଯ୍ୟକାଳ ପାଇଁ ମଧ୍ୟ ପ୍ରସ୍ତୁତ, କିନ୍ତୁ ମୁଁ ସେପର୍ଯ୍ୟନ୍ତ ନିର୍ବାଚନ ମୈଦାନକୁ ଓହ୍ଲାଇବି ନାହିଁ, ଯେପର୍ଯ୍ୟନ୍ତ ଆପଣମାନେ ମୋତେ ଏହା କହିବେ ନାହିଁ ଯେ , ସେ (ଟ୍ରମ୍ପ) ଭଲ, ଆମେ ତାଙ୍କ ପାଇଁ କିଛି ଭାବିବାର ଅଛି।

ଟ୍ରମ୍ପ ନିଜର ୩ୟଥର ରାଷ୍ଟ୍ରପତି ଭାବେ ନିର୍ବାଚିନ ହେବାର ଇଚ୍ଛା ଉପରେ ସଙ୍କେତ ଦେଇଛନ୍ତି, କିନ୍ତୁ ସଂଯୁକ୍ତ ରାଜ୍ୟ ଆମେରିକାର ସମ୍ୱିଧାନର ମୁତାବିକ, କେହି ବି ବ୍ୟକ୍ତି ଦୁଇ ଥରରୁ ଅଧିକ ଆମେରିକାର ରାଷ୍ଟ୍ରପତି ଚୟନ ହୋଇ ପାରିବେ ନାହିଁ। ଏଥିପାଇଁ ଆଇନ ଅନୁସାରେ ଟ୍ରମ୍ପଙ୍କର ୩ୟ ଥର ରାଷ୍ଟ୍ରପତି ନିର୍ବାଚିତ ହେବା ରାସ୍ତାରେ ଅନେକ ପ୍ରତିବନ୍ଧକ ରହିଛି।

ଆମେରିକାରେ କୌଣସି ବ୍ୟକ୍ତିଙ୍କର ରାଷ୍ଟ୍ରପତି ଭାବେ କେବଳ ୨ଥର ଚୟନ ହେବାର ନିୟମ ସମ୍ୱିଧାନର ୨୨ତମ ସଂଶୋଧନ ପରେ ଆସିଛି। ୧୯୫୧ଯାଏ ଆମେରିକାର ତତ୍କାଳୀନ ରାଷ୍ଟ୍ରପତି ଫ୍ରାଙ୍କନିଲ ଡି ରୁଜଭେଲ୍ଟ ନିଜର ୪ଟି କାର୍ଯ୍ୟକାଳ ପୂରା କରି ସାରି ଥିଲେ। ଆମେରିକାରେ ଏହା ପରେ ସମ୍ୱିଧାନ ସଂଶୋଧନ କରି ନିୟମ କରାଯାଇଛି କି, କେହି ବି ୨ଥର ରାଷ୍ଟ୍ରପତି ହୋଇପାରେ। ଏଥିରେ ଟ୍ରମ୍ପ ଯଦି ଆଉ ଏକ କାର୍ଯ୍ୟକାଳ ପାଇଁ ଯିବାକୁ ଚାହାନ୍ତି ତ, ତାଙ୍କୁ ସମ୍ୱିଧାନରେ ପରିବର୍ତ୍ତନ କରିବାକୁ ହେବ। ବର୍ତ୍ତମାନ ପରିସ୍ଥିତିକୁ ଦେଖି ଏହା ମୁସ୍କିଲ ଲାଗୁଛି।

ସମ୍ୱିଧାନକୁ ସଂଶୋଧନ କରିବାକୁ ଟ୍ରମ୍ପଙ୍କୁ ଏକ ଲମ୍ୱା ପ୍ରକ୍ରିୟା ଦେଇ ଯିବାକୁ ହେବ। ଆମେରିକୀୟ ସମ୍ୱିଧାନର ୨୨ତମ ସଂଶୋଧନକୁ ନିଷ୍କ୍ରିୟ କରିବାକୁ ତାଙ୍କୁ ଏକ ନୂଆ ସଂଶୋଧନକୁ ଆମେରିକୀୟ ସଦନ ଓ ସିନେଟ୍ ଉଭୟରେ ଦୁଇ ତୃତୀୟାଂଶ ବହୁମତ ସହ ପାରିତ ଓ ଅନୁମୋଦନ କରିବାକୁ ହେବ। ଏହାପରେ ୫୦ମଧ୍ୟରୁ ତିନି ତୃତୀୟାଂଶ ରାଜ୍ୟାରୁ ସମର୍ଥନ ନେବାକୁ ହେବ।

ଏହି ପୂରା ପ୍ରକ୍ରିୟା ବେଳେ ଟ୍ରମ୍ପଙ୍କୁ ରିପବ୍ଲିକାନ ଓ ଡେମୋକ୍ରେଟ୍ସ ଉଭୟ ହିଁ ପାର୍ଟିଙ୍କ ଠାରୁ ସମର୍ଥନ ନେବାକୁ ହେବ। କିନ୍ତୁ ବର୍ତ୍ତମାନର ଆମେରିକୀୟ ରାଜନୀତିର ପରିସ୍ଥିତିକୁ ଦେଖି ଟ୍ରମ୍ପଙ୍କ ପାଇଁ ଏହା କରିବା ସହନ ହେବ ନାହିଁ। ଟ୍ରମ୍ପଙ୍କର ୨୦୨୫ରୁ ୨୦୨୯ ଯାଏ କାର୍ଯ୍ୟକାଳ ହିଁ ତାଙ୍କର ଶେଷ କାର୍ଯ୍ୟକାଳ ହେବାର ସମ୍ଭାବନା ରହିଛି।