ନୂଆଦିଲ୍ଲୀ,୧୫/୧୧: ସମ୍ମାନଜନକ ବର୍ଡର-ଗାଭାସ୍କର ଟ୍ରଫି ଟେଷ୍ଟ ସିରିଜ ପୂର୍ବରୁ ଯଶପ୍ରୀତ ବୁରମାଙ୍କୁ ଚ୍ୟାଲେଞ୍ଜ କରିଛନ୍ତି ଅଷ୍ଟ୍ରେଲିଆ ଓପନର ଉସମାନ ଖାୱାଜ। ସେ କହିଛନ୍ତି ସମସ୍ତେ ଯଶପ୍ରୀତ ବୁମରାଙ୍କ ବିଷୟରେ କହୁଛନ୍ତି ଭାରତ ପାଖରେ ଆଉ ବି ଭଲ ବୋଲର ଅଛନ୍ତି । ମୁଁ ତାଙ୍କୁ ଚ୍ୟାଲେଞ୍ଜ ଦେଉଛି । ତାଙ୍କ ବଲରେ ମୁଁ ରନ କରିବି ।
ଫକ୍ସ କ୍ରିକେଟକୁ ସାକ୍ଷାତକାର ଦେଇ ବୁମରାଙ୍କ ବିପକ୍ଷରେ ଦଳର ରଣନୀତି କଣ ପ୍ରଶ୍ନର ଉତ୍ତରରେ କଙ୍ଗାରୁ ଦଳର ଓପନର ଉସମାନ ଖାୱାଜ କହିଛନ୍ତି, ଭାରତୀୟ କ୍ରିକେଟ ଦଳରେ ବହୁତ ଭଲ ଭଲ ବୋଲର ଅଛନ୍ତି । ମୁଁ ଭାବୁଛି ମହମ୍ମଦ ସିରାଜ ଜଣେ ଭଲ ବୋଲର । ମହମ୍ମଦ ସାମି ମଧ୍ୟ ଦମଦାର ବୋଲିଂ କରନ୍ତି । ସେମାନଙ୍କ ବିଷୟରେ କେହି କେବେ କିଛି କୁହନ୍ତି ନାହିଁ । ସମସ୍ତେ ବୁମରଙ୍କ କଥା କହୁଛନ୍ତି । ମୁଁ ତାଙ୍କ ବିପକ୍ଷରେ ରନ କରିବି । ତାଙ୍କ ବିଷୟରେ ମୁଁ ଆଦୌ ଭାବୁ ନାହିଁ । ତାଙ୍କ ବିପକ୍ଷରେ କେମିତି କେଉଁଠି ସଟ୍ ଖେଳିବେ ସେ କଥା ଭାବୁଛି । ସେ ଦ୍ରୁତ ବୋଲିଂ କରନ୍ତି ମୁଁ ତାର ସାମ୍ନା କରିବି ।
ନଭେମ୍ବର ୨୨ ତାରିଖରୁ ଭାରତ ଓ ଅଷ୍ଟ୍ରେଲିଆ ମଧ୍ୟରେ ୫ ମ୍ୟାଚ ବିଶିଷ୍ଟ ଟେଷ୍ଟ ସିରିଜ ହେବ । ଏ ନେଇ ଭାରତୀୟ ଦଳ ପର୍ଥରେ ପହଞ୍ଚି ନେଟ ପ୍ରାକ୍ଟିସ ଆରମ୍ଭ କରି ସାରିଛି । ଭାରତର ଦ୍ରୁତ ବୋଲର ଯଶପ୍ରୀତ ବୁମରାଙ୍କ ବିପକ୍ଷରେ ବିଶେଷ ରଣନୀତି ପ୍ରସ୍ତୁତ କରୁଛି କଂଙ୍ଗାରୁ ଦଳ । ଏଯାବତ ଉସମାନ ବୁମରାହଙ୍କ ୧୫୫ ବଲ ସାମ୍ନା କରି ୪୩ ରନ କରି ସାରିଛନ୍ତି । ଥରେ ବୁମରା ତାଙ୍କୁ ଆଉଟ କରିଛନ୍ତି ।
