ନୂଆଦିଲ୍ଲୀ,୨୮/୧୧: ରାଜଧାନୀରେ ଭୟଙ୍କର ବିସ୍ଫୋରଣ। ପିଭିଆର୍ ସିନେମା ହଲ୍ ନିକଟରେ ବିସ୍ଫୋରଣ । ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି। ତେବେ ଦିଲ୍ଲୀର ପ୍ରଶାନ୍ତ ବିହାର ବଂଶୀ ସୁଇଟ୍ସ୍ ନିକଟରେ ଏହି ଘଟଣା ଘଟିଛି ।
ସୂଚନା ମୁତାବକ, ପିଭିଆର୍ ସିନେମା ହଲ୍ ନିକଟରେ ହୋଇଥିବା ବିସ୍ଫୋରଣ ଏତେ ଭୟଙ୍କର ଥିଲା ଯେ, ବେଶ୍ ଦୂର ଯାଏଁ ଶବ୍ଦ ଶୁଣିବାକୁ ମିଳିଥିଲା। ଯାହା ଫଳରେ ଲୋକେ ଭୟଭୀତ ହୋଇପଡିଥିଲେ। ଏନେଇ ପୋଲିସ ଖବର ପାଇ ଘଟଣାସ୍ଥଳରେ ପହଞ୍ଚିଥିଲା। ତେବେ କେଉଁ କାରଣରୁ ଏହି ବିସ୍ଫୋରଣ ହୋଇଛି ସେ ନେଇ କିଛି ସୂଚନା ମିଳିନି। ପୋଲିସ କଲ୍ କରିଥିବା ବ୍ୟକ୍ତି ଓ ବିସ୍ଫୋରଣ ନେଇ ଯାଞ୍ଚ କରୁଛି। ତେବେ ଏନେଇ ଶାନ୍ତି ବଜାୟ ରଖିବା ପାଇଁ ପୋଲିସ ଲୋକଙ୍କୁ ନିବେଦନ କରିଛି। ସେହିପରି ଏହି ଘଟଣାକେ କେହି ମୃତାହତ ହୋଇଥିବା ନେଇ କୌଣସି ସୂଚନା ମିଳିନି ।
