ଚନ୍ଦାହାଣ୍ଡି ,୨୦।୧ : ନବରଙ୍ଗପୁର ଜିଲ୍ଲା ଚନ୍ଦାହାଣ୍ଡି ଥାନା ଅଧିନ ହରଡାପଡା ଗ୍ରାମରେ ଗୋଷ୍ଠୀ ସଂଘର୍ଷରେ ଦୁଇଜଣ ଆହତ ହୋଇଛନ୍ତି। ଏହି ଘଟଣାରେ ବାପ-ପୁଅକୁ ଗିରଫ କରି କୋର୍ଟ ଚାଲାଣ କରାଯାଇଛି। ଗିରଫ ଦୁଇ ଜଣ ହେଲେ ବାପା ଲବାର ଗୌଡ଼ (୫୭) ଏବଂ ପୁଅ ମଧୁ ଗୌଡ଼ (୧୯) l
ହରଡାପଡା ଗ୍ରାମରେ ଗତ ୧୬ ତାରିଖ ଶୁକ୍ରବାର ସନ୍ଧ୍ୟାରେ ଗ୍ରାମରେ ଥିବା ବୟଲର କୁକୁଡ଼ା ଦୋକାନରେ କ୍ଷୀରସିନ୍ଧୁ ମାଝି ଏବଂ କିଶୋର ଗୌଡ଼ ମଧ୍ୟରେ ମାଂସ ଭାଗବଣ୍ଟାକୁ ନେଇ ବଚସା ହେବା ସହ ହାତାହାତି ହୋଇଥିଲା l ସେଠାକାର ଲୋକେ ବୁଝାସୁଝା କରିବା ପରେ ନିଜ ନିଜ ଘରକୁ ଆସି ଥିଲେ l କିଶୋର ଗୌଡ଼ ଘରେ ଥିବା ସମୟରେ କ୍ଷୀରସିନ୍ଧୁ ମାଝିଙ୍କ ପରିବାର ଲୋକେ କିଶୋର, ମଧୁ ଏବଂ ଲବାର ଗୌଡ଼ଙ୍କୁ ଆକ୍ରମଣ କରିଥିଲେ l ଏଥିରେ କିଶୋର ଓ କ୍ଷୀରସିନ୍ଧୁ ପରିବାର ଆକ୍ରମଣରେ ଗୁରୁତର ହୋଇଥିଲେ l କିଶୋର ପରିବାର ଆକ୍ରମଣରେ କ୍ଷୀରସିନ୍ଧୁଙ୍କ ବାପା କୈବଲ୍ୟ ମାଝିଙ୍କ ମୁଣ୍ଡ ଫାଟି ଯାଇ ଥିଲା l ଗୁରୁତର କୈବଲ୍ୟକୁ ପରିବାର ଲୋକେ ତୁରନ୍ତ ଚିକିତ୍ସା ପାଇଁ ଚନ୍ଦାହାଣ୍ଡି ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତୀ କରିଥିଲେ l ସେଠାରେ ସ୍ୱାସ୍ଥ୍ୟର ଉନ୍ନତି ନ ହେବାରୁ କୋରାପୁଟ ସହିଦ ଲକ୍ଷ୍ମଣ ନାୟକ କଲେଜ ହସ୍ପିଟାଲକୁ ସ୍ଥାନାନ୍ତର କରାଯାଇଥିଲା।କୈବଲ୍ୟ ମାଝିଙ୍କ ପୁଅ କ୍ଷୀରସିନ୍ଧୁ ମାଝି ଲିଖିତ ଅଭିଯୋଗ ଦେବା ପରେ ପୋଲିସ ଳବାର ଏବଂ ମଧୁକୁ ଗିରଫ କରିଛି l ଅନ୍ୟପକ୍ଷରେ କ୍ଷୀରସିନ୍ଧୁ ମାଝି, କୈବଲ୍ୟ ମାଝି ଙ୍କ ସମେତ ୪ଜଣଙ୍କ ନାମରେ ଆହତ କିଶୋରଙ୍କ ସ୍ତ୍ରୀ ଆସମତୀ ଗୌଡ଼ ରବିବାର ଚନ୍ଦାହାଣ୍ଡି ଥାନାରେ ଏତଲା ଦେଇଛନ୍ତି।
