ନୂଆଦିଲ୍ଲୀ,୧୨।୬: ପଶ୍ଚିମ ଏସିଆରେ ବଢ଼ୁଛି ଯୁଦ୍ଧ ଆଶଙ୍କା । ଏଥିପାଇଁ ଇରାକ, କୁଏତ ଓ ବାହାରିନ୍ ସହ ବହୁ ଦେଶରୁ ନିଜ ଦୂତାବାସରେ କର୍ମଚାରୀଙ୍କ ସଂଖ୍ୟା କମ୍ କରିବାକୁ ଚାହୁଁଛି ଆମେରିକା । ଦୂତାବାସର କିଛି କର୍ମଚାରୀ ଓ ତାଙ୍କ ପରିବାର ଲୋକଙ୍କୁ ସେସବୁ ଦେଶ ଛାଡ଼ିବାକୁ ଜାରି ହୋଇଛି ନିର୍ଦ୍ଦେଶ । ଏହା ପଛରେ ଇରାନ ସହ ବଢ଼ୁଥିବା ବିବାଦ ଇସ୍ରାଏଲ-ଇରାନ ଭିତରେ ସମ୍ଭାବିତ ସାମରିକ ବିବାଦର ପ୍ରମୁଖ କାରଣ ବୋଲି କୁହାଯାଉଛି ।
ପଶ୍ଚିମ ଏସିଆରେ ବଢ଼ୁଥିବା ଅଶାନ୍ତି ଆମେରିକାର ବୈଦେଶିକ ବିଭାଗ ଓ ସେନାକୁ ଚିନ୍ତାରେ ପକାଇଛି । ସେଥିପାଇଁ ବୈଦଶିକ ବିଭାଗ ନିଜ ଦୂତାବାସର ସେହି କର୍ମଚାରୀଙ୍କୁ ସଂଖ୍ୟା କମ୍ କରୁଛି, ଯେଉଁମାନଙ୍କର ବିଶେଷ ଦରକାର ନାହିଁ । ବୈଦେଶିକ ବିଭାଗ କହିଛି ଯେ, ଆମେ ନିଜ ଦେଶର ନାଗରିକଙ୍କ ସୁରକ୍ଷା ଚାହୁଁ । ସେଥିପାଇଁ ବାଗଦାଦରେ ମଧ୍ୟ ସୀମିତ ସଂଖ୍ୟାକ କର୍ମଚାରୀଙ୍କୁ ପୂର୍ବରୁ ରଖାଯାଇଛି । ଏହି ନିର୍ଦ୍ଦେଶ ସେଠାର କର୍ମଚାରୀଙ୍କୁ ପ୍ରଭାବିତ କରିବ ନାହିଁ ବାହାରିନ୍ ଓ କୁଏତରେ ମଧ୍ୟ କର୍ମଚାରୀଙ୍କ ସଂଖ୍ୟା କମ୍ କରାଯାଉଛି । ତାଙ୍କ ପରିବାର ସଦସ୍ୟଙ୍କୁ ଦୂତାବାସ ଛାଡ଼ିବାକୁ ନିର୍ଦ୍ଦେଶ ଦିଆଯାଇଛି । ସେମାନଙ୍କୁ ସରକାରୀ ଖର୍ଚ୍ଚ ଓ ସରକାରୀ ସହାୟତାରେ ଦେଶ ଛାଡ଼ିବାର ବିକଳ୍ପ ମିଳିଛି ।
ଆମେରିକା ରାଷ୍ଟ୍ରପତି ଡୋନାଲ୍ଡୋ ଟ୍ରମ୍ପ ବୁଧବାର ସନ୍ଧ୍ୟାରେ କହିଥିଲେ ଯେ, ବିପଦ ଥିବାରୁ ସେଠାରୁ କର୍ମଚାରୀଙ୍କୁ ଫେରାଇ ଅଣାଯାଉଛି । ଆମେ ତାଙ୍କୁ ନୋଟିସ୍ ଦେଇସାରିଛୁ । ନିକଟରେ ଇରାନରେ ପରମାଣୁ କାର୍ଯ୍ୟକ୍ରମ ବଢିବାରେ ଲାଗିଛି। ଆମେରିକା ଏହାକୁ ସୀମିତ କରିବାକୁ ଚାହୁଁଛି।ଆଲୋଚନା କରିବାକୁ ଚାହୁଁଥିଲେ ମଧ୍ୟ ତାହା ହୋଇପାରୁନି। ଇରାନ କରୁଛି ପରମାଣୁ ତା’ର ପରମାଣୁ କାର୍ଯ୍ୟକ୍ରମ ଶାନ୍ତିପୂର୍ଣ୍ଣ ରହିଛି।’
