ଭୁବନେଶ୍ବର,୨୦।୧୧ : ଦେଶର ଖାଦ୍ୟ ଶସ୍ୟ ଉତ୍ପାଦନ ଗତ ୧୦ ବର୍ଷ ମଧ୍ୟରେ ସର୍ବାଧିକ ବୃଦ୍ଧି ପାଇଛି। ୨୦୧୫-୧୬ ବର୍ଷରେ ଉତ୍ପାଦନ ୨୫୧.୫୪ ନିୟୁତ ଟନ୍ ଥିବାବେଳେ, ଏହା ବର୍ତ୍ତମାନ ୧୦୬ ନିୟୁତ ଟନ୍ ବୃଦ୍ଧି ପାଇ ୩୫୭.୭୩ ନିୟୁତ ଟନ୍ ହୋଇଛି। ପ୍ରଧାନମନ୍ତ୍ରୀଙ୍କ ନେତୃତ୍ୱରେ କୃଷି କ୍ଷେତ୍ରରେ ଦ୍ରୁତ ପ୍ରଗତି ଏହାର ପ୍ରମାଣ ବୋଲି କେନ୍ଦ୍ର କୃଷି ଏବଂ କୃଷକ କଲ୍ୟାଣ ମନ୍ତ୍ରୀ ଶିବରାଜ ସିଂହ କହିଛନ୍ତି। ନୂଆଦିଲ୍ଲୀରେ ୨୦୨୪-୨୫ ବର୍ଷ ପାଇଁ ଫସଲ ଉତ୍ପାଦନର ଚୂଡ଼ାନ୍ତ ଆକଳନ ସେ ପ୍ରକାଶ କରିଛନ୍ତି। ଖାଦ୍ୟ ଶସ୍ୟ ଉତ୍ପାଦନର ରେକର୍ଡ ସ୍ତର ପାଇଁ ଦେଶର ଚାଷୀ ଭାଇଭଉଣୀମାନଙ୍କୁ ଧନ୍ୟବାଦ ଜଣାଇଥିଲେ। ସେ ଡାଲି ଏବଂ ତୈଳବୀଜରେ ଆଶାଜନକ ବୃଦ୍ଧି ପାଇଁ ମଧ୍ୟ ଖୁସି ପ୍ରକାଶ କରିଥିଲେ।
କେନ୍ଦ୍ର କୃଷିମନ୍ତ୍ରୀ କହିଛନ୍ତି ଯେ, ଚାଉଳ ଉତ୍ପାଦନ ମଧ୍ୟ ସର୍ବାଧିକ ୧୫୦୧.୮୪ ଲକ୍ଷ ଟନରେ ପହଞ୍ଚିଛି। ଏହା ଗତ ବର୍ଷର ୧୩୭୮.୨୫ ଲକ୍ଷ ଟନ୍ ଚାଉଳ ଉତ୍ପାଦନ ତୁଳନାରେ ୧୨୩.୫୯ ଲକ୍ଷ ଟନ୍ ଅଧିକ। ଗହମ ଉତ୍ପାଦନ ମଧ୍ୟ ରେକର୍ଡ ବୃଦ୍ଧି ପାଇଛି, ଯାହା ୧୧୭୯.୪୫ ଲକ୍ଷ ଟନରେ ପହଞ୍ଚିଛି, ଯାହା ଗତ ବର୍ଷର ୧୧୩୨.୯୨ ଲକ୍ଷ ଟନ୍ ଗହମ ଉତ୍ପାଦନ ତୁଳନାରେ ୪୬.୫୩ ଲକ୍ଷ ଟନ୍ ବୃଦ୍ଧି ପାଇଛି। ମୁଗ ଡାଲି ଉତ୍ପାଦନ ୪୨.୪୪ ଲକ୍ଷ ଟନ୍, ସୋୟାବିନ୍ ଉତ୍ପାଦନ ୧୫୨.୬୮ ଲକ୍ଷ ଟନ୍ ଏବଂ ଚିନାବାଦାମ ଉତ୍ପାଦନ ୧୧୯.୪୨ ଲକ୍ଷ ଟନ୍କୁ ବୃଦ୍ଧି ପାଇଛି। ମକା ଏବଂ ଗହମ ଉତ୍ପାଦନ ଯଥାକ୍ରମେ ୪୩୪.୦୯ ଲକ୍ଷ ଟନ୍ ଏବଂ ୧୮୫.୯୨ ଲକ୍ଷ ଟନ୍ ହେବ ବୋଲି ଆକଳନ କରାଯାଇଛି, ଯାହା ଗତ ବର୍ଷ ୩୭୬.୬୫ ଲକ୍ଷ ଟନ୍ ଏବଂ ୧୭୫.୭୨ ଲକ୍ଷ ଟନ୍ ଥିଲା।
କେନ୍ଦ୍ର ମନ୍ତ୍ରୀ ଡାଲି ଏବଂ ତୈଳବୀଜ ଉତ୍ପାଦନରେ ଆଶାଜନକ ବୃଦ୍ଧି ପାଇଁ ମଧ୍ୟ ଖୁସି ପ୍ରକାଶ କରିଥିଲେ ।, ୨୦୨୪-୨୫ ବର୍ଷରେ ମୋଟ ତୈଳବୀଜ ଉତ୍ପାଦନ ୪୨୯.୮୯ ଲକ୍ଷ ଟନ୍ ରେକର୍ଡ ହେବ ବୋଲି ଆକଳନ କରାଯାଇଛି, ଯାହା ୨୦୨୩-୨୪ ବର୍ଷରେ ୩୯୬.୬୯ ଲକ୍ଷ ଟନ୍ ଉତ୍ପାଦନ ତୁଳନାରେ ୩୩.୨୦ ଲକ୍ଷ ଟନ୍ ଅଧିକ। ଚିନାବାଦାମ ଏବଂ ସୋୟାବିନର ଆନୁମାନିକ ଉତ୍ପାଦନ ଯଥାକ୍ରମେ ୧୧୯.୪୨ ଲକ୍ଷ ଟନ୍ ଏବଂ ୧୫୨.୬୮ ଲକ୍ଷ ଟନ୍ ହୋଇଥିବାରୁ ତୈଳବୀଜ ଉତ୍ପାଦନରେ ରେକର୍ଡ ବୃଦ୍ଧି ପରିଲକ୍ଷିତ ହୋଇଛି, ଯାହା ପୂର୍ବ ବର୍ଷର ୧୦୧.୮୦ ଲକ୍ଷ ଟନ୍ ଏବଂ ୧୩୦.୬୨ ଲକ୍ଷ ଟନ୍ ତୁଳନାରେ ଯଥାକ୍ରମେ ୧୭.୬୨ ଲକ୍ଷ ଟନ୍ ଏବଂ ୨୨.୦୬ ଲକ୍ଷ ଟନ୍ ଅଧିକ। ରେପସିଡ୍ ଏବଂ ସୋରିଷର ଉତ୍ପାଦନ ୧୨୬.୬୭ ଲକ୍ଷ ଟନ୍ ହେବ ବୋଲି ଆକଳନ କରାଯାଇଛି।
