କୋଣାର୍କ, ୧୫/୦୮ : ପୁରୀ ଜିଲ୍ଲା ଗୋପ ଥାନା ବଣିଆ ସାହିରେ ଅଘଟଣ। ରୋଷେଇ କରୁଥିବା ବେଳେ ଗ୍ୟାସ୍ରେ ନିଆଁ ଲାଗି ସ୍ଵାମୀ-ସ୍ତ୍ରୀଙ୍କ ସମେତ ୩ ଗୁରୁତର। ସମସ୍ତଙ୍କୁ ଭୁବନେଶ୍ୱର ଏମ୍ସକୁ ସ୍ଥାନାନ୍ତରିତ କରାଯାଇଛି। ଦମ୍ପତିଙ୍କ ଶରୀର ୪୦ ରୁ ୫୦ ଭାଗ ପୋଡି ଯାଇଥିବା ଡାକ୍ତର କହିଛନ୍ତି।
ସୂଚନା ଅନୁସାରେ, ଗୋପ ପୟରା ପଞ୍ଚାୟତ ଯମରା ଗ୍ରାମର ନାରାୟଣ ମଲ୍ଲିକ ତାଙ୍କ ସ୍ତ୍ରୀଙ୍କ ସହ ବଣିଆ ସାହିରେ ଦୀର୍ଘ ଦିନ ହେବ ଭଡା ଘରେ ରହି ଆସୁଥିଲେ। ଗୁରୁବାର ରାତିରେ ସ୍ୱାମୀ ସ୍ତ୍ରୀ ଦୁହେଁ ରୋଷେଇ କରୁଥିବା ବେଳେ ଗ୍ୟାସ୍ରୁ ଉଭୟଙ୍କ ଶରୀରରେ ନିଆଁ ଲାଗିଯାଇଥିଲା। ଘଟଣା ସ୍ଥଳରେ ନାରାୟଣଙ୍କ ସଡୁ ଉଭୟଙ୍କୁ ଉଦ୍ଧାର କରିବାକୁ ଯାଇ ଗୁରୁତର ହୋଇଥିଲେ। ଗ୍ରାମବାସୀ ସେମାନଙ୍କୁ ତୁରନ୍ତ ଉଦ୍ଧାର କରି ଗୋପ ମେଡିକାଲରେ ଭର୍ତ୍ତି କରିଥିଲେ। ପ୍ରାଥମିକ ଚିକିତ୍ସା ପରେ ଡାକ୍ତର ତିନି ଗୁରୁତରଙ୍କୁ ଭୁବନେଶ୍ୱର ଏମ୍ସକୁ ସ୍ଥାନାନ୍ତରିତ କରିଛନ୍ତି। ନିଆଁ ଲାଗିବା କାରଣ ଅସ୍ପଷ୍ଟ ଥିବା ବେଳେ ସ୍ୱମୀ ଏବଂ ସ୍ତ୍ରୀଙ୍କ ଶରୀର ୪୦ ରୁ ୫୦ ଭାଗ ପୋଡି ଯାଇଥିବା ଗୋପ ଡାକ୍ତର କହିଛନ୍ତି।
