ନୂଆଦିଲ୍ଲୀ,୨୨/୦୭: ଗୌତମ ଆଦାନୀ ଏସିଆର ସବୁଠାରୁ ବଡ଼ ଧନୀ ବ୍ୟକ୍ତି। ବର୍ତ୍ତମାନ ତାଙ୍କର ସମ୍ପତ୍ତି ୯୦.୩ ବିଲିୟନ ଡଲାର ଅର୍ଥାତ୍ ପ୍ରାୟ ୮.୬୮ ଲକ୍ଷ କୋଟି ଟଙ୍କା। ସେ ଆଦାନୀ ଗ୍ରୁପର ପ୍ରତିଷ୍ଠାତା ଏବଂ ଅଧ୍ୟକ୍ଷ, ଯାହାର ବ୍ୟବସାୟ ବନ୍ଦର ଏବଂ ନବୀକରଣୀୟ ଶକ୍ତି ସମେତ ବିଭିନ୍ନ କ୍ଷେତ୍ରକୁ ବ୍ୟାପିଛି। କିନ୍ତୁ ଆପଣ କ’ଣ ଜାଣନ୍ତି କି, ଆଦାନୀ ମାତ୍ର ୨୦ ବର୍ଷ ବୟସରେ କୋଟିପତି ହୋଇଯାଇଥିଲେ? ଆସନ୍ତୁ ଜାଣିବା ତାଙ୍କର ପ୍ରଥମ ବ୍ୟବସାୟିକ ଉଦ୍ୟମ କ’ଣ ଥିଲା ଏବଂ କିପରି ଏହା ତାଙ୍କୁ ଏତେ କମ୍ ବୟସରେ କୋଟିପତି ଆସନରେ ବସାଇଥିଲା।
କେମିତି ଆରମ୍ଭ ହୋଇଥିଲା କ୍ୟାରିୟର?
ଗୌତମ ଆଦାନୀ ୪୮ ବର୍ଷ ପୂର୍ବେ ୧୯୭୮ ମସିହାରେ ମୁମ୍ବାଇରେ ଜଣେ ହୀରା ସର୍ଟର ଭାବରେ ତାଙ୍କର କ୍ୟାରିଅର ଆରମ୍ଭ କରିଥିଲେ। ଗଣମାଧ୍ୟମ ରିପୋର୍ଟ ଅନୁସାରେ, ସେ ପରବର୍ତ୍ତୀ ସମୟରେ ଏକ ସଫଳ ହୀରା ଦଲାଲି ବ୍ୟବସାୟ ଆରମ୍ଭ କରିଥିଲେ, ଯାହାକି ତାଙ୍କୁ ମାତ୍ର ୨୦ ବର୍ଷ ବୟସରେ (୧୯୮୨ ସୁଦ୍ଧା) ଜଣେ କୋଟିପତିର ପରିଚୟ ଦେଇଥିଲା।
ଅଧିକ ପଢ଼ନ୍ତୁ: Share Market Crash: ୪ ଘଣ୍ଟାର ଟ୍ରେଡିଂରେ ୪ ଲକ୍ଷ କୋଟି ଟଙ୍କାର ଝଟକା, ଖସିଲା ସେସସେକ୍ସ-ନିଫ୍ଟି
ବଡ଼ ଭାଇଙ୍କ ସହିତ ଆରମ୍ଭ କରିଥିଲେ କ୍ୟାରିୟର:
୧୯୮୨ ମସିହାରେ କୋଟିପତି ହେବା ପୂର୍ବରୁ, ଆଦାନୀ ୧୯୮୧ ମସିହାରେ ତାଙ୍କ ବଡ଼ ଭାଇଙ୍କୁ ତାଙ୍କର ପ୍ଲାଷ୍ଟିକ୍ ବ୍ୟବସାୟରେ ସାହାଯ୍ୟ କରିଥିଲେ ଏବଂ ଏକ ଆମଦାନୀ-ରପ୍ତାନି ଏବଂ ସାମଗ୍ରୀ ବାଣିଜ୍ୟ ଉଦ୍ୟମ ଆରମ୍ଭ କରିଥିଲେ।
ଏହା ପୂର୍ବରୁ, ୧୬ ବର୍ଷ ବୟସରେ, ଆଦାନୀ ପାଠପଢ଼ା ଛାଡି ଅହମ୍ମଦାବାଦରୁ ମୁମ୍ବାଇ ଚାଲି ଆସିଥିଲେ। ସେ ମହିନ୍ଦ୍ରା ବ୍ରଦର୍ସରେ ହୀରା ସର୍ଟର ଭାବରେ କାମ କରୁଥିଲେ। ଏହି ବାଣିଜ୍ୟରେ ଦକ୍ଷତା ହାସଲ କରିବା ପରେ, ସେ ମୁମ୍ବାଇର ଜାଭେରୀ ବଜାରରେ ନିଜର ହୀରା ବ୍ରୋକରେଜ ବ୍ୟବସାୟ ଆରମ୍ଭ କରିଥିଲେ; ଏହି ଉଦ୍ୟମ ଅତ୍ୟନ୍ତ ସଫଳ ହୋଇଥିଲା, ଯାହାକି ତାଙ୍କୁ ପ୍ରାୟ ୨୦ ବର୍ଷ ବୟସ ସୁଦ୍ଧା ଲକ୍ଷ ଲକ୍ଷ ଟଙ୍କା ରୋଜଗାର କରିବାକୁ ସକ୍ଷମ କରିଥିଲା।
ଆନ୍ତର୍ଜାତୀୟ ବାଣିଜ୍ୟ ଏବଂ ସାମଗ୍ରୀ ବଜାରର ରାସ୍ତା କିପରି ଖୋଲିଲା:
ଆଦାନୀ ତାଙ୍କ ବଡ଼ ଭାଇଙ୍କ ନିର୍ଦ୍ଦେଶରେ ଅହମ୍ମଦାବାଦ ଫେରି ପ୍ଲାଷ୍ଟିକ୍ କାରଖାନା ପରିଚାଳନା ଦାୟିତ୍ୱ ନେଇଥିଲେ। ଏଠାରେ ସେ ବିଦେଶରୁ ପିଭିସି (ପଲିଭିନାଇଲ୍ କ୍ଲୋରାଇଡ୍) ଏବଂ ପ୍ଲାଷ୍ଟିକ୍ କଞ୍ଚାମାଲ ଆମଦାନି କରିବାର ସୁଯୋଗ ପାଇଲେ। ଏହି ପଦକ୍ଷେପ ତାଙ୍କୁ ଆନ୍ତର୍ଜାତୀୟ ବାଣିଜ୍ୟ ଏବଂ ସାମଗ୍ରୀ ବଜାରରେ ପ୍ରବେଶ ପାଇଁ ପଥ ପ୍ରଶସ୍ତ କରିଥିଲା।
ବାଣିଜ୍ୟ ସମ୍ପର୍କିତ ଖବର ପଢ଼ନ୍ତୁ: US Attack on Iran: ମହାଯୁଦ୍ଧ ଆଡ଼କୁ ମୁହାଁଉଛି ବିଶ୍ୱ ! ୧୧ ଦିନରେ ପହଞ୍ଚିଲା ଆମେରିକା-ଇରାନ ଯୁଦ୍ଧ, ବୃଦ୍ଧି ପାଉଛି କ୍ରୁଡ୍ ଅଏଲ୍ ଦର
ସରକାରୀ ନୀତିରୁ ମିଳିଛି ଲାଭ:
୧୯୮୫ ମସିହାରେ ଭାରତ ସରକାରଙ୍କ ଉଦାରୀକରଣ ଆମଦାନୀ ନୀତିକୁ ବ୍ୟବହାର କରି, ଆଦାନୀ କ୍ଷୁଦ୍ର ଶିଳ୍ପ ପାଇଁ କଞ୍ଚାମାଲ ଆମଦାନୀ କରିବା ଆରମ୍ଭ କରିଥିଲେ। ଏହି ଅଭିଜ୍ଞତାକୁ ଆଧାର କରି, ସେ ୧୯୮୮ ମସିହାରେ ଆଦାନୀ ଏକ୍ସପୋର୍ଟସ୍ ଲିମିଟେଡ୍ (ବର୍ତ୍ତମାନ ଆଦାନୀ ଏଣ୍ଟରପ୍ରାଇଜେସ୍) ପ୍ରତିଷ୍ଠା କରିଥିଲେ।
ପ୍ରାରମ୍ଭରେ, କମ୍ପାନୀ କୃଷି ଏବଂ ଶକ୍ତି ସାମଗ୍ରୀରେ ବ୍ୟବସାୟ କରିଥିଲା, ଏକ ବିଶାଳ ବ୍ୟବସାୟ ସାମ୍ରାଜ୍ୟର ମୂଳଦୁଆ ସ୍ଥାପନ କରିଥିଲା ଯାହା ଶେଷରେ ବନ୍ଦର ଏବଂ ଶକ୍ତି କ୍ଷେତ୍ରକୁ ବ୍ୟାପିଥିଲା। ଆଜି, ଆଦାନୀ ଗ୍ରୂପ୍ର କାର୍ଯ୍ୟ ବନ୍ଦର, ବିମାନବନ୍ଦର, ବିଦ୍ୟୁତ୍ ଉତ୍ପାଦନ ଏବଂ ପରିବହନ ଏବଂ ସବୁଜ ଶକ୍ତି ଭଳି ବିବିଧ କ୍ଷେତ୍ରଗୁଡ଼ିକରେ ବିସ୍ତାରିତ।
ପ୍ରମେୟ ପୃଷ୍ଠାର ପ୍ରମୁଖ ଖବର: Offline UPI Payments: ବିନା ଇଣ୍ଟରନେଟ୍ରେ ହେବ UPI ପେମେଣ୍ଟ ! NPCIର ନୂଆ ଫିଚର ‘Tap-to-Pay’
