ନୂଆଦିଲ୍ଲୀ, ୨୬/୧୧ : ଭାରତ ଲାଗି ବର୍ଡ଼ର- ଗାଭାସ୍କର ଟ୍ରଫିର ଆରମ୍ଭ ବହୁତ ଭଲ ରହିଛି । ସିରିଜର ପ୍ରଥମ ମ୍ୟାଚ୍ ୨୨ରୁ ୨୫ନଭେମ୍ବର ପର୍ଯ୍ୟନ୍ତ ଖେଳାଯାଇଛି । ଭାରତ ପର୍ଥ ଟେଷ୍ଟ ମ୍ୟାଚକୁ ୨୯୫ରନରେ ବିଜୟ ହେବାରେ ସଫଳ ହୋଇଛି । ଏହାପରେ ଭାରତର ଦ୍ବିତୀୟ ଟେଷ୍ଟ ମ୍ୟାଚ୍ ୬ଡିସେମ୍ବରରୁ ୧୦ଡିସେମ୍ବର ପର୍ଯ୍ୟନ୍ତ ଏଡିଲେଡ ଓଭଲରେ ଖେଳାଯିବାକୁ ଅଛି । ଯାହା ଏକ ଡେ- ନାଇଟ୍ ଟେଷ୍ଟ ମ୍ୟାଚ୍ ଅଟେ । କିନ୍ତୁ ଏହି ମ୍ୟାଚ୍ ପୂର୍ବରୁ ଭାରତୀୟ ଟିମର ମୁଖ୍ୟ କୋଚ୍ ଗୌତମ ଗମ୍ଭୀରଙ୍କୁ ଭାରତ ଫେରିବାର ଖବର ସାମ୍ନାକୁ ଆସିଛି ।
ପର୍ଥ ଟେଷ୍ଟରେ ବିଜୟ ପରେ ଟିମ୍ ଇଣ୍ଡିଆର ମୁଖ୍ୟ କୋଚ୍ ଗୌତମ ଗମ୍ଭୀର ‘ବ୍ୟକ୍ତିଗତ କାରଣ’ରୁ ମଙ୍ଗଳବାର ଭାରତ ଫେରୁଛନ୍ତି । ରିପୋର୍ଟ ଅନୁସାରେ ଗମ୍ଭୀର ୬ଡିସେମ୍ବରରୁ ଏଡିଲେଡରେ ଆରମ୍ଭ ହେବାକୁ ଥିବା ଦ୍ବିତୀୟ ଟେଷ୍ଟ ମ୍ୟାଚ୍ ପୂର୍ବରୁ ଟିମ୍ ସହ ଯୋଡ଼ିହେବେ । ବିସିସିଆଇର ଜଣେ ଅଧିକାରୀ କହିଛନ୍ତି କି ଗମ୍ଭୀର ଆମକୁ କହିଛନ୍ତି କି ସେ ବ୍ୟକ୍ତିଗତ କାରଣରୁ ଘରକୁ ଫେରୁଛନ୍ତି । ବୋର୍ଡ଼ ତାଙ୍କ ଅନୁରୋଧକୁ ସ୍ବୀକାର କରି ନେଇଛି । ସେ ଦ୍ବିତୀୟ ଟେଷ୍ଟ ପୂର୍ବରୁ ଟିମ୍ ସହ ଯୋଡ଼ି ହେବେ ।
ଭାରତୀୟ ଟିମ୍ ବୁଧବାର କ୍ୟାନବରା ଲାଗି ଯିବ, ଯେଉଁଠାରେ ସେ ୩୦ନଭେମ୍ବରୁ ପ୍ରାଇମ ମିନିଷ୍ଟର ଏକାଦଶ ବିପକ୍ଷରେ ଦୁଇ ଦିବସୀୟ ପିଙ୍କ୍ ବଲ ପ୍ରାକ୍ଟିସ ମ୍ୟାଚ୍ ଖେଳିବ । ଏହି ସମୟରେ ଗମ୍ଭୀରଙ୍କ ଅନୁପସ୍ଥିତିରେ ଆସିଷ୍ଟାଣ୍ଟ କୋଚ୍ ଅଭିଷେକ ନାୟର ଏବଂ ରେୟାନ ଟେନ ଡୋଏଶେଟ, ବୋଲିଂ କୋଚ୍ ମର୍ନି ମର୍କେଲ ଏବଂ ଫିଲ୍ଡିଂ କୋଚ୍ ଟି ଦିଲୀପ ଅଧିନାୟକ ରୋହିତ ଶର୍ମାଙ୍କ ସହ ଟିମର କମାଣ୍ଡ ସମ୍ଭାଳିବେ ।
